"الهجر الجميل : هجر بلا أذى ، و الصفح الجميل : صفح بلا عتاب ، و الصبر الجميل : صبر بلا شكوى ".
-ابن تيمية-
°•○○○○○○○○○○○○○○○○○○○○•°
لحقت للمقر ... اتاجهت لكوخها هيا وليديا ... في طريقها تلاقات مع عبدو لي كان باين على وجهو الضيق ...
عقدت حواجبها و قالت : عبدو عبدو ...
شاف فيها و قال : وي لينا ... سافا ؟؟
لينا : سافا سافا بصح نتا راك مليح ؟؟
تنهد بتعب و قال : مانعرف زينو وش دار ل ليديا هاد المرة .. و هيا حبست روحها فالكوخ ...
عقدت لينا حواجبها و قالت بإستياء : ماتزيديليش ..
هز راسو ماشي راضي على الوضع و قال : كنا تقدمنا و تخطبت ... و بدات تتقبل أدم في حياتها ... ولينا لزيرو ...
لينا بلعقل : حتى هداك ضهر ماشي راجل
شاف فيها عبدو و قال : وش راكي تهدري تحت لسانك ...
خزرت فيه و جاتها فكرة تتأكد بيها : ااا عبدو ...نسحقك تبيراطيلي وحد الكونت
طلع حاجب و قال : تاعمن ...
لينا : تاع وحد الطفلة ...
عبدو : ماشي في خدمتنا ...
لينا : اا لالا مسألة شخصية
عبدو مكاش مشكل .. روحي شوفي ليديا برك
شافت لينا في جيهة الكوخ بشرود و قالت : خليها تريح وحدها شوية
_____________________________
حمحمت انفال و قالت : احم .. سوسن ماتروحيش
شافت فيها سوسن من لفوق للتحت ... ضحكت باستهزاء و كملت تخمل في حوايجها ...
تنهدت انفال و قالت بثقة : صحا وش رايك نعقدو اتفاق
شافت فيها باهتمام ... كملت انفال : مانكذبش عليك مانيش حابة نبقى هنا ... راني حابة نولي لحياتي العادية ... و كلما تعلمت بالخف كلما خير ... انتي راح تعلميني كامل وش تعرفي ... ماشي غير دفاع عن النفس فالمقابل ... نعاونك تولي مع رؤوف ...
سوسن : وش قصدك ..
أنفال بكذب و ابتسامة صفرا : اصلا تعجبيه .. و زيد مكانش وحدة تلقيلو كيما نتي
سوسن : و زعما انا راح نسنى بزة كيما نتي تعاوني
انفال و هيا مزيرة على يدها : سوسن خليني محترماتك ... و زيد العود لي تحقريه يعميك ...
تبسمت سوسن بتكلف و قالت : ماقنعتينيش
هزت انفال كتافها و قالت : كيما حبيتي ... فالاخير شحال عندك من لي تعرفيه و مادرتي والو فيها ... و اصلا انا ماراني خاسرة والو ... تروحي نتي يجيبلي وحدوخرة...
اعطاتها بظهرها مولية ... تبسمت بثقة كي وقفتها سوسن : ااا حبسي ... موافقة ... بصح ماديري حتى حاجة بلا علمي ... دوك نلبس و نجي ...
دخلت سوسن للحمام تبدل حوايجها ... رمات أنفال شعرها للور بغرور ... سمعت صوت تيلفون يصوني ... تبعت صوت ... لقاتو مرمي بإهمال ... رفداتو ... تشوف فيه بإستغراب ... تاعمن هادا ولا مرة شافتو ... بالاك تاع سوسن ... تكوبات لابال ... شافت فيه بعدم اهتمام ... رفداتو من لرض ... غير حطاتو فوق طابلة .. لحق ميساج ... جاها فضول تعرفو ... شافت من جيهة الحمام ... حلت تيلفون تمتم ... حطت يدها على فمها مور ماقرات الميساج ... جبدت تيلفونها تجري صورت وش مكتوب تمتم ... و يدها ترعد بتوتر ... غير سمعت صوت الباب يتحل رجعت تيلفونها لبلاصتو ... كي كانت حترجع هاداك تيلفون طاحلها ...
شافت في سوسن بارتباك و قالت : اا سوسن ...
شافت فيها سوسن باستغراب و قالت : وشبيك ..
وقفت أنفال و مدت هداك تيلفون لسوسن و قالت : هاكي هادا تاع رؤوف مديهولو ... و خرجت قبل ماتخليها تجاوبها ...
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
