الـحب الأعـمـى

الـبـارت الـثـانـي

( الحب الأعمي  )
الحلقه 2⃣.

فتحت عيوني وبحت ع جنبي لقيت فاطمه راقده
صبيت ونحس في روحي معنديش جهد قعمزت ع حاشيت السرير
ولقيتهم محوليلي التغذيه
صبيت وخشيت للحمام
بحتت في مرايا لقيت وجهي اصفر وتعبان ومرهق بكل باين عليه وحتي عيوني ذبلات

غسلت وجهي ولقيت هدي دزتلنا فرشات اسنون ومعجون
حكيت اسنوني وتوضيت

وطلعت لبست العبايا والوشاح امتاعي وصليت الصبح
ولما كملت الصلاه رفعت ايدايا وتميت ندعي لربي
لان كنت انحس في روحي مخنوقه ومضايقه
ودعيت لربي يفرجها عليا ويشرحلي صدري
وكملت دعاء وقعمزت ع سرير سلحت وشاحي وتميت نمشط في شعري

فاطمه: صباح الخيير
انا: صباح النور
فاطمه: كنك ماوعيتيني شن كويسه اليوم
انا: اها الحمد الله
فاطمه: امتا وعيتي
انا: ماليش ربع ساعه
فاطمه: هيا ساعه كم
انا: والله مانندري
بحتت فاطمه لساعه فونها
انا: كم
فاطمه: ساعه سبعه ونص
انا: باهي وعينا بدري
فاطمه: انخش الحمام قبل مايجونا الممرضات

وخشت فاطمه الحمام وانا كملت مشط شعري ولميتا وحطيت الوشاح عليا حط مابيتش انلفا كويس ولعت التلفزيون

طبعا لان خوتي خايفين علينا او مش حطين ثقه في بنات
فا مش ديريلي موبايل وخواتي لانهن مخطوبات ومقريا فتحتهن فارجلتهن ديريللهن موبايلات لكن انا لاني مازلت سنجل فامحروما منا 
فاقعدا هكي لا موبايل لا قرايا لاشي حياه ممله وروتين ممل
ديما في الحوش انظم ونطيبو  ونعانو في عيال خوتي ونهدرز انا وخواتي وتلفزيون حتي هو في صاله وممنوع تفرجي ع مسلسلات تركيه وافلام  وجو هذا لان عيب وحرام وهذينا قوانين خوتي الي موافق عليهن باتي وظلمنا فيهن

فاطمه: حيااااه
انا: ها كنك
فاطمه: معقوله من بدري ونكلم وين سارحا
انا: تنهدت . شي . كنك شن تبي
فاطمه: كنت نحكيلك ونقولك هدي حطيتلنا خمارات
بيش تلبسي خمارك هكي
انا: ترا حوليه والله ماني لبستا
فاطمه: هيييي تبي خوتك يقتلوك انتي
انا: عليش نلبس فيه وانا في مستشفي تو بعد نطلع نلبسا دبينا في دار عليش نخنق في روحي بيه
فاطمه: ماهو مرات يجينا الدكتور ولا يجي واحد من خوتك ويشوفنا مش لبساتهن يسودو يومنا
انا: هو موسي الي يدير في طروح لكن عيسي مايعدلش واجد عليه الخمار
فاطمه: ماهو يجي السوسه موسي ويقعد يحمش في عيسي علينا
فكينا من شرهم والبسيه سلم خيتي
انا: والله ماني لبستا قتلك الا لما نطلع من دار
وبعدين شفتيه الحقير من امس اكيد عرفني  مريضه مابش يجي حتي بالكذب ولا يرن ع موبايلك ويطمن عليا

فاطمه: ماتوجعكش منا مانك عارفه موسي وطبعا كان يلقا يفتك منا ومن سريبنا وديما يقوللنا فيها ويقول انتن البنات عار وحمل ثقيل وخلاص

انا: عن داء ان شاء الله خزيه ياريت مبروكه ماجبتهم اقطع جيبها
فاطمه:  وسل اقليبها ان شاء الله جيبت الهدأ
انا: ههههههه
فاطمه: كنك تضحكي
انا: علي ادعايا انا وياك  خطرتي عليا امي سالمه
فاطمه:ههههه يالا هذا نصيبنا
انا: حسني مليت امتا ويجو يطلعوني
فاطمه: انا حسني  جعت كان انتي مليتي
انا: شورك انتي عدا كل شي الا بطنك
فاطمه: وانتي ماتجوعيش بكل ياحنه
انا: ماعنديش نيه في شي
فاطمه: ايوا خليك هكي حقي وجهك كيف تما وجسمك
وقعدتي شينه وعطيا روحك اكبر من عمرك ليش هذا كلا اه ع سبت واحد والله مايستهلك وحيجيك الا خير منا 
انا:  تي انتي تحسبيني عليه المتخلف هذا تي انسيتا وفتا بكل 
فاطمه : اها صدقتك
انا: والله العظيم انسيتا القصه مار عليها سنه وانتي تحسبيني مازلت عيشا عليه
فاطمه: بس من يومها وانتي انقلبتي
انا: لاتهيالك بس غير خلاص كملت ثانويتي وقعمزت في الحوش قعدت انحس بملل علشان هكي تحسبيني عشان هو
فاطمه: اكيده يعني
انا: ورحمة ماما
فاطمه: الله يرحمها . تي كنهم طولو هذوما
انا: مش عارف ومعش حد جانا لا دكتور لاشي
فاطمه: مستشفي بالهون شكلا
انا: حسني عطشت عندك فلوس
فاطمه:  اها امعايا عليش
انا: عطيني انعدي انجيب من مقهي مستشفي اميا
فاطمه: به بسرعه قبل مايجو خوتك
وماعلي انتي مامشيتي وجيتي انا انكلم مفتاح اكيد في عمل قاعد
انا: باهي هيتي
فاطمه: قصدك طالعا من غير خمار
انا: مش لبستا
فاطمه: هييي عنادك هذا تو يودرك انتي
انا: معنديش نيه في محاظره توا هيتي لفلوس
فاطمه: هاكي ها وبسرعه الله يربحك