"أنا لا أملك وطناً لأحارب من أجله ، فوطني هو الحق ".
تشي جيفارا
°•○○○○○○○○○○○○○○○○○○○○•°
غير قعدنا عيطلي عبد الكريم ... استأذنت من أسماء و رحت نحكي معاه
عبد الكريم : صح وش بعثيلي ؛؟؟
أنفال : خدمتك تعرف ادا صح و لا لالا ... قتلي وش تعرفي قوليلي و راني نقولك ... نقطة الى سطر
عبد الكريم : ايهيه والله و طلعلك لسان ... و قال بنبرة تهديد : اسمعيني مليح انفال رؤوف مدامو لحق لهداك لمخزن ... معنتها مزالو يخمم فالمهمة لولة ... و هادا دليل على اصرارو باش مايفشلش في حتى مهمة و الحاجة الثانية مدام راخو مخبي هاد الشي على الفرقة معنتها راو شاكك بلي كاين خاين ... ديري حذرك باش ندير حدري ..
كوبيت بلاما نزيد حرف ... شفت فتليفون بشرود ...عندو الحق بصح مايلزمش نخمم في هاد الحوايج دوك ... كملت قريت شويا مع أسماء ... و كي لحقت 12 رحنا فطرنا و حوسنا شوية ...
غير دخلت للمقر ... قابلتني سوسن و رؤوف ... و كان باين عليهم في نقاش حاد .... ماحبيتش ندخل روحي ... غير جيت داخلة للكوخ .. نسمع في سوسن تعيط : هايليك راي جات ... و شوف بعينك ... لبست حوايجي بلا ماتقولي ... معنتها هيا لي سرقتها ...
وشنو ... سمعت مليح .. لبست حوايجها بلا علمها و زيد سرقت ... درت بالعرض البطئ ... غير شفتها رحت لعندها ... وقف رؤوف بيناتنا و قال : أنفال لبيتك ... غاولي ... خزرت فيه ماشي مصدقة ... قلت بحدة : من نيتك راهي تقول عليا سراقة و نتا تقولي لبيتك ...
غير جا حيهدر سبقاتو و هيا تبكي : وش درتلك ااه ... علبالك بلي هادي اغلى ذكرى من عند عايلتي ... و نتي رحتي سرقتيها ...
طلعت حواجبي مستغربة : وش سرقت ؟؟ والله ماسرقت حاجة ... شفت فرؤوف و قلت : رؤوف راك مآمني ياك ... شاف فيا بخزرة مافهمتهاش و سكت
سوسن : ما تنكريش لقيتها داخل لقجر ديالك ... و زيد كيما لبستي حوايجي بتخبية ... تقدري تسرقيها .. نورمال
غير جيت ندافع على روحي .. هدر رؤوف : خلاص بين زوج ... عندي شغل كي نكملو ... نشوفو هاد الموضوع ... و راح بلا مايزيد كلمة ... شفت خيالو حتى ركب و راح ... سمعت صوت ضحكاتها لي علات ... فهمت بلي هادي كامل لعبة منها ... شفت فيها باستحقار و رحت وخليتها ... الخزرة ديالو طيحت مني النص جامي توقعت يسيئ فيا الظن
___________________________
مهدي يحكي
و أخيرا لحقت للعنوان تاع المخزن ... لوكان ماشي معارف آدم لي عرفهم اثناء تهريب الذهب و المعادن ... ماكنتش حنوصل اصلا لدزاير ... شفت فهاداك لي قدامي ... من رجال ادم ... حطيت يدي على كتفو و قلت : صح خفيف كيما قالو ؟؟
تبسم بجنب و قال : خسارة عليك راك مع الفهد ...
هزيت راسي و قلت : راك عارف وش لازم دير ... مالازم حتى واحد يشوفك ني رجال رؤوف ني رجال عبد الكريم ني رجال العصابة هادي ...
هزلي راسو و قال : مهني ...
عضيت على خدي و قلت : كي تكمل تلقاني من الباب الوراني نستنى فيك ... شد هادو .. حطهم في بلايص ماشي باينين بصح يحكمو كامل زوايا المخزن ... شفت في ساعتي كانت سبعة ونص تاع ليل حتى من ضلمة بدات طيح .... و قلت ... هاديك هيا ... نورمالمون دوك يبدلو الحراس ... عندك 15 ساعة في يدك ... ماعليك غير تحط الكاميرات و تخرج ... هادا مكان ...
هبط الماسك على وجهو و راح ... تبعتو بعينيا حتى غاب .. و درت رايح للبلاصة لي نسناه فيها....
قاعد شاد قلبي ... جازو 20 دقيقة و مازال ماولا ... سمعت صوت طونوبيلات جاييت عقدت حواجبي ... بدلت بلاصة باش نقدر نشوفهم ... دخلو يجرو للمصنع ... و بداو يخرجو فصناديق ... فهمت بلي عبد الكريم لحقلو الخبر ... و انا هكاك حسيت بيد على كتفي ... غمضت عيني و لعنت الفهد تاع الخرطي في قلبي ....
_____________________________
وش رايكم في قوة أنفال مع عبد
الكريم🔥 ؟؟ +بالاك نزيد نحط حلقات كتعويض على التأخير تاع البارح ♥️♥️
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
