..[U ]
ကျုန်းရှိူ့ ရှလျန်ရဲ့ အိပ်ခန်းတံခါးဆီသို့လျှောက်လာပြီးဘာထပ်ဖြစ်မလဲဆိုတာကို
ဂရုတစိုက်နားထောင်နေပေမယ့်ဘာမှထပ်
မကြားရဘူး၊သူနံရံကို မှီပြီးခဏတာမျှငြိမ်သက်နေမိတယ်။
ခဏအကြာတွင် ရှလျန် ရေချိုးခန်းထဲမှ ထွက်လာပုံရတဲ့ တံခါးဖွင့်သံသဲ့သဲ့ကို
အပြင်ဖက်မှသူကြားလိုက်ရတယ်။
ကျုန်းရှိူ့ အသက်ပြင်းပြင်း တချက်ရှုလိုက်ပြီး
တံခါး ခေါက်ရင်း မေးလိုက်တယ်။
"သခင်လေး, ရေချိုးပြီးပြီလား?"
"အင်း, ဘာကိစ္စရှိလို့လဲ ?"
ရှလျန် တံခါးဖွင့်လာပြီး သူ့ ခန္ဓာကိုယ်ပေါ်မှ
bathrobeကြိုးကို ချည်နေတယ်။
"အခု..."
ကျုန်းရှိူ့က ရှလျန်ကို စေ့စေ့ကြည့်ပြီး ပြောလိုက်မိတယ်၊သူက တဖက်လူရဲ့ Vပုံစံ အကျီ ဟကွဲကြောင်း အောက်မှစိုစွတ်ကာချောမွေ့နေပုံရတဲ့ အသားအရည်ကို တွေ့နေရပြီး
ချိုမြိန်တဲ့ အနံ့မွှေးမွှေးလေးက တံခါး ကြားထဲမှလွင့်ထွက်လာပြန်တယ် ၊ထို အနံ့လေးက
သူ့အား အသက်ရူမြန်စေပြီး ခြေလက်နဲ့
ကိုယ်တွင်း အဂ်ါတွေထိ တိုးဝင်လာတယ်။
သူချက်ခြင်း ရှက်ကိုး ရှက်ကန်းဖြင့်နှာခေါင်းလေးကို လက်ဖြင့်အုပ်ပြီးရုတ်တရက် နောက်သို့ဆုတ်လိုက်မိတယ်။
ရှလျန်က တံခါးဖွင့်ပြီး မတ်တပ်ရပ်နေရင်း
သူ့ကို ကြည့်ပြီး မေးလာတယ်။
"ဘာဖြစ်တာလဲ ?"
"အခုပဲ...စုန့်ယန်ဖုန်းဆက်လာတယ်၊ အရေးကြီးကိစ္စတစ်ခုရှိပုံရတယ်၊
သူ့ဆီ ဖုန်းပြန်ခေါ်ပါလို့ ပြောတယ်"
ကျုန်းရှို့ ထွက်သွားခါနီးသူ့နှာခေါင်းလေးကို လက်ဖြင့် ညှစ်ပြီးပြောစရာရှိသည်အားအလျင်အမြန်အဆုံးသတ်လိုက်တယ်၊ထို့နောက်သူချက်ခြင်းပဲဘေးခန်းမှအိမ်သာထဲသို့အပြေးဝင်လာခဲ့လိုက်တယ်။
ဒီတကြိမ်ကတော့သူ့နှလုံးခုန်သံတွေမြန်လာပြီးမူးဝေမှုနဲ့အတူနှာဖျားထိပ်တွေလည်း ပူလောင်လာတယ်။
YOU ARE READING
ဤသို့ သောအကြောင်းတရားများစွာကြောင့်(Complete)(Not Seen Next Life S(S2)✅✅✅✅
Romanceနောင်ဘ၀မင်းနဲ့မဆုံချင်တော့ဘူး၏ ဘာသာပြန် (အတွဲ၂)လေးပါ cover photo...credit pinterest
