නුඹ සිඹින්නේ මගෙ සිත විතරද?

42

සසින් pov

" සසින්... උඹට එන්න කිව්වා......."

මං කලින් කිව්වා වගේ අද අපේ බැජ් එකෙන් කීප දෙනෙක්ට කාඩ් හම්බෙනවා.... ඉතිම් අපි ක්‍රිකට් වලට චියර් කරන අතරේ එක එක්කෙනාව ගෙන්නලා කාඩ් එක දෙන එක තමා කරන්නේ........ දැන් නද්දා ගිහින් ආවේ..... එයාට හම්බුන කාඩ් එක තමා " චෙකා..."

මං ඔයාලට කලින් කිව්වේ නෑනේ ඇයි අපි කැම්පස් එකේ කාඩ් එකක් දෙන්නේ කියලා.... ඒකට හේතු කීපයක් තියෙනවා .... හිතන්නකෝ ඔයාලා කැම්පස් එකෙන් අවුට් වෙලා ගිහින් ආයේ මොකක් හරි උවමනාවකට කැම්පස් එකට ආවා කියලා..... ඉතිම් එතකොට තමන්ගේ කාඩ් පරම්පරාවේ ජුන්නෙක් ඉන්න එක සෑහෙන්න උදව්වක්........ තව දෙයක් තමා.... අපි ඉන්නේ Jaffna නිසා සෑහෙන්න අපිව කපන්න බලනවා... සිංහල නිසා.... ඉතිම් නම වෙනුවට කාඩ් එක යූස් කරද්දි අපිව අහු වෙන්න තියෙන ඉඩකඩ අඩුයි...... ඔව්වා තමා ප්‍රධානම දේවල් කාඩ් එකක් දෙන්න......

සාමාන්‍යයෙන් කාඩ් එකක් දෙද්දි ගොඩක් දේවල් බලනවා..... රූපෙ..... හැසිරීම.... කරන විශයන්..... පදිංචි ගම් පළාත්.... ඔව්වාගෙන් එකක් හරි කීපයක් හරි තියෙනවා නම් තමා කාඩ් එක දෙන්නේ.......

මං මැච් එකට චියර් කර කර ඉද්දි අපේ බැජ් එකේ කොල්ලෙක් ඇවිත් මට සින්නෝ එන්න කිව්ව නිසා මං ඒ කොල්ලා පෙන්නපු සින්නො සෙට් එක ගාවට ගියා.......

" ඉඳගන්නකෝ මල්ලී...... මල්ලි කොහෙද පදිංචි...."

" මං පොල්ගහවෙල අතිජේෂ්ඨතුමනි......"

" ඒ සතිර.... මූ නම් ගැලපෙනවා ඈ....."

" හම්ම්...... ඒකතමයි මාත් බැලුවේ... මල්ලිගේ subjects මොනාද??"

" සත්ව විද්‍යාව.... රසායන විද්‍යාව.... ශාක විද්‍යාව...."

මං හැමදේම සුද්ද සිංහලෙන් කිව්වේ වැරදිලා හරි කඩ්ඩෙන් කියවෙලා මෙතන ඕවා වමාරන්න වෙයි කියලා....

ආ ඒක කියන්නම් කිව්වට කිව්වේ නෑනේ කඩ්ඩ වමාරනවා කියන්නේ... හිතන්නකෝ ඔයාලට වැරදිලා ඉංග්‍රීසි වචනයක් කියවුනා කියලා.... උදාහරණයක් විදියට Bank කියලා...... එතකොට ඔයාලා ඒක වමාරන්න ඕනි.... k n a B කියලා....... අනිත් පැත්තට... පොඩි වචනයක් නම් කමක් නෑ...... හිතාන්කෝ..... pneumonoultramicroscopicsilicovolcanoconiosis වගේ එකක් කියවුනොත්.... නෑ නෑ භය වෙන්න එපා..... මේක මේ පෙනහලු ආශ්‍රිත රෝගයක්..... කියවෙනවා අඩුයි........