"තව ගොඩක් දුරද? "
දැන් පැයක් තිස්සෙම ඇහෙන මේ ප්රශ්නෙන් දිනුගගේ වගේම නෙතිරුගෙත් කන් දෙක පිරිලා තිබ්බේ... උදේ පාන්දරම නදුනුයි සසිනුයි දඟලන්න ගන්න නිසා.. සසින්ව ඉස්සරහා ශීට් එකෙනුයි නදුන්ව පිටිපස්සේ ශීට් එකෙනුයි වාඩි කරත්... දෙන්නගේ කටට නම් නිවනක් තිබුනෙම නෑ... ඒ හා සමානව නෙතිරුගෙයි... දිනුගගෙයි... කනට සැනසීමක් තිබ්බෙත් නෑ.......
“ ඔව් ඔව් තව පැයෙන් එතන.........”
“ එතකොට කවුද තව එනවා කිව්වේ??”
“ ඒක එතෙන්ට ගිහාම බලන්නකෝ.........”
ඇත්තටම දිනුගලා ඇල්ලේ යන්නේ මේ තුන්වෙනිපාර උනත් සසිනුයි.. නදුනුයි නම් මේ අත්දැකීම ගන්නේ මේ පලවෙනිපාර...... ඒ නිසයි ඩබලට මේ තරම් කුතුහලේ.....
“ මේ අයියේ....... අපිට බැහැලා ගොඩක් දුර පයින් යන්න තියෙනවද??”
“ ඔව් ටිකක් විතර.........”
“ මේ බඩුත් උස්සන්නද ඔව්වගේ නගින්න ඕනි?”
“ නැ නෑ දරුවෝ පහළ අමතර බඩු තියලා යන්න තැන් තියෙනවා...... ඇඳුම් ටිකකුයි කෑමයි අරන් ගියාම ඇති....”
“ මේ අයියේ........ එහෙ කූඩැල්ලොත් ඉන්නවද??”
“ ලොකුවට නැහැ....”
“ ලොකුවට නහැ කියන්නේ පොඩියට හරි ඉන්නවා කියන එක නේද??? අනේ මට නම් බෑ...”
“ බැරි නම් උඹ හිටපන් සසින්... මං එනවා අයියේ යන්න......”
“ උඹට දැන් මට වඩා නෙතිරු අයියව ලොකු උනා නේද??”
“ ලොකුයි තමා...........”
“ උඹ මගේ මී බෙට්ට වෙන්නම් කියලා කිව්වේ බොරුවට නේද??”
“ මට උඹේ මී බෙට්ට වෙලා ඇති වෙලා බන්.... මාත් තල අලයක් වෙන්න හැදුවේ...”
“ පුහ්... නද්දා ගිය උඩ....”
“ රණ්ඩු නම් කරන්න එපා උඹලා දෙන්නා... ගහනවා මං....”
“ මේ අයියේ... “
“ ඒ ගමන මොකද සසින්....”
වාහනේට නැග්ග වෙලේ ඉඳලම දිනුග අයියගේ කනේ දෝංකාර දුන්න වචනේ... “ මේ අයියේ...” ඒ තරම් කොල්ලට ප්රශ්න.....
YOU ARE READING
නුඹ සිඹින්නේ මගෙ සිත විතරද?
Romanceදුක සිතෙන්නේ අපටම පමණද තව සුසුම් වල උණුසුම මොකටද මට තියෙන්නෙ තනිකම තනියට ඔබ සිඹින්නෙ මගෙ සිත විතරද සසින් චාරුක
