الـحب الأعـمـى

الـبـارت 26

{ الحب الأعمي }

الحلقه 26

فيصل: مش عارف حسيتا عادي وجوهم تمام
هيثم: حتي انا زعمك حاول فكرة الطلاق من راسا
فيصل: انظني شالها من بالا لان بنت كويسا وهاديا
هيثم: انا من لما اجوز معش قعمزت امعاه وهدرزت كل مره طالعتلنا قصه وموضوع انشغلت عليه ومعش سألتا ولا دورتا
فيصل: وانا نفس الشي معش حكيت امعاه
خايف نسألا يقعد بيطلق وانا نوعيتي تحملش انتعارك امعاه بعدها
هيثم: لا انتي تحكيلش خليه شوري تو نفهم منا وانشوفا وبعدها تو نطمنك
فيصل: خلاص نعبا عليك معناها
هيثم: تم ان شاء الله
فيصل: باهي انا ماشي مستشفي تبي شي
هيثم: لا مربوحا
فيصل: اوكي

ولع فيصل سيارتا وعدا وهيثم كان مصبي قدام باب حوشهم الي جوا في جنان
طلع موبايلا ورن ع صاحبا محمد

هيثم: الوو يامرحبا كيف حالك
محمد: اهلين ياطير شن امور
هيثم: والله تمام انت كيف حالك الحاجه
محمد: والله قاعده لتوا كويس وبخير اليوم بيرفعوها لغرفه عاديه
وبعد يومين تطلع من مستشفي
هيثم: باهي باهي تمام الحمد الله ع سلامتها
محمد: الله يسلمك وانت شن جوك وكيف حال العايله كلهم
هيثم: ميه ميه بعد اسبوع هكي عرس منذر ولد خويا عقبالك ان شاء الله
محمد: باهي الف مبروك عليه وعقبالك حتي انت
هيثم: ان شاء الله
تبي شي محتاج شي يامحمد
محمد: تي معقوله ياراجل والله ماقصرت امعاي وقعد لتوا فلوسك هما الي نصرف بيهم
هيثم: باهي تمام تنقصك حاجه قولي وماتحشمش رد بالك مش مسامحك تحتاج حاجه وماتقوليش انا خوك وماتفكر في شي
محمد: والله صحيت ماقصرت ونردهولك في فرحك يارب
هيثم: امين خلاص ياطيري توا غير قلت انكلمك نسأل ع جدتك شن صار فيها من بعد العمليه سلملنا ع سيدك خالد وع حاجه واي شي رن عليا
محمد: ماشي يوصل سلامات

وسكر هيثم موبايل وتنهد وبتسم وقعد يفكر في إكرام
وخش جوا الحوش وهو يبتسم

احلام: خيير
هيثم: خيرات
احلام: شن ها الابتسامه هذي كلها ع هل الصبح
هيثم: وكنك تبيني نبكي يعني
احلام: لا ياباتي ان شاء الله ديما مبسوط وتضحك
هيثم: ان شاء الله
احلام: هثوما راه تقعد وراه ضحكتك هذي شي ابنيا عهدي بيك مش متاع وجيج
هيثم: هههههههههه ضحك من جدا لان احلام زرقت ع موضوع
لا مش شور بنت وانا بتاع الكلام ده
احلام: اها نحسابك بس قلت هذا كنا من ع صبح
هيثم: لا ياخطيره انتي فيش منها الدوا الي في بالك
احلام: باهي ان شاء الله

وخش هيثم جوا وطلعت احلام برا للجنان تشرب في قهوتها برا

انا: كملت انا ويوسف الفطور وكملنها انهدرزو ويبصر عليا مره مره ونتعرفو ع بعضنا
لميت لمواعين ويوسف كان مقعمز في صاله وحاط لاب توب امتاعا قداما ويدير عليه
كملت حوست المطبخ
ودرت قهوه ليوسف وجبتاه له