الـحب الأعـمـى

الـبـارت 57

{ الحب الأعمي }

الحلقه 57

رحاب: صباح الخيير
معتصم ونزار:صباح النور
رحاب: نزار
نزار: نعم
رحاب: قتلك اتوصلني للجامعه تأخرت ع محاظره انتاعي
نزار: تي كنا باتي موصلكش
انا مش فاضي عندي موضوع مهم
معتصم: علي اساس هالشركه الي وراك شيلها علي طريقك
نزار: تي اتغيب اليوم مش لازم تمشي واقسم بالله موضوع مهم والعيل يرجا فيا اخره اخرتا لان وراه موضوع غير انا قتلا ارجاني
رحاب: بدأت بدمع وبتبكي . بس محاظره مهما نقدرش انغيب عليها
نزار: رحاااب قتلك خلاص فوتيني
معتصم: بشويش يارا كنك صبح راه . تبيني انوصلك هيا
رحاب: بحتت في معتصم .
نزار: اهو خلاص تو يشيلك عدي . بالي طلعت منك حاجه فيها فايده
معتصم: هيا تعالي
رحاب: قعدت تمشي ومطبسا راسها شور سيارة معتصم وقلبها يدق بالقوه ومشاعر خلطات عندها
ركبت في سياره وتنهدت
وكان معتصم يحكي مع نزار

معتصم: خلاص انوصل رحاب ونتلقو بعدين
نزار: كيف ماقتلك العيل راك تمشيلا بروحك
معتصم: تم ياطيري . اوكي
نزار : اوكي

معتصم: وجا معتصم فتح باب السياره وركب فيها
وكانت رحاب مزلطا ومنحرجا لان بالنسبه لها معتصم مش زي قبل الوضع كان يختلف بالنسبه لها

رحاب: تنحنح. احمممم
معتصم: بحت فيها. خزيه بكايا . قبل بتبكي ماه
رحاب: ابتسمت . اصلا محاظره مهما
معتصم: باهي مهما اتجي بتبكي . شكلهن ادموعك مايصدقن
رحاب: باهي خلاص انت التاني
معتصم: خلاص شنو افطني راه نزلك ودوري من يشيلك
رحاب: رقالها. تجملش عليا بالمشيا
تو ننزل. وفتحت رحاب باب السياره وجت بتنزل
كرها معتصم من يدها
معتصم: هااااي تعالي هنا
رحاب: اطلق يدي بننزل
معتصم: كرها بالقوه . عند طاحت في جيهتا . غير تعالي هنا فكيني من طروح كنك
انتي انشفط عليك كنك مش متحملا شي
رحاب: معتصم صبح راه ورقيلي وانت اتحنط مش وقت حناطه
معتصم: باهي سكري باب السياره
رحاب: سكرت باب السياره . وكان معتصم مازال ماسك يدها
معتصم: شن قلت انا مش قلت معش اتقولي معتصم
رحاب: تهز في كراعها وتبحت قدام ومتعصبا
معتصم: هز يدها اوووي نحكي انا
رحاب: بحتت فيه . باهي ممكن اتحرك لاني تأخرت
معتصم: قولي عصومي قبل تو نمشي
رحاب: معتصممم مش وقت حناطه
معتصم: عصوووومي بنسمعها
رحاب: اووووف
معتصم: معش تنفخي
رحاب: باهي ممكن ياسيد عصومي اتحرك
معتصم: ياشنو ماسمعتش
رحاب:  تؤ وتنهدت .عصووومي  خلاص هيا
معتصم: بحت فيها وابتسم . هكي تمام. وسيب يد رحاب
رحاب: لمت ايديها علي بعضهن . وكان قلبها داير هرجا فيها لان فطنت ان يدها كانت في يد معتصم

وخر معتصم السياره وحل مسجل علي اغنيه لفيرووز

رحاب: الله فيروز اتحبها
معتصم: اها غاليه عليا بذات في صبح انحب نسمعها
رحاب: حتي انا انموت فيها ونحب نسمعها
معتصم: صوتها اتحسيه امتاع صبح
رحاب: اها صوتها حنون وهادي وفي شجن
معتصم: الله ياشجن انتي هههه
رحاب: بحتت في معتصم. حناطه انتاعك هذي صبح وليل مستمره ماتوقغش نوعيتها 
معتصم: انتاعك . تي يانا عليا
رحاب: لما معتصم قال يانا عليا . ذابت في كلمه وزلطت
معتصم: اسمها امتاعك مش انتاعك
رحاب: انا انقوللها هكي
معتصم: عارفك حتي امبدري فطنتلك قتي نزار محاظره انتاعي
ضحكت اتقول طفله تحكي
رحاب: شن عرفني انا تعودت انقول انتاعك
معتصم: لا بالميم راهي مش بالنون
رحاب: باهي خلاص وانا اتقول في محاظرة لغة عربيه
معتصم: ههههههه انصلحلك بس بيش ماحد يضحك عليك
رحاب: باهي شكراً ع تصحيح . بس ممكن اتعاليلي اغنيه هذي لاني انحبها
معتصم: بحت في رحاب. حتي انا انحبها . ونطقها بطريقه غريبه وركز علي كلمة انحبها وكأن استقصد يلمح لرحاب حاجه معينه