BINABASA MO ANG

Isang Daang Piyesa

De Todo

Likha ng kathang isip ay ihahayag Sa lawig ng panulat ay lalayag Gamit ang mala hugis kandilang panulat Ako at ang aking mga piyesa ay isusulat Isang Daang Piyesa Isang daang tulang may iba't ibang tema Halina't hukayin, alamin Kung ano ang nagkukub...

#luha #pag-ibig #paghilom #pagsinta #pangarap #pasakit #tagalog #tula

08

62 4 1

ni miss_reminisce

ni miss_reminisce

Pahina

Sa pahina ng libro nakaukit
Ang mga salitang nagbigay sa'kin ng sakit.
Kung sa unang pahina pa lamang ay nadudurog na ang aking damdamin
Tila hindi ko na yata ito kaya pang basahin.

Sa bawat paglipat ko ng pahina
Ay ngalan at larawan mo ang aking nakikita.
Batid ko na ang dahilan kung bakit ako nagkaganito.
Dahil buhat nang ako'y iniwan mo nagpakalunod ako.

Nagpakalunod sa sakit ng kahapon.
Ni kahit sino'y hindi kayang pawiin ang damdamin kong luhaan.
Sa pagsulat sa pahina ko ibinabaling ang aking atensyon.
Umaasa na ang sakit ay mabawasan.

Subalit katulad ng isang pahina
Ang aking nararamdaman ay may katapusan.
Umaasa ako na katulad sa kung paano magwakas ang isang istorya,
Ay ganoon rin magwawakas ang aking nararamdaman.

Hindi ako kasing tibay ng pahinang ninanais mo.
Hindi ako ang pahinang kukumpleto sa buhay mo.
Isa akong pahinang madaling mapunit at malukot,
Isang pahinang nababalot ng pasakit at lungkot.

miss_reminisce