ဤသို့ သောအကြောင်းတရားများစွာကြောင့်(Complete)(Not Seen Next Life S(S2)✅✅✅✅

EP68(U&Z)

..[ U ]

ရင်မိုဟွားကားပေါ်ရောက်သွားတဲ့အချိန်
မေ့ဆေးဖြင့် သတိလစ်သွားခဲ့တယ်။

သူနိုးလာတဲ့အခါ,မတ်တပ်အနေအထားဖြင့်
ဓာတ်ပြား ပုံသဏ္ဌာန်အဝိုင်းကြီး တစ်ခုပေါ်ရောက်ရှိနေလျက် ခြေလက်တွေကိုခတ်တွဲထားလျက်ခါးကိုလည်းခါးပတ်ပတ်ကာ
သော့ခတ်ထားလျက်ရှိနေတယ်။

{T/N..မျက်လှည့်တွေမှာလူကို အဝိုင်းပြားကြီးမှာကပ်ပြီး ဓားပျံ ပစ်တာမျိုး ပြတဲ့အခါ
သုံးတဲ့ ပုံစံမျိုးချုပ်ထားတာပါ၊မျက်စိထဲမြင်အောင်ပြောရရင်randomရွေးတဲ့
ဆုံလည်ပုံ အဝိုင်းပြားကြီးပါ}

သို့သော် သူ့ကို ကပ်တွဲထားသည့် အဝိုင်းပြားကြီးက လှုပ်ရှားနိုင်တဲ့ ဘီးကြီး တစ်ခုလို ဖြစ်ပုံရတယ်၊ သူသာနည်းနည်းလှုပ်လိုက
်ပါက ထို အဝိုင်းပြားကြီးက မရပ်မနားလည်ပတ်လိမ့်မည်ဖြစ်ကာ သူ့တကိုယ်လုံး
ပတ်ချလည်စေလျက်ရူးမတတ်ပင်မူးဝေ
လိမ့်မယ်။

ရင်မိုဟွားမေ့ဆေး အရှိန် ပြယ်လာတာကို ခံစားမိနေတယ်၊ထို အခိုက်အတန့် , သူ အနည်းငယ်လှုပ်ရှားလိုက်ချိန် သူ့ ခန္ဓာကိုယ်ထဲမှ အူတွေ အသည်းတွေ ပြောင်းပြန်လှန်သလိုခံစားနေရတယ်၊သူချက်ခြင်းအပြင်း
အထန် အော့အန်နေပေမယ့်သူ့ကို ဘယ်သူမှဂရုမစ်ိုက်ကြဘူး။

ပတ်ပတ်လည်တွင်လည်းအဆုံးမရှိသော
အမှောင်ထုက ကြီးစိုးနေလျက်တိတ်ဆိတ်မှုအား ဆုံလည်အဝိုင်းကြီး၏လှည့်ပတ်သံ
တစ်ခုကသာ ထွက်ပေါ်နေတယ် ။အန်ဖတ်တွေက နေရာအနှံ့ ပြန့်ကြဲနေပြီး အချို့က
သူ့မျက်နှာပေါ်တွင်ကပ်လျက်ရှိနေတယ်၊ဒီအချိန် သူ့ပုံစံက မည်မျှပင်ရှက်ဖို့ကောင်းနေတယ်ဆိုတာကို ခန့်မှန်းကြည့်ဖို့ပင်မလိုခဲ့။

ရင်မိုဟွားက ငယ်စဥ်ကလေးဘဝကတည်း
က မရေမတွက်နိုင်သော အခက်အခဲတွေ တွေ့ကြုံခဲ့ရသော်လည်း ယခုလိုကူရာကယ်ရာမဲ့အနေအထားဖြင့် မျှော်လင့်ချက် မဲ့သော စိတ်ပျက်အားငယ်မှုမျိုး တခါမှ မကြုံတွေ့ဖူးခဲ့၊ခဏတာမျှ သူ့လျှာသူကိုက်ပြီး သတ်သေချင်လာတယ်။

သို့ပေမယ့် အလွန်အမင်း ပျက်စီးဆိုးဝါးတဲ့ အခိုက်အတန့်တွေကို တွေ့ကြုံရပြီးနောက်
အံ့သြဖွယ်ရာ ငြိမ်သက်ပြီးသူ့ဦးနှောက်ရဲ့
ပုံမှန် တွေးခေါ်မှု အဆင့်သို့ တဖြေးဖြေးပင်
ပြန်လည်ရောက်ရှိသွားခဲ့တယ်။