PAALAM
Tunay na masakit ang magpaalam
Lalo na kung may malalim na pinagsamahan.
Tunay na mahirap maiwanan
Higit na kung hindi sanay na napag-iiwanan.
Hindi natin mapipigilan ang oras.
Hindi mapipilis ang minuto na lumipas.
Uusad ang araw na nakatakda
Mapupunta sa puntong kailangan magpalaya.
Sa bawat paang lumilisan palayo
Ay ang mga matang namumugto.
Maninibago sa panibagong buhay.
Kung saan sa mga bawat araw ay hindi na magiging sanay.
Hiling na kung sa sandaling darating ang pahimakas.
Hayaan nawa ang mga puso patuloy na nakarehas.
Dahil may paniniwalang ito ay hindi pa wakas.
Kundi ang isang magandang naghihintay na bukas.
miss_reminisce
BINABASA MO ANG
Isang Daang Piyesa
CasualeLikha ng kathang isip ay ihahayag Sa lawig ng panulat ay lalayag Gamit ang mala hugis kandilang panulat Ako at ang aking mga piyesa ay isusulat Isang Daang Piyesa Isang daang tulang may iba't ibang tema Halina't hukayin, alamin Kung ano ang nagkukub...
