අම්මෝ ඒ ඇස් වල නපුරු.... ඔච්චර ඔරවන්න ඕනිද මට ??? අකමැති නම් මං වෙන කෙනෙක් ගාව නිදාගන්නවනේ.... රවන්න ඕනිද ඕකට...
මං ක්‍රෂ් ක්‍රෂ් ගෑවට දිනුග අයියට නම් ඇත්තටම මාව පෙන්නන්න බෑ..... දිනුග අයියා කියන්නේ ඉස්සර ඉඳලම වැඩි දැගලිල්ලක් නැති මනුස්සයෙක් .... පොතක් දුන්නා නම් මනුස්සයා පැත්තකට කරලා තිබ්බෑකි.... එක අතකට වෙන්ඩ හස්බන් වෙන මට ඒක වාසියක්... පොතක් දීලා පැත්තකට කරාම කරදරයක් නෑ .....
ඒකටත් එක්ක මම..... අපේ අම්මා නම් කියන්නේ මං දඟයා වෙන්න ගිහින් වැරදිලා අපේ අම්මගේ බඩේ ඉපදිලා කියලා .... මොකද ඒ තරම් දාංගලයක් මට තියෙන්නේ ..... මට එක තැනක විනාඩි පහක් එක විදිහට ඉන්න බෑ .... ඉතිම් දිනුග අයියට මාව පේන්න බැරි ලොකුම හේතුවත් ඒක තමා ....
එයාට මාව පේන්නේ එයාගේ නිදහස් සාමකාමී ජීවිතේ විනාස කරන්න ආපු රාස්සයෙක් වගේ.... ඉතිම් ස්කෝලෙ කාලේ ඉඳලම මෙනුල අයියයි නෙතිරු අයියයි අපි එක්ක කතා කරත් දිනුග අයියා නම් කරේ මාව මග ඇරපු එකමයි..... එයා මං දිහා බලන්නෙත් නිකම් සෙනසුරු අපලයක් දිහා බලනවා වගේ.......
ඒත් ඉතිම් හිත ගිය තැන මාලිගාව කියනවනේ ප්‍රෙන්ස්....... එයා මට කොච්චර අකමැති උනත් මං නම් ගේම අත අරින්නෑ..... එහෙම කියලා මගේ පරම පිවිතුරු ආදරේ අත අරින්නෙත් නෑ ........ කවදාහරි මං නවතින්නේ මගේ පරම පිවිතුරු ආදරේ මගේ කරන්.... නැත්නම් මං සසින් නෙමේ .... මේ නද්දා පල්ලයි.....
" මල්ලිලා වොෂ් දාන් එන්න..... රෑට කාලා නිදාගමු......"
මෙහෙ නාන්න තිබ්බේ ලිදක... ඉතිම් අපි පස් දෙනාම පුලු පුලුවන් විදිහට නා ගත්තා .... මහන්සි වෙලා අව්වට පිච්චිලා තියෙන ඇඟට ළිදෙන් සීතල වතුර වැටෙද්දි සනීපයි......
අපි ඇඟත් හෝදන් ඇතුලට එනකොට නෙතිරු අයියා අපිටත් එක්ක කොත්තු ගෙනත් තිබ්බ...... කොහෙන් ගෙනත්ද මන්දා වෙනදා අභිරාමි එකෙන් කන වෙජ් කොත්තුවට වඩා නම් මේක මාරම රහයි... පස්සෙ නෙතිරු අයියගෙන් අහ ගන්න ඕනි කොහෙන්ද ගෙනාවෙ කියලා ........
ඇත්තටම කොත්තු කියන්නේ ආගමක් නම් මං ඒක අදහන බැතිමතෙක්.... ඒ තරම් මං කොත්තු වලට කැමති .... අපි හැමෝම කෑවට පස්සේ කට්ටිය මහන්සියටත් එක්ක නිදාගත්තා .....
YOU ARE READING
නුඹ සිඹින්නේ මගෙ සිත විතරද?
Romanceදුක සිතෙන්නේ අපටම පමණද තව සුසුම් වල උණුසුම මොකටද මට තියෙන්නෙ තනිකම තනියට ඔබ සිඹින්නෙ මගෙ සිත විතරද සසින් චාරුක
