ဤသို့ သောအကြောင်းတရားများစွာကြောင့်(Complete)(Not Seen Next Life S(S2)✅✅✅✅

EP13(U&Z)

[ U ]

ကျုန်းရှိူ့ယာဂုတစ်ဇွန်းကို ဂရုတစိုက်ခပ်ယူလိုက်ပြီး ရှလျန်ရဲ့ပါးစပ်နားသို့ အသေအချာ စိတ်ရှည်လက်ရှည်ပင် ခွံ့ကျွေးလာတယ်။

ရှလျန်က ထိုကဲ့သို့ သော အပြုအမူကို
ကျင့်သားမရသေးတာမို့ ကျုန်းရှိူ့ ခွံ့ကျွေး
လာတဲ့ ဇွန်းလေးကို ရှောင်လိုက်တယ်။

သို့သော် ကျုန်းရှို့က ဇွန်းလေးကိုင်ပြီး
သူ့ကိုမျှော်လင့်တကြီး ပြုံးကြည့်နေတာမို့
ရှလျန်ယာဂုကို သောက်ရန်မှတပါး
ရွေးချယ်စရာရှိမနေခဲ့ဘူး။

'....ငါ့ဘာသာဆက်သောက်ပါ့မယ်"

ရှလျန်က ကျုန်းရှို့ လက်ထဲမှဇွန်းကိုယူရန်လက်လှမ်းလိုက်ပေမယ့် ကျုန်းရှို့က သူ့လက်ကို ခေါင်းမာစွာပင် ရှောင်လိုက်တယ်။

ရှလျန် ခေါင်းလေးမော့ပြီး ကျုန်းရှိူ့ကို ကြည့်လိုက်ရာ လွဲမှားမှု တစ်ခုခုများရှိနေသလားလို့ သူတွေးမိတယ်၊ ကျုန်းရှို့ရဲ့ မျက်နှာကခပ်တည်တည် ဖြစ်နေပုံရပေမယ့် တစ်ခုခုကို
ထိန်းချုပ်ထားရပုံရနေပြီး ထိုခံစားချက်က
ရှလျန်အပေါ် ဖိအားတစ်ခု အနေဖြင့် သက်ရောက်သလို ခံစားနေရပြီး အရင်နဲ့
မတူ..သူ့ကို စိတ်မသက်မသာဖြစ်စေတယ်။

ကျုန်းရှိူ့ကို ထပ်ပြီး ကြည့်လိုက်ပြန်တော့
မသိမသာပင်အရင်နဲ့ မတူ ကွဲပြားနေသလိုပဲ။

အကြောင်းအရာ တချို့အတွက် , ရှလျန်တစ်ယောက် ကျုန်းရှို့အနီးမှာရှေ့မတိုးနောက်မဆုတ်သာဖြစ်နေတယ်၊ရှလျန် ပါးစပ်လေးကိုသာ အလိုက်သင့်ဖွင့်ပေးလိုက်ပြီးကျုန်းရှိူ့
ခွံ့ကျွေးလာတဲ့ ယာဂုကို ပန်းကန်တဝက်ထိရောက်အောင် ဖြေးဖြေးချင်းစားလိုက်တယ်။

'တော်ပြီ...ငါထပ်မစားနိုင်တော့ဘူး"

ရှလျန်က ပင်ပန်းနွမ်းနယ်စွာဖြင့်လက်လေး ကာပြရင်း ပြောလာတယ်။

'ငါခဏလောက်အိပ်လိုက်ဦးမယ်,
မင်း ကုမ္ပဏီကို အရင်ပြန်သွားလိုက်"

ကျုန်းရှိူ့ ထိုင်နေရာမှ ရှလျန်ရဲ့ နှုတ်ခမ်း
များကိုသာ စိုက်ကြည့်နေမိရင်းခဏတာမျှ
မှင်သက်နေတယ်။