الـحب الأعـمـى

الـبـارت 65

{ الحب الأعمي }

الحلقه 65

هيثم: شنووو
علي: الي سمعتا . عطيتك فرصه وقريب خش شهر وانت اتفكر ومازال مارديتش عليا . كنت نبيك تحسبها بعقلك بس انت قاعد اتمطل فيا وفتحتك الاسبوع جاي لا الي بعدا ان شاء الله
هيثم: ليش الزر لييش . ياحاج مانبيهش البنت حرام عليك تظلمها وتظلمني
علي: هيثم. كان في حد بينظلم في هالموضوع هذا كلا فهو البنت الا انت في الاخير راجل وتقدر تأخذ غيرها بس هيا حتنظلم في حالتين سوا سيبتها ولا جوزوها خوالها للصايع الي جايها ولا خذيتها لكي انت
هيثم: باهي ها شفت انت عارف اني حنظلمها ليش تبيني نأخذها
علي: اقل شي هنا قدامي انا انعوضها ع حاجات واااجد
هيثم: تنهد.  وقعد يمسح بيدا علي وجها . استغفر الله العظيم
علي: ها شن قلت مازال بتفكر
هيثم: يأس من باتا ومن موضوع الي مالقلش حل فيه. عطيني يومين بس ونعطيك جوابي الاخيير
علي: هنا يومين خوذهن بس في حالتين حتأخذها وفتحتك الجمعه الجايا لا الي بعدها
هيثم: بحت في باتا. وهو من جو مغلول ومقهور . ان شاء الله خيير

وطلع هيثم من فيلا ركب سيارتا وطلع برا الفيلا بكل

~~~~~~~~~~~~~~~~~~~~~

انا: الحوش يهبل بكل  ازك ليا محنطش
يوسف: ههههه. اصغير بس سمح صاح
انا: بكل ولا ديكور ديرينا جو اثري 
يوسف: اها زي كهف ديرينا
انا: بس مش مجمد واااااو ع صقع
يوسف: مافيش ابصاره هنا . الصقع متاعهم في لعظام
انا: بكل . بنغازي مش مصقعا الجو عادي فيها بس هنا اتقول في شهر 1 قاعدين
يوسف: واخرا هذا كلا بنغازي بدأ جو يصقع عندنا . بس هنا الصقع عندهم الخير بدري وشر بدري هنا شهر 1 مرات ينزل حتي تلج عادي
انا: ننقنا صقع وانت جيبني مالبستش حاجه ثقيله
يوسف: مش محتاجا
انا: بحتت في يوسف. والله وليش ثقه هذي . يعني بالبطاطين الي شريتهن بيدفني مثلا
يوسف: وانا فيش اندير مش مالي عينك يامنجوها
انا: حطيت يدي في خصري. وهزيت براسي. كيف يعني فهمتش
يوسف: مافهمتيش صار ماه
انا: نستعبط .لا فهمني اكثر فهمتش
يوسف: حط يدا علي حنكا وقعد يمشي علي لحيتا. وغمز عينا. وقعد يهز براسا ويبحت فيا  
اممممم فهمتيش
انا: نحكي وزرتني ضحكا. اها فهمتش كنك عودتها مليون مره. كيف بدفني البطاطين وانت شن بديرلي حضرتك يعني
يوسف: تو نفهمك حضرتي شن بيدير  . صبا بسرعه. وجا يجري شوري.
انا: عديت جري شور الدار وسكرتها عليا
يوسف: يدق ع باب . افتحي ياخوافا . كنك سكرتي باب
انا: هههههههه
يوسف: افتحي مش صقعانا
انا: بكل اخره ميتا من صقع
يوسف: باهي افتحي تو ندفيك
انا: ياعيني . قاعدت دفيا من ورايا
يوسف: ههههه. تي افتحي يافرخا خيرلك راه
انا: انلالا
يوسف: قدها كلمة انلالا هذي انتي
انا: امممم
يوسف: ماسمعتش شنو
انا: اها قتلك
يوسف: حياه
انا: نعميين
يوسف: افتحي باب
انا: حبيبي يا أوفتي نعتذر منك . مش حنفتحا لاني بنرقد . وانت ارقد بره في صاله لصغيره . وبكره الصبح يصير خيير
يوسف: كلام هذا من قلبك
انا: من جواجي قلبي اخره
يوسف: ونهون عليك نرقد في صقع حتي بطاطين معاك جوا
انا: دخلنيش بيك. مش انت دفايا وبدفيني . بدل مادفيني . دفي روحك
يوسف: باهي . افتحي مش جاي شورك عطيني بطانيه وبجاما وتو نرقد في صاله
انا: انلالا . هنا بطانيتين . وبنتغطا بيهن هنا الاثنين . قتلك انا مصقعا وهنا جموود متت من صقع وانت جيب بطانيتين بس مع صقع هذا مايديرن شي
مش انت خطفتني يبقا تحمل نتيجة خطفتك وبات برا في صاله
يوسف: بصوت واطي. حي علي امها تحكي جديات هذي
باهي قوليلي قبل تحكي بجد ولا تشفطي
انا: وراسك انت نحكي جد
يوسف: راك حلفتي براسي
انا: اها عارفا
يوسف: يعني تبيش تفتحي باب
انا: لالا
يوسف: يعني تبينيش انتي
انا: اها . وزرتني ضحكا
يوسف: متأكده اخر قرار
انا: اها . ان شاء الله
يوسف: خلاص بجوك . بس مصيرك فاتحا باب وخشا الحمام
انا: لا خلاص خشيت معش نبيه . تو حنغير دبشي ونرقد طول . يعني مش حنحتجا حمام
يوسف: بس صقع حتظطري تخشي حمام غصبن عنك
انا: لالا انا عارفا روحي تو انت تعرفها اكثر مني
يوسف: باهي انا كيف يصير فيا
انا: تو مش ولعت الدفايا . عدي ارقد جنبها واظبطها بيش دفيك كويس
عشان مره تانيه بعد تمشي للشرق اتقولي وكان مرضت يايوسف حي عليك وحي
يوسف: باهي ياحيوتا باهي زيدي اخره زيدي انلم راه
انا: اعلا مافي خيالك اركبا
يوسف: تم به تو نركبا . انا مروح . واقعدي فيها بروحك وان شاء الله يجنك عفاريت بعدك في ليل هنا مانحكيلك عليهن جبل وعفاريت
انا: هههههه عادي
يوسف: ليلتك سعيده. باي
انا: بااي