"السعادة لها شكل واحد، أما التعاسة فتأتي بكافة الأشكال والأحجام"
- هاروكي موراكامي - كافكا على الشاطيء
°•○○○○○○○○○○○○○○○○○○○○•°
عقدت حواجبها ...دارت على روحها تشوف فالمكان ... كي طاحت عينها على واد قلبتهم ...كي تفكرت نهار لول لي جات فيه لهنا ... كملت دور في عينيها تحوس على كاش حاجة تفكرها بهاد البلاصة ...ثواني و حبست من دوران مستوعبة ...راحت لهديك الشجرة تحوس على الاشارة لي عينتها ديك نهار .. غير لقاتها تبسمت بشرود و هيا تمسح عليها ... تمحات تبسيمتها ...قالت وهيا بنفس الوضعية ...شكونو ؟؟ شكون هاد الجينرال ؟؟ دارت ليه كي لقاتو سكت .. غير طاحت عينها ف عينو قال :مانعرفش عليه بزاف ... كل لي نعرفو عندو ندبة في كرشو بقاتلو من اصابة خطيرة و عندو وشم على شكل فراشة في اخر ظهرو... عقدت حواجبها و قالت : ماشي كان جينرال و المعلومات ديالو مقيدة ... رؤوف بمعنى: حرق كامل الملفات و بطريقة ما تمحاو كامل ف النظام العنكبوتي بالصدفة ...ضربت حجرة صغيرة برجلها ...قعدت فتراب و قالت بغصة: و ...و با..تنفست حاولت تخرج صوتها طبيعي ... حكت رقبتها و قالت بتوتر و هيا تهرب في عينيها منو .. و بابا؟؟ بالاك عندو بلاصة مانعرف مخبي فيها كاش حاجة ...تصاور ولا معلابايش ..بالاك فدار ...بالاك عمي كاشما يعرف ... رؤوف :انفال ... حبست و شافت فيه ..تنهد و قرب منها شاد يديها ... غير حست بقربو ...طرطقت بالبكا و لصقت فيه كتر ... تبسم كي حس بتريكوه تشمخ ...بصح هاد المرة عكس لي فاتو ...حاوطها بيديه ... كي حسها هدات ...جبد روخو منها ... شافت فيه بحشمة ...شدها من دقنها ...دق قلبها بعنف من قربو و من هدرتو لي قالها ... رؤوف : انفال ... ماتخمي في والو ...ماشي ديري فيا ثيقة ...نوعدك نجيبلك حقك و حق باباك ...نتي الهاي بقرايتك برك ...و حققيلو حلمو ... هوا دار المستحيل باش يبعدكم على هاد الضومان بصح هادا هوا لقدر و المكتوب ...نحبك توعديني دوك تجبدي روحك ... هزت راسها شوية و قالت : وعد ...
مسح على راسها و قال : روحي وجدي روحك نديك عند ماماك ...راحت بلاما تناقشو اصلا كمية المعلومات لي سمعتها كافية او وافية
حل عينيه بثتاقل و عاود غلقهم بزربة من قوة الضو لي ضرب فيهم ...حس بطبيب و هوا يفحص فيهم موجه الضو ... بعد شوية بعد عليه ... شاف فيه و فطفلة لي موراه و قال : وين راني ؟؟ شكون نتوما ؟؟
طمنو الطبيب وو قال بالفرنسية : اطمن موسيو راك معانا في امان ...للاسف تعرضت لإصابة على مستوى الراس و هاد الشي خلاك تفقد الذاكرة ... غمض عينيه يستوعب في هدرتو ... عاود حلهم و قال : وش قصدك ؟ نقعد هكا ؟؟ مانعرف والو على روحي ...الطبيب :هاد يرجع ليك متعلق بحالتك ... و نفسيتك ... نتا فقدت الذاكرة صحيح ..بصح ادا مخك او عقلك الباطيني يعني نتا حاب تتفكر راح ترجعلك الذاكرة اما في حالة مارجعتش ...يعني نتا راك حاب تنسى ...و بالاك تتفكر غير وش راك حاب و تمحي الذكريات السيئة لي عندك ...
مسح على وجهو بقلقة ...خرج الطبيب من عندو مخليه مع هاديك طفلة ..تبسمت معاه و قربت منو شوية ... غمض عينيه متجاهلها حتى حس بيديها عليه ...و هيا تقول بصوت رقيق : ماتتقلقش حبيبي ...راني معاك و جامي نخليك ...كيما تجاوزنا المشاكل لي فاتو راح نتجاوزو هاد الشي ...
عقد حواجبو و قال : و..وش قصدك ..
مسحت بصبعها مابين حواجبو تنحيلو فالعقدة و قالت : نتا راك ناسيني دوك ... بصح ماعليش فالفترة هادي حنحاول نفكرك في علاقتنا ... تنهدت و قالت : انا وياك مخطوبين و عرسنا على 3 سمانات ... سكتت شويا و قالت : هههه نورمالمون اول حاجة نقولهالك هيا اسمك بصح حبيت نبدالك بعلاقتنا باش ماتزيدش تنساها و تقعد متفكرها ...
جبد روحو منها شوية و قال : وش يضمنلي بلي مراكيش تكذبي ؟؟و تستغلي في وضعي ..
ضحكت باستهزاء و جبدت روحها منو : بيناتنا وش حنستفاد ؟؟ خاصة في وضعك ؟؟ واحد ناسي كلش اسمو و مايعرفوش !
دور كلامها في راسو ...مالغري قاسو شوية بصح منطقي .. باستو من راسو و قالت : نخليك تريح و تخمم وحدك علابالي صعيبة عليك بصح دير في بالك بلي ماشي انا لي نسمح في حب حياتي ...تبسمت معاه و خرجت مخلياتو يغرق في افكارو
_____________________________
غدوا اخر يوم نجوز فيه لي اكزاما😫 و نولي نحط كيما كنت🤗 ... ابار سا نظن توضحلكم الاكستري تاع المرة لي فاتت😇😇 +رايكم فالاحداث🔥🔥 ..يعني بالنسبة ليا هاد الحلقات من اجمل حلقات الكرونيك كومبلي 😌😌
أنت تقرأ
كرونيك لصة قلبي 2 《خائنة و لكن ...》 باللهجة الجزائرية
Actionاول كرو في سلسلة 《قيود الحب 》 الجزء الثاني من لصة قلبي الخيانة ...خيانة وعد...خيانة ذكرى ...خيانة موقف ...خيانة مشاعر ...خيانة مبادئ خيانة العائلة ...خيانة الصديق..خيانة الحبيب...خيانة النفس... و أغظمها خيانة الوطن❗...لكنها خائنة و لكن .... ❌❌❌ممنوع...
