Panaginip
Isang araw may bulalakaw na gumuhit sa langit.
Hindi ako nakahiling 'pagkat kay bilis ng pagsapit.
Hinintay ko ulit na may dumaan.
Ngunit nayamot na ako't nilamok, hindi pa rin nagpakita sa kalangitan.
Sinubok kong muling tumingin sa langit.
Katulad ng dati ito ay payapa at tahimik
Hindi ko batid kung bakit natutuliro akong tunay.
Marahil sanhi ito nang minsang dumaan ang bulalakaw.
Bagsak ang aking balikat sa mga sumunod na araw.
Malungkot ang mukha katulad ng madilim na bulalakaw.
Kung ipipikit ko ba ang mata ay masisilayan ko ang bulalakaw sa aking panaginip?
May posibilidad ngunit hindi ako nakatitiyak.
Ngunit kung may pag-asa mang kahit katiting.
Sisikapin ko na lamang ipikit ang mga mata ko sa dilim.
Naalala kong ganito ang ginawa ko dati,
Habang hinihintay ko ang pagsapit ng gabi.
Hanggang sa nagising ako sa paraiso.
At hindi ko alam kung bakit ako naririto.
Ngunit ang napagtanto ko lamang,
Muli kong nasilayan si Inang, na matagal nang nahimlay.
miss_reminisce
BINABASA MO ANG
Isang Daang Piyesa
RandomLikha ng kathang isip ay ihahayag Sa lawig ng panulat ay lalayag Gamit ang mala hugis kandilang panulat Ako at ang aking mga piyesa ay isusulat Isang Daang Piyesa Isang daang tulang may iba't ibang tema Halina't hukayin, alamin Kung ano ang nagkukub...
