اول كرو في سلسلة 《قيود الحب 》
الجزء الثاني من لصة قلبي
الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ
خيانة العائلة ...خيانة الصديق..خيانة الحبيب...خيانة النفس...
و أغظمها خيانة الوطن❗...لكنها خائنة و لكن ....
❌❌❌ممنوع...
°•○○○○○○○○○○○○○○○○○○○○•° قال لينا و تنهد ... لونا بشك : شكون لينا ؟؟ ... ضحك ضحكة باهتة و قال : بنت قلبي ... عرفت معاها بزاف عفايس ... و لقيت فيها راحتي ... بنيت معاها احلام ... بصح الله غالب ماشي كامل الحسابات لي نديروهم يخرجو صحاح ...كاين وحد المثل بدزيرية بمعنى لي يحسب يشيطلو و انا هكا صرالي ... لونا : وش صرا ؟؟ علاه مراكمش كيف كيف ؟؟ سكت شوية و قال : نهار كنت حنعترفلها بحبي لقيتها تعترف بحبها لصاحبي زينو .. سكتت لونا شوية متفاجئة .. و قالت : مافهمتش ؟؟ هيا كانت تعرف بمشاعرك ؟؟ صابر : وي و هكاك و راحت عرضت على صاحبي تكون معاه اصلا النسا كامل هكا كي حست بلي ضمنتني رمات عليا لما ... عقدت لونا حواجبها بغضب و قالت : سمحلي بصح نتا ماعترفتلهاش مامبا بحبك كيفاش حبيتها تفهم هادي وحدة و ماشي زينو صاحبك هوا نفسو لي يفهك بلا ما تهدر اه مالا تقدر تفهمني كيفاش ماعرفش بلي تحبها ؟؟ انا لي عندي مامبا سمانة من لي عرفتك غير شفت خزرتك ليها عرفت بلي تكنلها مشاعر سمحلي بصح لافوت تاع صاحبك تان مالغري علبالو ماتحصلوش كلشي فينا ... سكت صابر يخمم في هدرتها ...لقاها عندها الحق ... هوا جامي خمم من هاد الجانب ...ديما كان يرمي الحق على لينا ... ظهرو كامل طعنوه في ظهرو ...متاكد انو كي لينا كي زينو كي كامل اعضاء الفرقة كانو يعرفو بمشاعرو اتجاها ... سكت شويا و قال : لونا تتزوجي بيا ؟؟ حلت عينيها متفاجئة ... ماكانش في بالها ترتبط جديا و لا ترتبط بصابر بهاد السرعة ... اول عرض زواج ليها ... حاولت تخدم عقلها ... صابر مايخصو والو ... على حساب وش قاللها خوها باباه جينرال و هوا طالعة بيه فالقوات الجزائرية و زيد عندو ديبلوم تاع طبيب و فوق هادا محترمها و متفهم و متقف و شباب ...هيا حمارة باش ماتقبلش خزرت فيه و قالت : و لينا ؟؟ خز كتافو و قال : حاب نبدا حياة جديدة ...سكت شوية و كمل معااك ...انا غدوة نهبط لدزاير لازم ..ادا وافقتي تلقايني تما ... ____________________________
بعد يوم ... خرجت وجها صفر ...تحت عينها كحولية ... ماشي مآمنة ... هيا خرجت دوك من فحص العذرية ...حتى و هادي و داروها بيها ... تقدمت منهم بلعقل شادة الورقة بيها ... لمحت نظرة الندم في عنين خوها و الضعف في عنين باباها ...رمات الورقة على خوها و قالت : هاي الورقة لي خسرت ختك على جالها ...افرح بيها ... علقها في بيتك ...كلما تنوض تشوفها ... دير مليح في بالك ماراحش نسامحك ... المرة هادي تماديت ... و قذفتني ...قذفت عرضك ... نوكل عليك ربي ...نخليها عليك و نقوض امري ليه ... هبط عينيه بحشمة هوا دار كلشي بتسرع منو ...مدهوش كيش ولات ختو ... عماه غضبو و تحكم فيه ... خسر الوحيدة لي كانت متحملة عصبيتو ... و الاصعب انو وكلت عليه ربي ... خرج من سبيطار بخطوات متباطئة نادم و حاشم من غلطتو ...اما اسماء توجهت للمطار لقت مهدي و الجماعة يسناو فيها ... غير جات زادو شويا و ركبو متاجهين لدزاير _____________________________/
ملاحظة صغيرة : سلام 🤗ان شالله تكونو كامل بخير ♥️ حبيت ناخد من وقتكم شويا نحطو فيها نقاط على حروف ... ككاتبة في بداياتي الفوت و الكومنت او التفاعل بصفة عامة شي يفرحني بزااف و يدعمني و يشجعني اكيد ... و رغم هاد الشي الا انو جامي طلبت منكم حاجة هكا باش نكمل الحكاية ...علخاطرش مانكتبش علجال التفاعل ... نكتب لانو نحب هاد الشي و حابة نطور موهبتي فيه ... بصح كي نهمل قرايتي و اموري الشخصية باش نكتب و مع لخر نلقا بلي واحد ماقرا وش كتبت حاجة تفشلني بزاااف خاصة وقت شفت انو ماربحتها قراية ماربحتها كتيبة ... و للاسف نفس الشي صرا معايا المرة لي فاتت و خلاني نفقد حماسي فالكتيبة ...علابيها حبيت نبعد شويا باش نقدر نصفي مخي و كي وليت لقيت بلي كاين لي قراو وش كتبت ... و كاين لي حوسو على التكميلة بعد هاد الغياب ... عاودت وليت نكتب بصح عاود صرا معايا نفس الشي ... يعني ادا مراكوش تقراو و ماعجبتكمش لكرو ...علاه نكملها ... من لخر نحذفها و نريح راسي و نعتبر روحي فشلت في هاد المجال !! و كقارئة مانحبش الكاتبة لي تخلي الحكاية فالنص ! علابيها مراحش نخليها فنص حتى و ادا كانت وحدة برك لي تقراها حنكملها بصح مانعرف ادا حنكمل ف هاد المجال و لا لالا ...فاللخر كامل معندناش الوقت ...كيما انا نسرق من وقتي باش نكتبلكم يا لوكان على حسابي ... تقدرو نتوما تسرقو 5 دقايق من وقتكم باش تقراو ... لانو هاد الشي هوا لي يحمسني و يشجعني باش نزيد نكتب ... من غير هاد الشي نحب نشكر كل وحدة سرقت من وقتها باش تقرا وش كتبت كل وحدة دارتلي فوت كل وحدة كومونتات و شاركتني بأرئها كل وحدة بعتتلي رسالة تشجعني بيها شكرا لكل وحدة دعمتني لانو الحاجة لي تشوفوها نتوما صغيرة الاثر ديالها كان كبير عليا ♥️♥️
⤵️⤵️⤵️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
😂😂😂😂😂تفكرت برك بلي مراحش تقراو هادي حتى مور 4 ايام🤦♀️🤷🏻♀️
