الـحب الأعـمـى

بـاقي الـبـارت 68

{ الحب الأعمي }

باقي الحلقه  68

رحاب: صباح الخير
معتصم: صباح النور
نزار: هيا . سنه تلبسي
رحاب: بشويش وانت امركب
معتصم: كنك مركب عليها بشويش ع بطه
رحاب: صبح يافتاح ياعصومي
معتصم: ههههههه
نزار: ياااي انسيت. الاوراق . انقول في حاجه نسيها . اصبري انجيبهن وانجي
معتصم: مانك امركب لكي ساعه ع بنت
نزار: عدا شور الحوش خش يجيب في الاوراق 
رحاب: ركبت في سياره وقعمزت وفتحت مرايا الي قدامها نزلتها وقعدت اتسقم في ايشاربها وتبحت في روحها
معتصم: صبا ع روشن سياره امتاع نزار وطبس اتكا علي روشن نزار  وحط ايديه ع باب
يبحت في رحاب ومرفع حاجبا       
رحاب: بحتت في معتصم . كنك 
معتصم: شن لبسا هذي وعليش مكياج هذا 
رحاب: قرنت حواجبها. نعم
معتصم: الي سمعتيه
رحاب: وانت من حضرتك
معتصم: برم وجه ع جنب .زكري مازال اتقول انت من
رحاب: شن اتمتم احكي بصوت عالي . بلاش خوف
معتصم: بحت في رحاب . تو انا بنخاف منك انتي يابطه . مانك سكنا انت من انت من كيف تعرفينش انا من
رحاب: لا خويا لا بويا انت مجرد ولد سيدي وبس
معتصم: باهي ولد سيدك مايحقليش انغار عليك وع لبستك
رحاب: انلالا مايحقلكش .بعدين لبستي كنها مستوره وطويله عند الركبه
معتصم: باهي لبز الي في وجهك
رحاب: مش دايره مكياج واجد هي مسكارا و وبس واشويه كحل
معتصم: يعني تبيش اتحوليهن
رحاب: انلالا مش محولتهن
معتصم: عض علي فما . باهي بجوك
ورقالا
وعدا شور سيارتا
ركب فيها ولبس نظاراتا وطلع بسرعه

رحاب: تؤ اووووف . اكيد زعل . مش عارف كنها لبستي عاديه ومكياج مش واجد امديرتا
مش عارفا كنا رايح عصبي هذا

نزار: جاي شور سياره . ركب فيها . وحط الاوراق جنبا . وين عصومي
رحاب: طلع
نزار: نسيت نسألا وين ماشي ع صبح
رحاب: وانت كملتها انسيت
نزار: باهي اسكتي راه كف
رحاب: باهي حل مسجل
نزار: ولع مسجل .  ورن ع معتصم

معتصم: كان يسوق في سياره وحال فيروز
ورقيلا . بحت لقاه موبايلا يرن
فتحا . ها
نزار: عصا علي ظهرك . وين طلعت
معتصم: وانت شن دخل امك
نزار: تي احكي كويس يا . ماتخلينيش انفلم ع الصبح
معتصم: باهي شن تبي يا ص....
نزار: سألتك انت وين ماشي
معتصم: بنعدي شور المكتب وين بنمشي يعني من صبح  
نزار: باهي خلاص معناها انتلاقو غادي انا انحط رحاب ونجي
معتصم: باهي شن انديرلك طبل
نزار: لالا بنديرلي . ياتافه انا نبيك في موضوع
معتصم: باهي تعال ونحكو غادي
نزار: تي وطي ازح الخرا الي امولعها اوكي عرفناك رومانسي .وطيها سمعتكش شن قلت
معتصم: نزاااار اغس..... ونتلقو في مكتب اوكي
وسكر في وجه نزار

نزار: هههههه العيل العصبي هذا .  
رحاب: كنا رقايلا
نزار: مش عارف امفيك . كل مره بجو
رحاب: سكتت. وعرفت ان معتصم رقيالا من لبستها

~~~~~~~~~~~~~~~~~~~

وصل معتصم للشركه امتاعهم وكانت عماره في لبلاد فيها مكاتب
وهيا شركه استيرد وتصدير