{ الحب الاعمي }
الحلقه 99 الجزء الثالث
معتصم: لبس دبشا بسرعه . وخذا بخاخ لونا ابيض
ونزل من دروج بسرعه
سالمه: بسم الله. كنك ياعصومي
معتصم: التفت علي اما. صباح الورد ياسلوما
سالمه: صباح النور. كنك نازل بسرعه ونايض بدري
معتصم: عندي مية موضوع ياسلوما ومستعجل
ادعيلي انتي بس
سالمه: ربي يفتحها عليك . ان شاء الله
معتصم: ان شاء الله يارب
وطلع معتصم للجنان الوراني وقعد يبخ في كلمة الي كتبها بالبخاخ الاحمر ويخفي فيه بالبخاخ الابيض
كمل معتصم المسح . ابتسم وذكر رحاب رقدت بدون ماتحكي معاه لان كانت منحرجا
رن عليها . مابتش اترد
دز مسج
(صباح النور يابطتي . وين اختفيتي هذا كلا مازلت انسخن انا .. انبصر معاك اكيد فنصتي عيونك وعيطتي عصووومي
المهم نوضي هيا وراك تاكلي حاجه . خلاص مازلك يوم بس
انا توا ماشيا اندير في تحاليل الفاتحه وانتي بيش اتنوضي اديريهن يابطه)
ولع معتصم سياره متاعا يسخن فيها ولع سبسي
وقعد يرجا في سياره تسخن
~~~~~~~~~~~~~~~~~~~~~~~~
صالحه: هيا ياسريوا .نوضي اكيد توا اشويه اخره ويجيك هيثم
ساره: وعيت ياماما . هيا تو نصبي
ونضت ساره قعمزت ع سريرها وبحتت في موبايلها . مالقتش اي مكالمه من هيثم
تنهدت . وصبت خشت الحمام
صالحه: حطت فطور ع طاوله مع طلعت ساره من حمام
ماسكا منشف في يدها
صالحه: كنك . وجهك اصفر
ساره: شي عادي وجهي
صالحه: راك تبقي مريضه
ساره لالا مش مريضه . بس ممكن قلة نوم
صالحه: ماترقديش كويس انتي
ساره: لا مازلت ماتعودت ع مكان بس
صالحه: هي في الاول تبقا واعره هكي بس بعدها تعودي وتاخذي عليه
ساره: وهيا تكر في كرسي وتقعمز عليه. اها . ان شاء الله تو نتعاود
صالحه: اهم شي يكون هيثم معاك كويس وعمتك وعمك وكل شي تو تعودي عليه
ساره: الحق كلهم كويسين الحمد الله
صالحه: الحمد الله . المهم اني تريحت واطمنت عليك انا
ساره: ابتسمت. ربي يخليك ليا انتي هيا مصدر قوتي وانتي الوحيده الي محتاجتها في دنيا هذي ربي يطولي في عمرك
صالحه: ابتسمت. ويخليك ليا .
ساره: جعانه بكل عارفا ياماما
صالحه: كولي سمي بسم الله وكولي
ساره: بسم الله . وقعدت تاكل
صالحه: تنهدت . وحست ان ساره قعدت ترد زي قبل وترد الطبعه الاول .فرحت وتريحت
~~~~~~~~~~~~~~~~~~~~~~~~~~~
يوسف: يتصل بالموبايل . يعني الامور عاديه
ونقدر الفتره هذي مافيش اي خوف . تمام
بارك الله فيك .
وسكر يوسف . ولع سياره وجاني في حوش هلي
نحنا كنا . مقعمزات جنب باتي ونرجو في موسي . عشان يجي
سالم: كيف ماوصيتكم . ردو بالكم من بعضكم
سالمه: تمشي وتجي طيب ان شاء الله
سالم: ان شاء الله. يا أمي . انتي ادعيلي بس
مبروكه: ان شاء الله ربي يفرحنا بيك وبصحتك وتبقا كويس
سالم: ان شاء الله
انا: بعد توصلو ياباتي رنو علينا وطمنونا . وبيش تعطونا رقم متاعكم بيش يوم عمليتك نطمنو عليك
سالم: ان شاء الله حاظر
أنت تقرأ
الـحب الأعـمـى
Romantizmطبعآ هياا روايةة منقولهه مش انا اللي كتبتها بس هيا عجبتني وحبيت انزلها ع الوات باد❤
