أحمق في بيتي

|٧|

يسير ذهاباً و إياباً داخل الغرفة و هو يتشايط غضباً و غيظاً:بقا انا تعمل فيا كدا؟ انا يتقال عليا طي..
كان عمار يحاول أن يتمالك أعصابه ثم انحني نحوه هامساً:تعرف انا لو اهلي ف البلد عرفوا اللي عملته دا هيطخوني في دماغي 7طلقات لما يفرتكوا نفوخي.
اتسعت عيناي يحيي مفزوعاً:يا ستار يارب.. بعد الشر يجدع هم هيعرفوا منين يعني.
ضرب عمار بكفيه علي فخذيه بقلة حيلة:الله يرحمك يابا و يبشبش الطوبة اللي تحت راسك.. كنت كبير البلد كليتها و الشنبات كلها تقفلك.. دلوقتي ابنك بقا سوسووو.
هدأه يحيي و هو يحاول أن يخفي ضحكاته:ما خلاص بقا ي شيخ عمار و صلي ع النبي ف قلبك اجدع.
همس عمار حزيناً علي حالة:عليه أفضل الصلاة و السلام.. فوضت أمري ليك يارب.. انا قايم أصلي العشا.
نهض عمار و فتح باب الغرفة ليخرج فأتي صوت سمر الغليظ و هو تقول بنبرة أمر:انت ي زفت يالي اسمك يحيي.
ارتعب يحيي و ركض خلف عمار و هو يقول:خدني معاك بالله عليك يا شيخ.
خرجت سمر من غرفتها وهي تقول:انت يالا انا مش بنادي عليك..انت رايح فين؟
رد وهو يتمسك بطرف جلباب عمار:رايح اصلي العشا مع عمار.
تسائلت سمر:رايح فين ي حيلة امك؟
رد يحيي بتلعثم و هو شبه يرتجف:اصلي العشا.
نظرت له لثواني بصمت جعلته يرتجف أكثر:طب تصدق بإيه؟ و الإنجيل منا سيباك.
جذبته من ملابسه بعنف بينما عمار سأل بأدب مرعوباً:طب ممكن اروح انا؟
ردت سمر و هي تجذب يحيي خلفها من ملابسه لغرفة نومهن:غور انت لما احتاجك هجيبك.
أدخلته الغرفة و هي تقول:كوبس الكهربا دا فيه حاجه غلط عايزاك تصلحهالي عشان اشحن موبيلي.
رد يحيي متعجباً:طب ما تشحني في اي كوبس تاني ف الشقة هي حبكت؟ و بعدين انا مبفهمش ف الكهربا عبده الي بيفهم فيها.
ردت سمر ببرود:عبده بيعطف و يلطف ف الموبيل مش فاضي و انا بقا حبكت معايا انك تتكهرب.. قصدي انك تصلح الكوبس.
بادرت عائشة التي تجلس علي فراشها:ما تتصرف يعم انت مش مهندس؟
رد يحيي:انا مهندس معماري مش مهندس كهربا.. هو انا مش معاكم ف ام القسم ي مجانين؟
قالت فريدة التي تجلس علي الفراش الأخر:ما تعمل بلوقمتك بقا يالا.. وبعدين انت راجل يرضيك نتكهرب احنا؟
رد يحيي بتلقائية:اه يرضيني.
وجد وسادة صغيرة اصتدمت في وجهه بقوة ليمسك بها و يردها لها فتوعدت له بغضب:اقسم بالله هقوملك.
أسرع يحيي:لا خلاص علي اية.. وانتي اجري اتصرفي ف مفك و بنسه.
أخرجت سمر شيئاً من شعرها وهي تقول:خد بنسه اهي هروح اجيبلك مفك من..
اوقفها يحيي عندما جذبها من معصم يدها:خدي هنا.. انا عندي بوادر سكر و ضغط مش ناقص.. خدي البنسه دي خليها معاكي ي غاليه و اعمليلي كباية شاي عشان اشوف هنيل ايه.
أومأت برأسها و غادرت الغرفة لتأتي له بما طلبه.. طرق عمار الباب لتفتح له فريدة الباب و هي تقول:الله ينور عليك ي اسطي يحيي.
عقد عمار حاجبيه و دخل وهو يتسائل:خير يجماعه؟
ولكنه وجد يحيي يجلس أرضاً و هو شبه يرتجف و خصلات شعره الكثيفة تقف علي شكل عمودي و يلتقط انفاسه بصعوبة ولكنه يبتسم بإنتصار:يابنتي العبد لله سالك ف كل حاجه.
بينما عمار كان يقف مفاجئاً:ينهار اسود انت مش شايف شكلك؟
ابتسم يحيي بثقة:لالا عيب عليك كله تحت السيطرة.. يلا يا بنات انا داخل انام لو عوزتوني ف اي خدمة ابعتوا سمر تجرجرني علي طول.
ابتسمت له سمر بتصنع:منتحرمش.
ثم أغلقت في وجهه الباب بقوة ليختفي تصنع يحيي و كاد أن يسقط لولا أن أمسك به عمار:اسندني ابوس رجلك.. انا اتكهربت كهربا تغطي استهلاك المنطقة كلها!
اسنده عمار وهو يسير به نحو غرفتهم:طب اجمد اجمد.. انا مكتش ينفع بردو اسيبك معاهم لوحدك.
قال يحيي الذي بالكاد يستطيع التحدث:العيال دي ناويلنا علي نية سودا و شكلنا انكشفنا يا شيخ.
هدأه عمار و هو يضع فوقه الغطاء بعدما مدد يحيي جسده علي الفراش:روق بس و اللي لينا نصيب فيه هنشوفه.