Unicode
အန်းရန်၏morning kiss
___________________
တခြားသူတွေအကုန်လုံးလည်း ပါးစပ်အုပ်ပြီးခိုးရယ်ကြလေတယ်။
ရှန်ရှင်းဆွေ့ရဲ့မျက်လုံးအောက်မှာလည်း ထိန်းမရစွာနဲ့အပြုံးလေး ထွက်ပေါ်လာရတယ်။ ဒါကလည်းအန်းရန်ကို စိတ်အနှောက်အယှက်ဖြစ်နေစေခဲ့တယ်။
ဒါပေမဲ့ကံကောင်းစွာပဲ ဒါကခဏတာပဲဖြစ်ပြီး မြန်မြန်ဆန်ဆန်ပဲ အရှေ့မှာရိုက်ကူးရေးအဖွဲ့ရဲ့ ဝန်ထမ်းလေးနဲ့တွေ့လိုက်ရတယ်။ သူက "အားလုံးကဒီမြို့ငယ်လေးအပေါ် မရင်းနှီးကြသေးတာမလို့ ကျွန်တော်တို့အကြံပြုထားတဲ့အလုပ်တွေရှိပါတယ် ဒီအလုပ်တွေကမကြာခင်ကပဲလူခေါ်နေတာပါ တကယ်လို့ဆန္ဒရှိတယ်ဆိုရင် မင်းတို့သွားလုပ်လို့ရပါတယ်"
စားသောက်ဆိုင်
စာအုပ်ဆိုင်
အိမ်တော်ကြီး
စျေးသည်
သန့်ရှင်းရေး
အားလုံးရပ်နေကြပြီး ကတ်ပေါ်ကနေရာ၄ခုကိုကြည့်နေကြတယ်။ အလုပ်မျိုးစုံလုပ်ရမှာဖြစ်နိုင်ပေမဲ့ ကြည့်ရတာစိတ်ဝင်စားစရာကောင်းလှတယ်။
ထူရာကအရင်မေးလေတယ် "ကျွန်မတစ်ခုမေးချင်လို့ ဒါကကျွန်မတို့ကြိုက်တာရွေးလို့ရတာလား?"
"မရပါဘူး" ဝန်ထမ်းကပြောတယ် "ဒါကမဲနှိုက်ဖို့လိုအပ်ပါတယ် ဘာလို့ဆို အားလုံးနားလည်ထားရမှာတစ်ခုက လူ့အဖွဲ့အစည်းနဲ့အလုပ်ဆိုတာက မင်းတို့ရွေးချယ်လို့မရဘူးဆိုတာပဲ ကံကြမ္မာရဲ့လမ်းညွှန်မှုအတိုင်းပဲလိုက်နာကြရမှာပါ"
"....."
မဲနှိုက်ရတာကို အနုပညာကောင်းတစ်ခုလို ပြောလိုက်တာပဲ။
ရှန်ရှင်းချန် အင်္ကျီလက်ကိုခေါက်တင်ရင်း ပြောလာတယ် "ကံဆိုလည်းကံပေါ့ ဘာအလုပ်ပဲဖြစ်ဖြစ် ငါကအဆင်ပြေတယ်"
သူကပထမဆုံးဦးဆောင်မဲနှိုက်တဲ့သူဖြစ်တယ်။ ရှေ့တစ်လှမ်းတိုးလိုက်ပြီး မဲနှိုက်လိုက်မိတဲ့အချိန်ပိုင်းအလုပ်နေရာက စျေးသည်ဖြစ်တယ်။ ပြီးနောက် တခြားသူတွေလည်း ဆက်ပြီးမဲနှိုက်လာလေတယ်။ လူတစ်စုမဲနှိုက်လို့ပြီးဆုံးသွားပြီးနောက် သူတို့နှိုက်မိလိုက်တဲ့နေရာတွေကို ဖွင့်ပြလာတယ်။
YOU ARE READING
အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ
RomanceTitle - Cannon Fodder Fake Master Was Stunned After Being Reborn {炮灰假少爷重生后惊呆了} Author - 稚棠(ZhiTang) Status in coo - 108 Chapters + 6 extras တစ်ကြောင်းတည်းမိတ်ဆက် - အစက ကိုယ့်ကိုယ်ကို အတုအယောင်သခင်လေးထင်နေတာ လက်စသတ်တော့ သခင်လေးအစစ်အမှန် ဖြစ်နေတာကိုး။...
