الـحب الأعـمـى

الـبـارت الـثـامـن

{الحب الأعمي}

الحلقه8⃣

يوسف: جيبلكم امعايا مفجأه استنو انخششها وانجيكم ماحد  يتحرك وطلع يوسف ونزل مفجأ من سياره وخش بيها
واول ماخش
كلهم انصدمو

يوسف: يضحك  شن رايكم

هيثم: ههههههه شن جوكم وعدا يسلم علي  باتا
(الحاج علي )
وحب ع راسه ويدا
واضبط امه وتمت تبكي

هيثم: عليش لبكا اني قدامك
وجا ابراهيم اضبطا
ابراهيم: يامعفن رايفنا عليك

منذر:حمد الله ع سلامتك وسلم عليه بالخد
معتصم: يامرحبا وسلم عليه
خلاص جيت استلم شغل علينا ماتريحت الا واجد
هيثم: هههههه غير خليني نأخذ نفسي بس

سالمه: سلمت ع هيثم وحب ع يدها

وقعمز هيثم وقعمز يوسف امقابلا

هيثم: شن جوك وين الدكتور فيصل
سالمه: عندا عياده اليوم اكيد اشويه ويروح
هيثم: كيف حالك ياحاج وين جمال ولعيال
علي: تمام ياوليدي جمال عندا برد شكلا بيمرض ولعيال طالعين

عزيزه ام هيثم: كيف مفجأه هذي وكيف ترفقتو انت ويوسف

هيثم: كنت مخطط انا ويوسف وقتلا اني جاي يوم الاحد وع اساس ترنزيت امتاعي حيكون في تركيا
اشويه قالي انا عندي رحله السبت احجز في اوتيل وارجاني انجي ولما نروح اتروح امعايا
وكان هذا اتفقنا ومانقولوهش لحد ونخلوها لكم مفجأه

منذر: خزيه كنك ماقتليش
يوسف: لعيال صغار نحكولهمش نحنا
منذر: بحت في يوسف بنص عين
اوكي ماشي خليها في بالك الكلما هذي
يوسف: يانا عليا ياواعر خف علينا

وتمو يهدرزو وجا فيصل وسلم ع سيدا هيثم وكملو اتهدريزهم

طبعا هيثم يقعد سيد يوسف وهو مواليد 80 واكبر من يوسف بثلاث سنوات طبعا يكون صاحب يوسف واااجد ومكأنش سيدا
ويومت في عيال خوه ابراهيم الي هما خوت يوسف وبالنسبه لام يوسف يعتبر فيها اما الثانيه لان لما اجوز خوه ابراهيم قعدت هيا اتعاني فيه مع عيالها فيعتبر فيها اما مش مرات خوه

هيثم جذاب طويل وابيض اشويه واحلا حاجه فيه غمزات امتاعتا الي حتي وهو يحكي يطلعن
مش لما يضحك بس
نوعيتا متفاهم وطيب ورومانسي بكل بس مايحبش الغلط وديما مع الحق ومايحبش يظلم حد
هادي مش عصبي يصرف بعقل وحكما مرح وجوا من الاخير فايح
ويضحكك وانت في عز بكاك
ماعندش عالوجيج وبنات ومايحبش يضحك ع بنات ولاعمرا دار علاقه ولا عدل ع بنت لان كان مهتم بقرايتا شخصيتا مع ناس قويه وصارمه بس مع هلا والي يعرفهم عادي
وهو متخرج من قانون وحاليا هو محامي ومتعين محامي شركه متاع باتا
وكان مسافر برا ولها 3 شهور لان بيحضر للدرسات متاعا
مع الحلقات تعرفو ع هيثم اكثر

~~~~~~~~~

صبا جد وجدتا مشو لحوشهم يرقدو وطلعت سالمه وابراهيم حتي هما يرقدو