الـحب الأعـمـى

الـبـارت الـرابـع

{ الحب الأعمي}

الحلقه4⃣

فاطمه: من
هدي: هييييي الحلما 
حياه: والله تو كيف ذكرت
فاطمه: تي شن في احكن
انا: يومتها قبل الفجر بشويه حلمت حلما سبحانه الله مش مصدقا ان شفتا في الحلم قبل الحقيقه
فاطمه: تي أحكي ياهمي
انا: باهي بشويه وانتي بصلتك ديما محروقه

انا كنت نمشي في حوش بس مش حوشنا هو وكان فيه عرم اديار
وكانت الدار الي انا طلعت منها مزوقا بأسود  وفيها سرير هكي قديم ومتهربك ودار قديمه وحالتها حاله وضيق العلم
وانا طالعا ونمشي في ممر كانن يطلعلي لفعي اصغار وعقارب  وكنت خايفه منهن بس ماقرصنيش هكي يبخن عليا بس زي الي يبن يهجمن بس مايقدرنش يعضني
وانا نمشي كان في نهاية الممر واحد عطيني بظهرا
وانا في الحلم زي الي هو راجلي ويعرفني بس هو متباعد عليا
باعدها قعدت انقدم بشويش عليه وفي نص الممر وقفت وقلت مش حنمشيلا انرد للدار امتاعي
وانا وقفت ونبحت كان في بيني وبينا لفعا كبيره وعيونها اكبار بكل
وكانت اتبحت فيا وكنت خاطري نمشي للراجل الي مصبي غادي بس لفعا كانت منعتني اني انعدي
بعدها انا تميت انوخر
ومانندريش الا عليه هو واخذ لفعا ومطربق راسها
وانا خفت منا
بس هو قرب شوري وكان قريب مني واجد لدرجة حسيت بجسمي كلا سخن وحسيت اتجاها بزي الدفاء والامان والحنان  كان في شعور غريب انحس فيه اتجاها وخلاص نضت من الحلم وانا انقطر اميا وحسيت بزي الي نعرفه وانا بنصبي والفجر يأذن
فاطمه: باهي شن شكلا الراجل الي في الحلم

انا: ملامح الراجل الي في الحلم زي ملامح الشاب الي في مستشفي ولا يشبهلا المهم في حاجه تربطهم بعضهم في  حاجه غريبه مش عارفه شنو بينتهم

هدي: قتلك من يومها ان الي شفتيه انتي رؤيه مش حلم
انا: مش عارف
فاطمه: وكنك ماقلتيهش ليا
انا: كنتي راقده وتاني يوم انا مرضت وانسيت الموضوع
فاطمه: عندي اخت مفتاح شاطره في تفسير الاحلام تو نقوللها وتفسرها لكي شنو

هدي: بس الغريب ان نفس الشاب الي قابلتا اليوم هو نفسا في الحلم

انا: مش عارفه هو نفسا ولا حد يشبهلا كل الي نعرفا ان في حاجه بينهم نفس الاحساس الي حسيتا في الحلم حسيتا لما خبطت في شاب هذا

هدي: يقولو لما تحلمي بشخص ويبانن ملمحا معناها انتي شيفتيه من قبل حتي ولو كان لمحا

انا: وين بنشوفا ع ايديكن من دار للمطبخ للصاله خاطيها فيش طالعا عندي الا للمستشفي كان مرضت ولا حد فينا مرض

فاطمه: خير ان شاء الله وبكره تو نقول لاخت مفتاح اتفسرها لكي
انا: ان شاء الله
هدي: ساعه كم
فاطمه: ساعه 2
انا: حسيتا اليوم هذا طويل بكل صاح
هدي : اها حتي انا معش كمل بكل
فاطمه: ماهو علشان صاراً فيه عرم احداث
انا: رايفت ع جوري
هدي: حتي انا خزيه لمعفنا من حشما اجوزت نستنا
فاطمه: اصدقت شن تبي في وجوهكن خلنها مظبطا رجالها ماخذتا عند نشف ريقها
انا: وااااو تاريتا الوحيده الي ياما عانت وكافحت ودارت علاقه وياما انضربت  هاجر
فاطمه: والحمد الله في الاخيير خذت الي اتحبه
هدي: عالاقل فينا وحده عاشت قصه حب
انا: اوكي ع اساس انتي مش عيشتيها توا
هدي: لا ننكرش ان صاح ايمن  روادا بس حبيتا في فترة الخطبه هذي
انا: خلاص فترة الخطبه كأنك دايره علاقه
فاطمه: صاح نفس الجو ع اقل تحكي امعاه وانتي متريحا مش تحكي وانتي خايفه حد يخش عليك
انا: اصلا العلاقات ربك مايبركش فيهن وبعد كم بنت تصدف  مع وحده يكون واحد صادق امعاها ويبيه يعني من مية بنت طلعي 5% يجوزن بعلاقه والباقي كلهن يطلعو يضحكو عليهن ومكسدين وراه تلقيهن عيشات قريب 3 ،4 سنوات ومرات ايطقن حتي لسبع سنوات وهنا ديرات علاقه  مع نفس الشخص وفي الاخير يفكو عليهن ويأخذو الي اما ولا الي هو شافها صدفه ويسيب الي عاش معها كم سنه وكان يضحك عليها