الـحب الأعـمـى

الـبـارت 29

{ الحب الأعمي }
  الحلقه 29

وعيت الصبح خشيت للحمام غسلت وجهي وحكيت اسنوني وطلعت
خشيت المطبخ حطيت البراد ع نار
بعدها فتحت الفراندا امتاع الصاله
وشعلت التلفزيون

وخشيت انوعي في يوسف
واول ماخشيت وشفتا كيف راقد
ابتسمت
كان شكلا يهبل
طبست عطيتا بوسا خفيفه ع خدا
وقعمزت ع حاشية السرير
وقعدت نمشي في يدي ع حواجبا

انا: يوسف حبيبي نوض ياعمري نفطرو مع بعضنا
هيا ياكسولي نوض افتح عويناتك لسماح هيا

انا: ادير في طروح تبيش اتنوض داير روحك
هيا ياعمري بلاش حناطه

يوسف: فتح عين وقعد مغمض عين
عليك هرجا ع صبح ديرتيها
انا: ياعيني اصلا العتب عليا نوعي فيك
وصبيت درت روحي زعلت

وقعدت انوتي في فطور ونسيت موضوع يوسف بكل

يوسف: صباحو
انا: مابتش انرد عليه
يوسف: كنا السمح زعلان من صبح
انا: اسئل روحك
يوسف: يانا عليا كلا الي زعلك
انا: التفتت عليه ها شن بتراضيني بوسا ولا حضن ولا شنو
يوسف: جا عند التلاجه وقعد يشرب في اميا
اكيد انتي عارفا هذينا طرق ترضيتي صاح
انا: اها اكيد بس مش راضيا بيهن
يوسف: باهي هذي
ويكب عليا شيشة لميا
انا: واااااو يوسف هيييي حق كيف عبيتي وكانت اميا مصقعا
يوسف: خههههههههه شن رايك اها مش احلا من بوسا
انا: عن شكلك والتفتت ع حوض عبيت كباية اميه وقعدت نجري وراه وكبيتها عليه
يوسف: ااااه بس حقي الصالون عبيتيه اميا
انا: والله والمطبخ الي عبيتا ياشاطر
يوسف: قدها انتي لعبه هذي
انا: لا والله تو تلبز الحوش فكني خلاص وحدا بوحدا
يوسف: باهي خلاص عدي غيري ادبشك
وتعالي نفطرو
انا: باهي
وخشيت للدار وكانت تيشرت اكثر حاجه تعبت اميا
وشوية شعري انبل
سلحت تيشرت
مع خشت يوسف للدار
انا لصقت في باب الدولاب
وغطيت روحي بتشرت

قدم يوسف مني وقعد امقبلني وحط راسا ع راسي

يوسف: مازلتي تحشمي انتي
انا: احم . باهي ممكن تطلع انبدل ياسيد يوسف
يوسف: تؤ تؤ مش ممكن
انا:هيا بلاش سماطه
يوسف: طبس عليا وقعد ينزل ع رقبتي

~~~~~~~~~~~~~

معتصم: انت اوووي
تي زكري هذا راقد ولا ميت ويتعذب قاعد
تي انت ياهمي
نوض منوض ان شاء الله امتاع الموبايليا جاي بيركبها
منذر:  عيط بصوت عالي . صبح صبحححح
معتصم: والله صبح بالي قتلي نحسبها قايلا
منذر: اطلع برا يانعن جد وجهك
ياأمييي يا أمييي
سالمه: كنك اتعيط بسم الله شن في
منذر: تراه طلعيلي الفرخ هذا من قدام وجهي وقيللكم  مليون مره امعش اتخلوه يوعين توعايا مستفز 
سالمه: لاحول ولاقوه الا بالله
شن اندير امعاك انا وانت المكان الي اتخشلا اتخليهم ايتعايطو منك عليش اتوعي فيه هكي
معتصم: وكيف يبيني انوعيه انقولا نوض ياحبي ياحياتي امتاع الموبيليا يبيك يانذوري
هيا ياعويناتي
وقعد معتصم يقلد في صوت بنات ويستفز في منذر
منذر: اوووف عليك صبح شكلا باين من اولا اززح
معنصم: اوكي عرفينك عصبي نوض طاحت عليك حيطا
وطلع معتصم وهو يضحك لان رقها للمنذر
ونزل لوطا
لقا شغاله اتوتي في فطور