..[ U ]
ဝမ်ပင်လည်း ခဏမျှထိတ်လန့် ပြီးမှသူ့ကိုယ်သူ လက်ညိုး ထိုးပြပြီး ,
" မင်း ငါ့ကို မေးတာလား?"
ထို အခိုက်အတန့် ,ချန်းရှလည်းအနည်းငယ် ဝေခွဲရခက်နေတယ်၊တစ်ခုခုမှားနေတယ်လို့သာ တွေးမိရင်းဘာမှားနေလဲဆိုတာကိုတော့ သူလုံးဝ အဖြေရှာလို့မရနိုင်ဘူး။
ဒါပေမယ့် လက်ရှိလူတွေကြားထဲမှာတော့,
ဝမ်ပင်တစ်ယောက်သာအိုမီဂါပရိုမုန်းနံ့ကို သိသိသာသာထုတ်လွှတ်နေတဲ့အတွက်ဝမ်ပင်ကို ကျုန်းရှိူ့ရဲ့ အိုမီဂါအဖြစ်သတ်မှတ် လိုက်ခြင်းဖြစ်တယ်။
ချန်းရှက ဝမ်ပင်ထက်အရပ်ထက်ဝက်မျှ
ပုနေသော်လည်း ခေါင်းမော့ကာ ဝမ်ပင်ရဲ့ မျက်လုံးတွေကိုစေ့စေ့ ပင်စိုက်ကြည့်လိုက်တယ်။
" ကြည့်ရတာ ဘာမှလည်းထူးဆန်းတဲ့ပုံစံ
မရှိဘူး၊ သူမင်းကို ဘာတွေများ တန်းတန်းစွဲနေလဲ ဆိုတာကို ငါ မသိဘူး"
"...? "
အလိုရှိနေတဲ့ရာဇဝတ်ကောင်က သူ့ကိုတပြန်ကြီး ချိုးချိုးဖဲ့ဖဲ့ ပြောလာတာမို့ရုတ်တရက် ဝမ်ပင် ဒေါသထွက်လာတယ်။
"ငါပြောလိုက်ဦးမယ်..မင်းက.."
ရုတ်တရက်သူ့မျက်လုံးတွေကိုလက်တစ်ဖက် ဖြင့်အုပ်ခြင်းခံရပြီးတချိန်တည်းမှာပဲဒူလန်ကျဲကအသံတိုးတိုးဖြင့် ဝမ်ပင်ကြားနိုင်ရုံလောက်သာပြောလာတယ်။
"ဘာမှမပြောနဲ့"
ချန်းရှရဲ့ စိတ်စွမ်းအင်ညို့ယူမှုက အထူးနာမည်ကြီးတာမို့ ကြိုတင်မှန်းဆ၍ မရနိုင်ကြောင်း ဒူလန်ကျဲ သူတို့အား သတိပေးတာကိုဝမ်ပင်ရုတ်တရက် ပြန်သတိရလိုက်မိတယ်၊ ထို ဆိုးယုတ်သောနည်းလမ်းကို ကိုင်တွယ်ဖြေရှင်းရန်တစ်ခုတည်းသောနည်းလမ်းမှာ မကြည့်ဘဲ၊နားမထောင်ဘဲနေကာ
ထိုသူ ဘာပြောပြောမတုံ့ပြန်ခြင်း ကအကောင်းဆုံး ဖြစ်တယ်။
ဒူလန်ကျဲက သူ့မျက်လုံးတွေကို လက်ဖြင့်ကာထားတာမို့ ဝမ်ပင်ချက်ခြင်းပင်သူ့ခံစားချက်တွေကို ထိန်းညှိကာ အသက်ပြင်းပြင်းတချက်ရှုပြီး ဘာမှဆက်မပြောဘဲပါးစပ်ပိတ်လိုက်တယ်။
YOU ARE READING
ဤသို့ သောအကြောင်းတရားများစွာကြောင့်(Complete)(Not Seen Next Life S(S2)✅✅✅✅
Romanceနောင်ဘ၀မင်းနဲ့မဆုံချင်တော့ဘူး၏ ဘာသာပြန် (အတွဲ၂)လေးပါ cover photo...credit pinterest
