الـحب الأعـمـى

الـبـارت 84

{ الحب الأعمي }

الحلقه 84

ممرضه: معليش لو سمحت
هيثم: نعم
ممرضه: مريضه ناضت .لو بتشوفها تقدر اتخش عليها
هيثم: تمام. صبا وقعد يمشي جيهة الدار شور ساره
فتح باب وجت عينا في عين ساره
ساره: اول ماشفت هيثم .قلبها قعد يدق بالقووه وحست دموعها بينزلاً بس تمنع فيهن .
هيثم: هو مصبي عند باب بصوت هادي.ممكن نخش
ساره: وهيا تقعمز ع سرير. تفضل
هيثم: خش وسيب الباب مردود اشويه . وقدم عند ساره وقعمز جنبها ع كرسي
ساره: كانت ماسكا اطراف فوطه بالقووه بين ايديها .وتبحت لوطا وساكتا
هيثم: يبحت في ساره . وفطن كيف مسكا فوطه بالقوه
تنهد.بصوت هادي. شن تحسي توا كويسا
ساره: ساكتا وتبحت لوطا.وفي عقلها عرم كلام .
هيثم: تنهد. وماعرفش شن يحكي .
ساره: بصوت واطي ودوبا يطلع . ماما وين
هيثم: روحت لحوش .عشان اتريح لان من صبح وهيا مصبيا
بس تو نكلمها لكي لو تبيها.انا وعدتها اني نكلمها بعد تنوضي
ساره: ساعه كم هيا توا
هيثم: قريب 1 ومعاها.
ساره: عيونها دمعاً . مر الوقت هذا كلا وانا مانندريش علي شي
هيثم: وجعا كلام ساره . نكلملك امك
ساره: هزت براسها بمعنا لا. خليها تريح ليل توا
هيثم: تمام.
ساره: ساكتا
هيثم: تنحنح.احمم .ساره انا عارف ان
ساره: قطعت كلام هيثم. انت مش عارف شي ياهيثم
وبحت . بحت فيا كويس شوف انا كيف
بحت يدي شوف كيف انتحرت . ودموعها قعداً ينزلن
وضغطت ع سنونها وبعصبيه . وبحت تخبيش شووف من انا اها قولي انا من قدامك اتشوف فيا
.انا مش ساره انا كنت ساره بس توا قعدت وحده اخره 
هيثم: كان يبحت في حركات ساره وردة فعلها. وساكت
ساره: ونقولك ع حاجه . طلقني وسيبني واطلع برا
لان انا معش نصلح بيك واهو ع اقل تكون تريحت من حمل الي كنت بتشيلا
هيثم: يبحت في ساره وساكت ومش معدل ع كلامها
ساره: سكتت وقعدت تنفس بالقووه. واستغربت هيثم الي مادرش اي ردة فعل
هيثم: احكي ماتسكتيش 
ساره: بحتت في هيثم بتفنيصاً بعصبيه.  انت شن انت كنك هكي
ليش بارد وماتحسش سمعت شن قتلك
طلقنييييي  واطلع من حياتي معش نبيك افهمها
هيثم: صبا فجأه.
ساره: نطت وخافت تحساب هيثم بيضربها.
هيثم: صبا من كرسي. ومشا شور جيهة الباب .وسكرا بالمفتاح
ساره: فنصت اعيونها. شن ادير انت .كنك سكرت باب
هيثم: بعصبيه وشير ع عيونا  .بحتي فيا
باب هذا مش حينفتح الا لما انكمل كلامي معاك
ومهما حاولتي اتعيطي ويجي دكتور انا باب مش فاتحا

وفكرت اني انطلقك طلعيها من بالك
وقدم هيثم شور ساره
وخر الكرسي وقعمز عليه
وتوا احكيلي شن صارلك وشن خلاك تنتحري

