Unicode
တကယ်လို့ကိုယ့်ကလေးကမသေဘူးဆိုရင်ရော
_________________________________________
တခြားအသင်းသားတွေ သက်ပြင်းချနေကြတဲ့အချိန်မှာ ဝန်ထမ်းတစ်ယောက်ရောက်လာပြီး "အားလုံး အဝတ်စမ်းဝတ်ကြည့်ပြီးသွားရင် ချွတ်လိုက်လို့ရပါပြီ ပြီးသွားရင်လေ့ကျင့်တဲ့အခန်းထဲမှာ အကလေ့ကျင့်ရတော့မှာပါ"
အားလုံးကလိုက်နာကြတယ်။
ဒီတစ်ခေါက်ကဖျော်ဖြေမှုက လာကြည့်ကြတဲ့ပရိသတ်တွေပါရှိမှာဖြစ်တယ်။ ပြီးတော့ သင်တန်းသားတော်တော်များများရဲ့ မိသားစုတွေကလည်း ချမ်းသာတဲ့အထဲပါကြတယ်။ အဲ့တာကြောင့်လာကြည့်တဲ့ပရိသတ်တွေ နည်းမှာမဟုတ်ဘူး။ တကယ်တော့ သင်တန်းသားတော်တော်များများရဲ့ မိသားစုဝင်တွေကလည်း လာကြမှာဖြစ်တယ်။ တကယ့်ဖျော်ဖြေပွဲမစခင်ကတည်းက ဒီတစ်ခေါက်တော့အိမ်ကဘယ်သူလာမှာဆိုပြီး တိုင်ပင်နေကြတဲ့သူတွေရှိနေကြပြီ။
ဂျန်ရှင်းဆွေ့ လေ့ကျင့်တဲ့အခန်းမှာ အကလေ့ကျင့်နေတယ်။ သူ့ရဲ့အကအခြေခံအဆိုးဝါးဆုံးပဲ။ အကဆရာဂရုအစိုက်ဆုံးကျောင်းသားလည်းဖြစ်တယ်။
"ဂျန်ရှင်းဆွေ့ မှားနေပြီနော်"
"ဖြေးဖြေး ဖြေးဖြေး"
"ဂျန်ရှင်းဆွေ့ ဒီဘက်"
တခြားအသင်းသားတွေပြီးသွားတဲ့နောက် ဂျန်ရှင်းဆွေ့ကသူ့ဘာသူဆက်လေ့ကျင့်ဖို့ နေခဲ့လေ့ရှိတယ်။
တခြားအသင်းသားတွေကို ဆွဲချသလိုဖြစ်နေတာကြောင့် သူလည်းအပြစ်ရှိသလိုခံစားနေရတယ်။ အဲ့တာကြောင့်သူညတိုင်း ညနက်တဲ့အထိ လေ့ကျင့်နေတတ်တယ်။ ဒီလိုဆိုပေမဲ့ သူကအသင်းသားတွေကိုဆွဲချသလိုဖြစ်နေတုန်းပဲ။ ဒါပေမဲ့ သူ့အသင်းသားတွေက ကောင်းသေးတယ်လို့ပြောရမယ်။ ပြီးတော့သူ့ကိုလည်းအပြစ်မတင်ကြဘူး။
အစမ်းလေ့ကျင့်တာ၃ရက်မြောက်နေ့ကိုရောက်တော့ ခေါင်းဆောင်ကအစည်းအဝေးအသေးစားသေး ခေါ်လိုက်တယ်။
ရှန်ရှင်းချန်ကအလယ်မှာ ခြေချိတ်ပြီးထိုင်နေလေတယ်။ ပြီးတော့သူက "ငါတို့ရွေးထားတဲ့သီချင်းစာသားကမဆိုးဘူး ဒါပေမဲ့ငါတို့ကကွက်တွေကို ထိန်းချုပ်ထားတဲ့သံစဉ်က နည်းနည်းနှေးနေတယ် မင်းတို့လည်းသိပါတယ် ကကွက်တွေကအရမ်းရိုးရှင်းတယ်ဆိုတာ ပြီးတော့ တခြားအဖွဲ့ကသီချင်းတွေနဲ့ယှဥ်ရင် ငါတို့သီချင်းကတက်ကြွမှုသိပ်မရှိသလိုဖြစ်နေတယ်"
YOU ARE READING
အမြောက်စာခံအတုအယောင်သခင်လေးကပြန်လည်မွေးဖွားပြီးတဲ့နောက်မှာထိတ်လန့်သွားရပြီ
RomanceTitle - Cannon Fodder Fake Master Was Stunned After Being Reborn {炮灰假少爷重生后惊呆了} Author - 稚棠(ZhiTang) Status in coo - 108 Chapters + 6 extras တစ်ကြောင်းတည်းမိတ်ဆက် - အစက ကိုယ့်ကိုယ်ကို အတုအယောင်သခင်လေးထင်နေတာ လက်စသတ်တော့ သခင်လေးအစစ်အမှန် ဖြစ်နေတာကိုး။...
