الـحب الأعـمـى

الـبـارت 31

{ الحب الأعمي }

الحلقه 31

اميره : ماهوش ليا ونبي نطلق
يوسف: توا كيف عرفتي ان ماهوش لك وتبي تطلقي مش هذا الي سيبتيني علشانا وانخطبتيلا  بدون ماحتي اتقوليلي
اميره: يوسف انا وقتها كنت رقيلي منك ومضايقه وافقت عليه بس ماننكرش اني ندمت انا توا ندمنا ولو يرد بيا الزمان لورا كنت مش حنسيبك
بس انا تو مش طالبا غير مساعدتك ليا
يوسف: لانك انانيه عارفا ليش طول عمرك ماتفكريش الا في نفسك وفي الي تبيه فعلشان هكي تحملي نتائج اختياراتك
اميره: ولدموع يجمعن في عيونها. قتلك ندمت ونادما واسفه اني درتلك هكي بس لانك استكردتني وانا نقهرت منك فقالت نقهرك بس قهرت روحي وتو نبي نطلق
يوسف: هز براسا ياخساره ياأميره انا شافق عليك لانك انسانه مش عارف بيش نوصفك اتفكري بطريقة غريبه مافهمتهش لعند توا كيف اتفكري
اميره: تبكي وتمسح في دموعها
يوسف: صعبت عليه ورقالا ان هو قاعد زي الي يذل فيها

يوسف: خلاص اسكتي ومعش تبكي
تنهد اووووف استغفر الله
باهي تو شن مطلوب مني انا

اميره: رفعت عيونها في يوسف
نبيك اتساعدني انا طلبت منا طلاق وهو رفض وقالي مش مطالقك وتعاركت امعاه وانت عارف بابا لو نقولها له مش حيعدل ويردني له وانت عارف بابا بعد يقول كلمه مستحيل حد يردا فيها بالذات ان بات علاء يكون صاحبا واااجد
علشان هكي مالقيتش حل قدامي غيرك انت عارف مازال في قلبك مكان ليا ومش حتخذلني

يوسف: رفع حاجبا . نعم مازال شنو
عارفا يا أميره حبيتك صاح بس ع حبي لكي كرهتك وفوق من هذا الي جوا عرفتيها الي هيا ع ذمتي توا
احقي فيهن هذينا . وشير ع اعيونا .
حقيتيهن صاح تي عارفا مش ملتهن ليا عبتهن ليا تعباي خلتني مانشوفش غيرها هيا ونستني انتي ومن اتكوني انتي بالنسبه ليا عارفت ليش لانها تحب بالقلب مش كلام وخلاص
وبنقولك حاجه انا حنساعدك لانك اميره بنت عمتي وبس مش اي حاجه اخره ولانك بنت وضعيفه ومافيش حد يصبيلك وباتك عارف نوعيتا كيف وجوا  ولانك صبيتي عليا واحتجتيني وانتي عارفا نحبش نرد حد محتاجني
  فاعرفتي عليش انا بنساعدك علشان هكي مش علشان حاجه ثانيه وحطي في بالك بعد انطلقك منا معش في شي يربطني بيك
وحياه مانبدلهش بحد حتي لو كان بحبي القديم تمام

اميره: زمطقت ريقها وخنقتها العبره من كلام يوسف الي كان جارح لها والي شافت ان صعب عليها اتردا كيف ماكان وشافت ان هو بدأ ينساها وحياه تأثر عليه وتحببا فيها

اميره: تمام وانا مش ع حاجه اعترفتلك اني ندمت واني ضيعتك من ايديا ومش اني بنأخذك من حياه ونتمنالك سعاده امعاه وانا جيتك لان نعتبر فيك ولد سيدي وحتسعدني
بس ولو انت شايف انديرلك مشاكل عادي تو ندبر وندير حل لروحي
يوسف: تمام معناها متفقين وبالنسبه مشاكل مش حيصيراً مشاكل لاشي دبينا انا وانتي متفقين
اميره: ابتسمت . شكراً يايوسف
يوسف: لاعادي . وجا يوسف بيعدي 
اميره: يوسف
يوسف: نعم
اميره: باهي ممكن تخلي موضوع بينا وماحد من العايله يعرفا لعند نطلق
يوسف: سكت اشويه . باهي
اميره: ابتسمت
وعدا يوسف واميره اتبحت فيه كيف بدأ يتغير
ومعش يهتم ولايعدل عليها كيف ماكان قبل