الـحب الأعـمـى

الـبـارت 27

{ الحب الأعمي }

الحلقه 27

هدي: هييييييي 😳
انا: كنك
هدي : شن هذا
فاطمه: حي حي
انا: كنكن
هدي: ايهبل التاتو الي في رقبتك
انا: حطيت يدي ع رقبتي وعرفت قصدهن شنو
احم  باهي شن جو ايمن
هدي: يانا عليا بتغير الموضوع بعد ياحنه تزلطي عليش جيتينا هكي هههههه
فاطمه: خهههههه اس ياهويدا تحرجيهش عدا
انا: ننقنكن الا تافهات وانا الي غبيا الي سيبت امي ومبروكه وجيت انهدرز امعاكن
هدي: غير تعالي احكيلنا شن صار وشن جو يوسف معاك شكلا العطيب رومانسي بكل
انا: رفعت حاجبي . مش قيلتلكن وانقهري انتي بذات هذينا اسرار زوجيه وخاصه
وطلعت وسيبتهن
هدي: خزيه حيوانه قبل نبي انجبدها
فاطمه: ههههه بس شكلا وين عمك يوسف واخذ وضعا
هدي: مش غير يانا عليا امتا حتي انا نزوج ونقعد مع ايمن مليت من مص الليم 
فاطمه:خلاص هانت كم شهر وتزوجي وانتي مستعجلا ع هل زيجا تو بعدين تندمي وتقولي ياريتني قعدت انمص الليم ولا زوجت شن تحسابي زواج كلا دفنقي راه مسؤليه
هدي: المهم بعد المسؤليه في حاجه اتبرد عليك اشويه
تراه ونبي ماسكتي وفكيتيني من فلسفه امتاعك ع اساس انتي ماتبيهش الزيجا فكيني من لطروح
فاطمه: باهي مش وقت عرايك تو سقدي كملي لسلاطه بسرعه

~~~~~~~~~~~~~~

اميره: اوووف حسني مخنوقا بكل
هناء: كنك
اميره: مش عارف بس مضايقه حياتي متلخبطا ومش فاهما شي فيها
هناء: والله ياميرو حياتك عاديه بس انتي الي خششتي قصة يوسف تو هذي لخبطتلك حياتك المفروض خلاص تنسيه بعد انك فتيه من الاول شن خطرا عليك توا
اميره: مش عارفا بس انقهرت بعد سمعتا بيزوج وانقهرت اكثر بعد شفت مراتا شفت هو شن الي جابها بعدي وكيف حيعيشها ويديرلها
هذي قهرتني واااجد وطيرتني
يعني معقوله يحبها زعمك يحبها مستحيل يوسف مايحبنيش الا انا صاح
هناء: مش عارف بس الي قاعد امعاه اكيد يحبها
اميره: اوووف تو هذي شن انديرلها لازم انخلي يوسف يكرها
قهرتني كيف لما جيت انسلم عليه مابش حتي يبحت فيا وكأني مش موجودا هذي وجعتني اكثر يعني بدأ يهمل فيا قبل كان يبحت وفي عيونا شوق ليا تو فيش
هالحقيره هذي غيراتا بس والله العظيم انردا ليا انردا ليا وقولي اميره ماقلتها
ولو حتي اضطريت نقتل روحي
هناء: طح سعدك عرفتك مجنونه واديريها افطني يا اميره لروحك شن الجنون الي انتي فيه هذا
مش للدرجه هذي فوتيها واشقي بحياتك مالك ومالهم حريقا تحرقا وتحرقها
اميره: لالا مش انا اميره الي يسلم عليا بدون مايبحت فيا ويحرجني
كيف مااحرجني نقلب حياتا وتو اتشوفي انتي شن حندير بس استني عليا وحنعرف كيف نلعبها لهما بدون مايحسو بيا

~~~~~~~~~~~~~~~~

اجديده: ها يافطوما طاب العشاء
فاطمه: اها خلاص يا امي وتينا كل شي غير ايجو باتي ولعيال ويوسف وتو انحطو

وماكملتش فاطمه كلمتها الا وباتي خاش وفي جرتا موسي

باتي: حياه عندنا يامرحبا يامرحبا
انا: صبيت لباتي وسلمت عليه بالخد وحبيت ع يدا وراسا
وسلمت ع موسي بالخد 
انا: كيف حالك  ياباتي شن داير وكيف حال صحتك
باتي: الحمد الله يابنيتي انتي شن حالك ويوسف كيف حالا وين ماجش معاك
انا: لا جا بس طاق مشوار هنا قريب وجاي
موسي: تو انرن عليه انشوفا