الـحب الأعـمـى

الـبـارت 81

{ الحب الأعمي }

الحلقه 81

كانت ساعه 5 الفجر لما رن موبايل رحاب
وبحتت وهيا نعسانه وبنص عين
وتنصدم بالاسم
ناضت مفجوعه . الوووووو .
معتصم: ايوا يابطه راقده
رحاب: بصوت نعسان. عصوومي كنك في حاجه
معتصم: لا مافي شي غير معش جاني نوم قلت انرن عليك
وعيتك يابطتي اسف
رحاب: ابتسمت. لا عادي . كنا معاش جاك نوم
معتصم: مش عارف انحس في روحي قالق بكل
من بدري وانتقلب
ونقول يانوم اتجينا ياريتك يانوم اتجينا واتجيب معاك غوالينا
رحاب: هههههه ياسامط . عارف ساعه كم توا
ساعه خمسه وانت مصحصح ع الاخير وتحنط قاعد وتغني اخره
معتصم: هههه والله بالي قتيلي خمسه الفجر نحسابها خمسه عشيه
رحاب: عصووومي
معتصم: وتين عصومي
رحاب: شنو وتين هذي 
معتصم: اممم شن انقولك . هو اسما وتيني . مش وتين
رحاب: باهي شنو هذا
معتصم: منكش عرفتيه
رحاب: انلالا
معتصم: هو شريان متصل بالقلب ولو انقطع يوقف قلب ع نبض
وانتي شريان هذا
رحاب: ابتسمت.تعرف حاجه
معتصم: نعرف حاجات مش حاجه انا
رحاب: هههه لابجد
معتصم: شن يابطتي
رحاب: انت احلا شي في دنيتي ياعصومي. انحبك واااجد والله انحبك
معتصم: بعد موبايل من وذنا وبحت في شاشة موبايل . الوو رحاب
رحاب: ايوا معاك
معتصم: معليش لو سمحتي عطيني رحاب
رحاب: عصووومي كنك
معتصم: قتلك عطيني رحاب
رحاب: يا انت كنك ياسامط
معتصم: ابتسم. وين كنتي يابطتي
رحاب: كنك يا انت
معتصم: اصلاً الي توا كانت تحكي شكيت فيها الصراحا
رحاب: ياسلام. وعليش يعني شكيت
معتصم: اصلاً بطتي كلامها رومانسي عارفا وحفظا ومستحيل اتكوني هيا انتي
رحاب: لا هيا انا وبعدين شن علي اساس عمري ماقتلك كلام يعني
معتصم: تبي الحق يابطتي ولا ولد خالتا
رحاب: لا نبي جده . ياحانط
معتصم: انتي امتاع من
رحاب: ساكتا
معتصم: نحكي انا
رحاب: وانا نبيش نحكي
معتصم: زعلتي يعني
رحاب: اها
معتصم: باهي انقولك حاجه اديريها عشان تقعديش زعلانه مني
رحاب: بصوت اتجعوين. شنو
معتصم: اخبطي راسك في ساس الي وراك
رحاب: باهي به ياعصومي . نبي نرقد يا انت
معتصم: عليا الطلاق من بيتيتي ترقدي انجيك
رحاب: بيتيتك
معتصم: اها  مش عاجبك
رحاب: شن معناها يعني
معتصم: تي اوكي يا اجنبيه ع اساس انكلم في كيم كاردشان انا مثلاً . راه نحكي في كلام ليبي وانتي ليبيه ديريليش روحك توا جايا من امريكا تفهميش في كلام الي نحكي فيه
رحاب: ههههه مبردك والله. قاعد واعي ورايق وتشفط اخره
وتقولي في كلام والله مانفهم فيه
مره وتيني ومره بيتيتي حاجات اجدد اول مره نسمعهن
معتصم: باهي ان شاء الله بسلامتك
رحاب: باهي شن كلمه
معتصم: يعني علي الطلاق من حوشي يعني فيلاتي يعني بيتي يعني الهوس امتاعي معناها براكتي
فهمتي وصلت توا
رحاب: ههههه بشويه بس كنك يا انت  فهمت توا . و وصلت
معتصم: واخيراً يا بطه
رحاب: باهي عدي ارقد خلاص
معتصم: انتي نعستي باهي
رحاب: انا انفجعت عليك نحساب في شي
معتصم: يانا عليا . بس يابطتي كنت قالق ومش جايني نوم قلت نكلمك عند ننعس
رحاب: باهي تو نقعد معاك عند تنعس
معتصم: لا خلاص امشي ارقدي .انا تو اشويه وننعس ونرقد
رحاب: لالا مش راقده عند ماترقد
معتصم: والله يابطه تمشي خلاص تو حتي انا انعدي نرقد
رحاب: متأكد
معتصم: متأكد . اصلا كان قعدتي معايا وقعدت نسمع في صوتك معناها معش يصير من رقدتي بكل
رحاب: ابتسمت .باهي خلاص معناها
معتصم: باهي انتي ملك من
رحاب: ملكك انت
معتصم: ومتاع من
رحاب: انتاعك وبس
معتصم: بالميم يابطه
رحاب: بالنوون
معتصم: بالحاء
رحاب: بالباء
معتصم: بالكاء
رحاب: نحبك
معتصم: انموت فيك يا وتيني
رحاب: تصبح ع خير
معتصم: بطتي
رحاب: هممم
معتصم: مش زعلانا مني
رحاب: وعليش بنزعل منك
معتصم: عشان امبدري نسمط عليك
رحاب: لالا نزعلش منك انا 
معتصم: عليك براده فيك باهي ازعلي حتي بالبصاره
رحاب: زرتها ضحكا. عصوومي
معتصم: نعم ياطيري
رحاب: ههههه سامط راك
معتصم: انبصر عليك .خلاص عدي ارقدي وتغطي كويس ع مكيف
رحاب: حاظر . حتي انت
معتصم: ماشي باي
رحاب: باي