..[ U ]
ဒူလန်ကျဲ ရုတ်တရက် လှည့်ကာချန်းရှကို အသေအချာစိုက်ကြည့်ပြီး ,
" မင်းကဘာလို့ ဒီမှာရှိနေသေးတာလဲ?"
"အံ့သြသွားတာလား? ငါသူတို့ နောက်ကို
လိုက်မသွားဘူးလေ"
ချန်းရှက သွားတွေကို စေ့ပိတ်ရင်း သွားကြားထဲမှလေထွက်သံဖြင့် ပြောလာတယ်။
" မင်းသုညနယ်ပယ်က လူတွေကိုပဲ အလွယ်တကူလှည့်စားလို့ရမယ်, ငါ့ရဲ့အနံ့အာရုံကိုတော့ လှည့်စားလို့မရဘူး၊
မင်းဆီက ရတဲ့ အိုမီဂါ ပရိုမုန်းအနံ့က
ကျုန်းရှို့ ခန္ဓာကိုယ်ပေါ်ကအနံ့နဲ့ မတူဘူး,
ဘာများမှားနေတာလဲ? အဲ့ဒီအနံ့က..."
အခြေအနေ မကောင်းတာကို ရိပ်စားမိတဲ့
ဒူလန်ကျဲက ခေါင်းမော့၍အော်ပြောလိုက်
တယ်။
" ကိုယ်ဝန်ဆောင်ကိုအရင်ခေါ်ထုတ်သွားလိုက်"
"အကူအညီလိုပြီလား?"
"ပုဂ္ဂိုလိကကိစ္စပါ,မလိုဘူး"
တဖက်လူမှ မေးမြန်းမှုအား ရပ်တန့်လိုက်တယ်၊ ဒူလန်ကျဲမှလွဲပြီး ရှလျန်, ကျုန်းရှို့နဲ့
ဝမ်ပင်တို့ တမုဟုတ်ခြင်း ပျောက်ကွယ်သွားတယ်။ သူတို့နှင့်အတူ စားပွဲတွေ၊ကုလားထိုင်တွေနဲ့ ဘားပါမကျန် ပျောက်ကွယ်ပြီးကျန်ရစ်ခဲ့သည်က အခန်းလွတ်ကြီး တစ်ခုသာ။
ချန်းရှ ရဲ့ မျက်နှာနဲ့ အသံက ရုတ်တရက်ပင် ပြောင်းလဲသွားပြီး ,
"မင်း ဘယ်လို မျက်လှည့်တွေကို သုံးလိုက်တာလဲ?"
သဘောသဘာဝအရ ဒူလန်ကျဲ သူ့ကို ရှင်းပြစရာမလိုဘူး။
ချန်းရှ သူ့စိတ်အား တည်ငြိမ်စေရန် ပြန်ထိန်းလိုက်ပြီး ထူးဆန်းစွာ ပျောက်ကွယ်သွားသည့်
လူသုံးဦးကို လိုက်ရှာရမည့်အစား ထူးဆန်းတဲ့ အပြုံးတစ်ခုဖြင့်ရှိနေတဲ့ သူ့ရှေ့မှဒူလန်ကျဲကို သာ အာရုံစိုက်တယ်။
"ထိပ်တန်း အေးဂျင့်ဒူလန်ကျဲရဲ့ရုပ်ဖျက်နည်းက အမှားအယွင်းမရှိကြောင်းနဲ့ အရိုးကျုံ့ခြင်းနဲ့ အသားလှီးဖြတ်ခြင်း မှော်ပညာစွမ်းရည်နဲ့ လိင်ကို တောင် ပြောင်းလဲနိုင်တယ်ဆိုတာကို ကြားဖူးတာတော့ကြာပြီ၊ ရန်သူတွေနဲ့တောင်ရောနှောပြီး စခန်းတစ်ခုလုံးကိုဖြိုခွဲခဲ့တဲ့လူကို ဒီနေ့ကံကောင်းစွာနဲ့ငါတွေ့ခွင့်ရခဲ့ပြီ"
YOU ARE READING
ဤသို့ သောအကြောင်းတရားများစွာကြောင့်(Complete)(Not Seen Next Life S(S2)✅✅✅✅
Romanceနောင်ဘ၀မင်းနဲ့မဆုံချင်တော့ဘူး၏ ဘာသာပြန် (အတွဲ၂)လေးပါ cover photo...credit pinterest
