නුඹ සිඹින්නේ මගෙ සිත විතරද?

23

ඉතිම් science week එකේ පිටියේ තරඟ ඉවර උනාට තව නැටුම් ගැයුම් වගේ තරඟ ඉතුරුයි...... ඒවා තියෙන්නේ auditorium එකේ..... Talent show එකක් විදිහට ........

ඇත්තටම මට පොඩ්ඩක් සින්දු කියන්න පුලුවන් ..... ඒ උනාට Talent show එකක පෙන්නන්න තරම් දක්ශතාවයක් නම් මට නෑ......... නද්දට නම් සින්දු කියන්න පුලුවන් හොඳට ඒක නිසා එයා ඉන්නවා සමූහ ගායනයකට......

" හෙට stage එකට පේන තැනකින් ඉඳගන්න......"

ඊයේ DJ එක වෙලේ දිනුග අයියා.... මගේ කනට කරලා කිව්ව එක තාමත් නිකම් කන අස්සේ දෝංකාර දෙනවා වගේ..........

ඉතිම් ඒක හින්දම මං නද්දව ඇදන් ගිහින් ටිකක් ඉස්සරහට වෙන්න මැදක ඉඳ ගත්තා ......... මං හිතන්නේ ස්ටේජ් එකට මෙතන හොඳට පේනවා.......

තාම කොන්සට් එක පටන් ගත්තේ නෑ..... දෙමළ අයගේ සද්දේට ඔලුව පුපුරන්න වගේ...... ඒ අස්සේ මගේ පිටිපස්සේ ඉන්න එකා මගේ පුටුවට සැරෙන් සැරේ තට්ටු දානවා..... මොන හුත්#ක්ද මන්දා.........

මං ඌට දෙකක් කියන්න පිටිපස්ස හැරෙනකොටයි දැක්කේ ඒ හිටියේ දිනුග අයියා කියලා ......... දිනුග අයියා, නෙතිරු අයියා වගේම මෙනුල අයියත් අපේ පිටිපස්සේන් ඉඳගෙන හිටියා.....

ඇත්තටම මේ දවස් ටිකේ මට දිනුග අයියව තේරුම් ගන්න අමාරුයි ...... එයා වෙනස් කියලා මට තේරෙනවා ...... එයා මට ළං වෙන්න හදනවා කියලත් මට තේරෙනවා ....... ඒත් ඒක එහෙමයි කියලා හිතන්න මට භයයි ....... මොකද හැබෑ වෙන්නැති හීන දකින්න මං භයයි..... නෑ දකින හීන හැබෑ වෙන්නේ නැති වෙයි කියලා මට භයයි .......

එයා මට ලං වෙන්න හදන්නේ යාලුකමකටද.... නැත්නම් වෙන දේකට කියන්න මං දන්නෑ...... ඒත් මං දන්න තරමින් එයා ස්ට්‍රේට්..... මොකද මං එයා ගැන දැන ගන්නෙත් එයා බ්‍රේක් අප් වෙලා ඉන්න වෙලාවක..... එදා දවස මට අද වගේ මතකයි.....

********************************

" අඩේ මේ බස් එක එන්න වෙලා යයිද බන් මට හොඳටම බඩගිනී......."

" මටත් යකෝ......"

එතකොට අපි ඕලෙවල් කරන කාලේ..... හවස බස් එකේ ගෙදර යන්න තමා මායි නද්දයි වගේම අපේ අනිත් සෙට් එකත් පුරුදු වෙලා හිටියේ.........