LUKLOK
Sa mga bagong naluklok
Manatili nawa ang ulo na nakadukdok.
Huwag sikaping pangako'y matupok
Gawin, upang hindi maging alikabok.
Kung sakaling naisipang lumiko
Huwag padadaig sa kutya ng paninibugho
Unahin ang nararapat,
Unahing maglingkod na higit pa sa sapat.
Sukdulan na ang iyong taas na narating
Madla'y ipinagkaloob sa iyo ang bunyi
Huwag sanang dumating sa wala,
Ang tinig na sa iyo ipinagkatiwala
Lilipad ka't titingalain,
Kung pagbabago'y hindi papatigilin.
Subalit, tutubuan ka ng pangil,
Kung winaldas mo ang tiwala namin.
miss_reminisce
BINABASA MO ANG
Isang Daang Piyesa
RandomLikha ng kathang isip ay ihahayag Sa lawig ng panulat ay lalayag Gamit ang mala hugis kandilang panulat Ako at ang aking mga piyesa ay isusulat Isang Daang Piyesa Isang daang tulang may iba't ibang tema Halina't hukayin, alamin Kung ano ang nagkukub...
