الـحب الأعـمـى

الـبـارت 60

{ الحب الأعمي }

الحلقه 60

ابراهيم: شنوووو لا اله الا الله لا اله الا الله  . باهي باهي
سالمه: يانا عليا واااااو عليا اوليدي مات مات يا ابراهيم
نحنا: انصدمنا وتمينا انتباكو
ابراهيم: شدي حيالك  ياسالمه كنك انتي . معتصم مافيه شي
غير قالي هيثم جيب معاك أحلام ورحاب لان زمرت دمهن o موجب عشان يتبرعن بالدم لان معتصم نقصا دم واااجد وطالبين عشر أكياس حالياً ومالقوش الا خمسه بس وتبرعو يوسف و صاحبا ومازال نبو اخره  
سالمه: يانا عليا اوليدي نزحوه ونزحو دما عطا ضربا وكسرا في ايديه وشلل الي ضربا
رحاب: حطت يدها علي فمها . عشر أكياس واااجد شكلا نزف واجد ياروحي عليك ياعصومي
انا: عمي حتي انا o موجب . عادي انتبرع راه
ابراهيم: باهي هيا . المهم بسرعه 
علي: هيا فكني من لبكا وهيا وتن اروحكن نمشي بيكن
رحمه: بنمشي معاكم وراس جدي
علي: باهي هيا توا عدن واتن اروحكن بس بسرعه
احلام: هيا يارحاب
رحاب: مسحت ادموعها . هيا هيا
انا: هيا نلبس . وننزل
خشيت للدار انغير في دبشي وقعدت انرن علي يوسف بنقوله له
رن رن وماردش
ونزلو كلهم  لوطا
ونزلن بنات يغيرن في  دبشهن و باقي يرجو فيهن لوطا 
وخذنا جدي وابراهيم وركبنا في سياره وعدينا
وقعدن جدتي عزيزه وهند وأروي وفتحيه 
في حوش جدي يرجو فينا

~~~~~~~~~~~~~~~~~~

طول الطريق انا واحلام ورحاب ورحمة وسالمه  ندعو لعصومي
ورحاب كانت نزحا من لبكا

وصلنا وخشينا المستشفي وقعدنا اندورو عليهم عند رن ابراهيم علي هيثم وسألا وينك بيش قاللنا ومشينالهم غادي

واو ماجينا كان ممر طويل مصبي فيه هيثم ع ساس وجنبا يوسف
ونزار مقعمز لوطا علي كرعيه  وحط يدا علي وجها
وليد مقعمز ع كرسي ومقدم اشويه وحاط ايديه علي راسا
وعصام مصبي من جيهة الكراسي متكي بجنبا
ومنذر يبرم في ممر
وسفيان مصبي وحاط ايديه ورأ ظهرا ويبحت لوطا

كانو جدي وابراهيم يمشو قدامنا
ونحنا وراهم

واوا مافطنولنا
جاونا يوسف وهيثم
وعصام و ليد تباعدو من يالانا وعطونا بظهرهم

جونا هيثم ويوسف قدمو شورنا

وينصدم يوسف بعد شافني جايا
قعد هيثم يحكي امعاهم ويهدي في سالمه ويطمن فيها

يوسف: مسكني من يدي  بشويش وكرني لورا وبعدني عليهم
كنك جيتي
انا: اصلا قالو عصومي يبي دم جيت انتبرع
يوسف: ياعمري انتي كيف دايرا عمليه ونافس تبرعي شنو هبلا انتي
انا: يووسف انا كويسا لو انحس في شي كنت ماجيتش وبعدين عصومي محتاج لدم مش وقت انفكر في روحي
يوسف: تنهد . كنك قتيش انك جايا
انا: شيرتلا بحواجبي علي جيبا . شوف موبايلك
يوسف: ديرا صامت مش فطلا
انا: مسكت يد يوسف . شن حالتا
يوسف: مسح بيدا علي شعرا . وهزلي برأسا مش عارف فيصل قالي حالتا خطيره
انا: ربي يلطف بيه يارب عصومي مايستهلش
يوسف: ان شاء الله . كان اتصيرلا حاجه نقتل العيل
انا: لا ان شاء الله مش حيصيرلا شي . ربي كريم تو تشوف تو ينوض
يوسف: مشكله الضربا جيتا في الكبد
انا:هيييي وحطيت يدي علي فمي . معقوله
يوسف: ضربا سودا
انا: وشن جابا له بس وشن سببها المشكله
يوسف: قصه طويله بعدين نحكيها لكي
انا: باهي
يوسف: انتي كويسا.
انا: كويسا اه عليش
يوسف: تحسيش في شي
انا: لالا
يوسف: باهي تعالي
ومشيت انا ويوسف شور بنات ورجالا