اولاد الحكم

البارت ٥٨

#اولاد_الحكم
للكاتبة روشان (مروج الشمري)

مساء الورد حبايبي
قراءة ممتعة

البارت ٥٨

فوزية : هالبنية من يوم الشفتها بعرس ايمان
واني نفسي بيها لعبد الله بس جنت مستحية اطلبها منكم لان عبد جان عايش ببيت جده ويشتغل عامل وبعده جاي يكون بروحه

بس هسه الحمد لله اشترى بيت بالزراعي وراح يفتح منه اسواق يشتغل بيها على باب الله

شتكولين اذا احاجي عمتج بيها ينطوني لو بس افشل نفسي اخاف يردولها واحد واصل مثل اخوانها ....

فلة: صفنت بوجها ثواني من كد ما اتفاجأت ، يعني الموضوع ابد ابد ما خطر على بالي

فوزية: ها عمة شو سكتي ؟ مبينة السالفة صعبة مو؟ متشوفين جاي اسألج يقبلون لو لا ... انت معاشرتهم وتعرفين طبعهم ونفسيتهم اكثر مني ... هو صح عبد ماعنده شهادة بس والله شاغول ويدور مستقبل متشوفيه خله الفلس عالفلس حتى زواج ما اتزوج لحد الان الا كون نفسه حتى ما يبهذل بنت الناس ويتعبها وياه

فلة: عمة الرجال ما ينقاس بشهادته ومو بس الرجال ، البشر كلها ما تنقاس بشهادتها وصدكيني بس الناس الي تكون الشكليات من اولوياتهم يدورون شهادات واني متأكدة عيالي مو منهم

لان هسه حجيتلج وكتلج هم ليش فصخو خطوبتها القديمة لان شافوها صعبة احد يقلل من قيمة بتهم سواء علمود شهادة او غيرها
فأكيد هم ما يرجعون يكررون نفس الغلط

فوزية : يعني افوت بفالي واحاجي ام وارث اليوم

فلة: حاجيها والهوى بظهرج ،واني بظهرج

فوزية: اي فدوة عمة انتي تعرفين عبد كلش زين واريدج انتي اخيته وتسعيله بيها
لان كتلج هالبنية بنفسي تكون من نصيبه هي طيبة وهو طيب ما امن اخذله ياهو الجان وتشلع كلبه وهو جاب العمر كله مشلوع گلبه

فلة: بدون متوصين عبد الله يستاهل ماي العين والله،ليش وكفاته ويانه تنسي .. ؟
بس خل اشوف ياقوت بالاول اذا تقبل حتى اكلج حاجي خالة سنية

اني فد شوية من تكعد احجي وياها، عندج صورته مو ؟

فوزية : اي باعي هو حاط صورته على هذا البرنامج مال مخابرة الاخضر من يدك عليه تطلع

فلة: ها قصدج واتس اب ، شو جيبي تلفونج خل ادزها الي واشوفها لياقوت

طبعاً اني وياها نحجي كله بهمس ياقوت وفاطمة نايمات غاطات بالنومه حتى حركة ماكو ..
اخذت التلفون من عمة ودزيت الصورة لتلفوني .... رجعت سألتها

صدك هو يا مواليد نسيت اني ..

فوزية :٨١ ... هسه عمره ٣٦ سودة مشى العمر بي وهو يركض للعيشة وعلى هالبيت لا اتزوج لا خلف ، الي بكده هم عدهم جهال هسه