නුඹ සිඹින්නේ මගෙ සිත විතරද?

45

" අහ් මල්ලිලා මොකද වෙන්නේ??"

මං පිටිපස්ස හැරුනාමයි දැක්කේ ඒ ඇවිත් හිටියේ සතිර අයියා.....

" අයියේ......"

මං සතිර අයියා එක්ක හිනා වෙද්දී... අයියා කෙලින්ම ඇවිත් ගානක් නැතුව මගේ කරට අත දා ගත්තා..... මං එහෙම්මම දිනුග අයියා දිහා බැලුවේ.... මට කලින් දවසක සතිර අයියගෙන් දිනුග අයියා ඈත් වෙලා ඉන්න කියපු නිසා.......

දිනුග අයියා දාගෙන මට ඔරෝනවා.... ඇයි අප්පා මං කියලා මොනා කරන්නද?... සතිර අයියා කියන්නේ මගේ කාඩ් එක දාපු අයියා වෙනුවට මාව බලන කෙනා ඉතිම් අනේ මං කොහොමද එයාව මග අරින්නේ.... ඇරත් එයා 3rd yr සින්නෙක්..... ඉතිම් මට පුලුවන් ද අනේ මට පාඩුවේ ඉන්න දෙන්න කියන්න...??? අනික ඔච්චරටම කෑ ගහන්න මොකක්ද මෙතන තියෙන අවුල???

පොඩ්ඩක් ඉන්න.......... දිනුග අයියගේ කනෙරු මල සතිර අයියාවත්ද????

මං ආයෙත් දිනුග අයියගේ මූණ දිහා බැලුවේ ඒක සැක හැර දැනගන්න..... ඔව්නේ එයා තරහින්........ ඒත් ස්ට්‍රේට් එයාගේ ක්‍රෂ් එක කොල්ලෙක් වෙන්න පුලුවන් ද??? බෑනේ...... මාත් මොනා හිතනවද මන්දා........

එහෙමනම් දිනුග අයියා ලයින් දාන කෙල්ලටම සතිර අයියත් කැමති ඇති...... ඒත් ඉතිම් මට ආශ්‍රය කරන්න එපා කිව්වේ මොන රෙද්දටද???

ඔන්න ඕක තමා මගේ හිතේ තියෙන වැරැද්ද..... හිතන්න ගත්තොත් නන්ස්ටොප් එක එක මඟුල් හිතෙනවා.....

මං ඔලුව පොඩ්ඩක් දෙපැත්තට හොලවලා ආයේ පියවි සිහියට ආවා.....

" උඹට කර ගඳක් එනවද??"

" කර ගඳක්....."

නද්දා කියද්දි මං ආයෙත් ලොකු හුස්මක් අරන් බැලුවේ.... පැත්තෙන් තියෙන පළතුරු කඩ වලින් එන පළතුරු සුවඳ ඇරෙන්න වෙන සුවඳක් මට එනවද බලන්න... මේ ටවුමෙ කොහෙන් කියලා කර ගඳක් එන්නද??

" නෑනේ...."

" අන්න අරහේ දිනුග අයියා පිච්චෙනවා..."

නද්දා එහෙම කියද්දියි මට ඒ මොකක්ද කිව්වේ කියලා තේරුනේ.... ඇත්ත තමයි..... දිනුග අයියා අපි දිහා බලන් ඉන්නේ හරියට රයිස් කඩේ අන්නා චිකන් කෑල්ලක් දිහා බලන් ඉන්න ගානට.... දැන්ම ඩෙවල් කරයි වගේ....