ဤသို့ သောအကြောင်းတရားများစွာကြောင့်(Complete)(Not Seen Next Life S(S2)✅✅✅✅

EP53(U&Z)

..[ U ]

ဝမ်ပင်ရဲ့ စကားသံကကျုန်းရှိူ့၏ရှုပ်ထွေးနေတဲ့ အတွေးတွေကိုနှောင့်ယှက်မှုပြုလာတယ်။
နားရွက်နီနီလေး ဖြင့် မတ်တပ်ရပ်လျက်
ဆွံ့အနေသည်ကအတော်ကြာသည်အထိပင်။

ကံကောင်းစွာပဲ ,ရှလျန်က ခပ်တည်တည်ဖြင့်
ရေချိုးခန်းထဲမှထွက်သွားပြီး အေးဆေးစွာလျှောက်သွားလျက် စားပွဲပေါ်မှ အခန်းကဒ်တစ်ခုအား ဝမ်ပင်ထံပေးလိုက်တယ် ။

"မင်းရဲ့ အခန်းလည်း ငါတို့နဲ့ တထပ်ထဲပဲ,
ဒီအခန်းနံပါတ်နဲ့ ရှာလို့ရတယ်"

သိသာထင်ရှားတဲ့ အပြုံးတစ်ခု ဝမ်ပင်မျက်နှာတွင် ပေါ်လာရင်း အခန်းကတ်လေးကို ကြည့်လိုက်တယ်။

ရှလျန် တံခါးပိတ်ပြီးတဲ့အခိုက်အတန့်,
ကျုန်းရှို့ တစ်ယောက် သူ့ကို ပွေ့ဖက်ဖို့ရာ
ပင်အချိန် မစောင့်နိုင်တော့ဘူး။

ရှလျန်အနည်းငယ်ယိုင်သွားတယ်, ထို လှုပ်ရှားမှုအား အခွင့်ကောင်းယူကာ ကျုန်းရှို့
ရှလျန်အား လက်နှစ်ဖက်ဖြင့် ခပ်တင်းတင်း
ပင်ပွေ့ဖက်ထားမိတယ် ။

ရှလျန်ရဲ့ ပခုံးထက် သူ့မေးစေ့လေး မှေးတင်ရင်း အသံတိုးတိုးဖြင့် မေးလာတယ်။

" လျန်ကော, အဲ့ဒါ ဘာကို ဆိုလိုတာလဲ?
ကျွန်တော် လုံးဝနားမလည်ဘူး, ဖြစ်နိုင်မယ်ဆိုရင်...ကျွန်တော့်ကို ရှင်းရှင်းလင်းလင်းလေး ပြောပြပေးနိုင်မလား?"

သူ့အသံက သာမန်ထက်ပင်တိုးလျနေလျက် ,
သူ့နှလုံးသားထဲမှ မုန်တိုင်းငယ်အား ဖိနှိပ်ဖို့ရာ အစွမ်းကုန် ကြိုးစားနေပေမယ့် တချိန်တည်းမှာပဲ ရှလျန်ဆိုလို ချင်တဲ့ အဓိပ္ပါယ်ကို
လွဲမှားစွာနားလည်ဖို့ရာကြောက်ရွံ့နေပြီး
ပျော်ရွှင်မှုတွေကြားမှ အောင်မြင်ခြင်းနှင့်ဆုံးရှုံးခြင်းကိုတပြိုင်နက်ခံစားနေရတယ်။

ရှလျန်သက်ပြင်းချပြီးပြောလိုက်တယ်။

"ကျုန်းရှို့, အခု ငါတို့တွေ ဘယ်လိုပတ်သက်လဲဆိုတာကို ငါမသိတော့ဘူး၊ဒါပေမယ့် ငါ့ရင်ထဲမှာ သိုဝှက်ထားတဲ့ ခံစားချက်တွေ ရှိနေတာကိုတော့ ငါခံစားမိတယ်၊အရင်ကဆို ငါမင်းကို မတုံ့ပြန်ခဲ့ဘူး၊အဲ့ဒါက ပရိုမုန်းတွေကြောင့်ဖြစ်ပေါ်လာတဲ့ အတုအယောင်တွေလို့ပဲ ငါထင်ခဲ့မိတယ်၊ အဲ့ဒီလို ထင်ယောင် ထင်မှားပုံရိပ်ယောင်တွေရှိနေသရွေ့ ပရိုမုန်းတွေရဲ့ ကြီးစိုးမှုကို ငါတို့ ဝင်ရောက်စွက်ဖက်လို့မရဘူး ၊ဒါပေမယ့်...."