PANUKLI
Ang hirap kapag wala kang panukli
Ang hirap baryahan ang baryang ikinukubli
Ang hirap kapag hahagilap ka ng mamiso
Mabayarhan lang ang halaga ng laki ng binigay sa 'yo.
Alam kong bata pa lamang ako
At hindi pa tapos sa pagsusunog ng kilay ko
Ngunit malayo na ako.
Masusuklian din kita basta't maghintay ka sa pangako ko.
Hiling ko sana na huwag kang mayamot
Kung sakaling paunti-unti ang aking iniaabot.
Nawa'y hindi ka makulong sa alimpuyot
Habang binubuo ko ang halaga na walang imbot.
Malapit na rin namang matapos ang pagbibilang
Masusuklian ko na rin ang sa 'ki'y iyong ipinuhunan.
Basta maghintay ka lang Nanang at Tatang
Balang araw ay higit pa sa panukli ko kayo igagapang.
miss_reminisce
BINABASA MO ANG
Isang Daang Piyesa
RandomLikha ng kathang isip ay ihahayag Sa lawig ng panulat ay lalayag Gamit ang mala hugis kandilang panulat Ako at ang aking mga piyesa ay isusulat Isang Daang Piyesa Isang daang tulang may iba't ibang tema Halina't hukayin, alamin Kung ano ang nagkukub...