ساره: نزلاً دموعها ع خدها . وبصوت هادي . وفيه نوع من تجداي للهيثم.
وراس اغلا شي في حياتك روح ياهيثم
روح وطلقني تستاهل احسن مني اساساً انت من اول تبينيش
وتوا قعد عندك سبب انك اتسيبني فيه
امشي ارجووك
هيثم: شن السبب قوليلي شن احكي 
ساره: انهرت بكاء. وبصوت عالي ودموع ينزلاً بسرعه ع خدودها . قتلك ماعش نصلح بيك افهم .وعدي وخليني في حالي الله يخليك
هيثم: كان يحاول يبي ساره تعترف بروحها. ليش باهي عطيني سبب يخليني انسيبك فيه 
ساره: زمطت ريقها . وتحاول تعطي لهيثم سبب يسيبها فيه غير الي عرفتا لان صعب عليها اتقولا
هيثم: احكي ليش سكتي
ساره: لاني طمعا فيك ونبي فلوسك وحتي اني خذيت من باتك خمسا الف ويومتها جا ولد خوك جابلي فلوس ودزيت عمران خذا منك فلوس
هيثم: كان يسمع في ساره  ويبحت فيها ببرود .وعرف انها تهرب من الاجابه . 
ساره: هذا سبب كيف بتقعد مع وحده طامعا فيك وتضحك عليك
هيثم: وكيف وحده طامعا فيا تعترف بيها
ساره: هكي لان ضميري أنبني .انت اتعامل فيا كويس وجدي علي وانا نستغل فيكم
هيثم: يبحت ببرود.عادي راضي بيك .عطيني سبب اقوا يخليني انسيبك فيه 
ساره: بحتت في هيثم بعصبيه. انت ليش ماتفهمش انقولك طامعا فيك مانحبكش مانبيكش ياسيدي نكرهك
سيبني
هيثم: يحكي أبرود.عادي مش شرط اتحبيني. نبي سبب يقنعني انسيبك غير الاسباب هذينا 
ساره: وهيا بتيأس من تصميم هيثم ع سؤالا. لاني مجنونه
كيف بتعيش مع وحده مجنونه . تنتحر ودير في روحها هكي
هيثم: عادي انعالجك وتقعدي عاقلا
ساره: تنهدت وسكتت.
هيثم: شفتي فيش سبب يخليني نطلقك
ساره: لا في
هيثم: مافيش
ساره: بحتت في هيثم. وعيونها غرقات في دموع .
هيثم: بحت في ساره .وشاف دموعها. وجعتا . كنك احكيلي انا راجلك راه
ساره: بحتت في يدها. وكرت متاع تغذية بالقووه  عند يدها قعدت دم .وجت بتصبي من السرير
هيثم: صبا وتفجأ. وجا عند سرير . قرب من ساره و مسك يدها وبتفنيصا وهو يبحت في عيونها. مجنونه انتي شن اديري
ساره: شفت انت قلتها مجنونه يبقا معش نصلحلك
اطلق يدي
هيثم: بعصبيه. قعمز ساره بالقووه ع سرير .
ومسك يدها بالقوووه عند وجعتها
ساره: وهيا خايفا من هيثم . حاول ماتلمسنيش
هيثم: ليش مش مراتي يحقلي نلمسك
ساره: تبكي. ونفسها يعلا . لا حاول انا ساره ساره
انا مش نظيفه ماتلمسنيش
وقعدت تبعد في هيثم ودف فيه بيدها .
وتلمس بيدها في رقبتها وشعرها وكأنها اتنظف في روحها
هيثم: يبحت في حالة ساره . طلق يدها و تباعد وهو يوخر    
ومشا ايديه الاثنين ع شعرا عند وصل لنهاية ارقبتا
ويبحت في ساره بعصبيه ومتنرفز
وضغط ع اسنونا. ليش بس ليش .وحول ايديه من ورأ رقبتا بالقووه
وبعصبيه دف كرسي بكراعا عند طاح
ساره: نطت وخافت من حركات هيثم . الي شفتا متعصب
هيثم: يتنفس بالقووه. ويبحت في ساره. قرب منها بسرعه
ومسكها من كتوفها وكان وجها مقابل وجه ساره وقريب منها
ساره: خايفا .من مسكة هيثم لها
هيثم: يبحت في عيون ساره وملامحها من قريب .
بحتي فيا كويس 
انا هيثم . والي وصلك للحاله هذي حندمرا لكي
وحنخذلك حقك .نبيك بس تقوليلي عليه من هو
احكي
ساره: اتهز براسها بمعنا لا .
هيثم: هز ساره من كتوفها بالقووه . سااااره
بحتي فيا هنا . انا عارف كل شي
نبيك بس تحكيلي كيف
ساره: انهرت بكاء .وقدرتش تمسك روحها .وقعدت تشهق من كثر لبكاء
هيثم: رخا ايديه من كتف ساره. والله نأخذلك حقك
ساره: قعدت تبكي ومنهرا وتشهق بالعبره كأن هذا وين فطنت لروحها وردت لروحها
هيثم: خلاص اشششش. وقرب من ساره اكثر
وحاول يحضنها .بس خاف من ردة فعل ساره
ساره: لما قرب هيثم راسها من صدرا. مسكت السوريه متاعا بأيديها
وحضنتا وقعدت تبكي في حضنا بعبرتها
هيثم: تريح لما ساره حضنتا .حس بأنها توثق فيه
وخلاها في حضنا . وكان يقدم في يدا ويحطها ورأ ظهرها و يتردد ويباعد فيها