الـحب الأعـمـى

الـبـارت 46

{ الحب الأعمي }

الحلقه 46

فيصل: شنووو
اروي: قتلك امتا مروح مازال مطول
فيصل: مانسمعش فيك الووو الووو اروي
اروي: قتلك امتا امروح
فيصل: تي تعالي في تغطيه كنك في حاجه صارت
اروي: لا مافي شي نسأل عليك تسمع فيا
فيصل: طوووط طوووط طوووط

هيثم: كنا
اروي: مش عارفه شكلا يسمعش فيا
ها انرن عليه 
قعد خارج تغطيه شكلا عندش تغطيه
هيثم: شبكه تعبانه الايام هذي
معتصم: كنها دايرا حملا ع كوجينا
رحاب ورحمه: هههههههههه
هيثم: اوووو حناطه روحت تو بنكملوها نضحكو
معتصم: اعترف اني دايرلكم جو كلهم قالولي بالي روحت غير انت نوعيتك حقدي بس
هيثم: ههههههه وهز براسا . لاحول ولاقوة الا بالله
سفيان: تي نزار جا خش للسرير دغري حتي سلام علينا كويس ماسلم
معتصم: خزيه كذاب ع اساس قال مش راقد
سفيان: والله يطخ فيها قاعد
معتصم: وانت بالي طلعت تنفست اشويه من قرايا قعدت زي سجناء بوسليم ازح
سفيان: تي يارا ماتغمهش عليا متمزط ونادم علي خشتي للطب
معتصم: ماهو تستهلها داير روحك دنجر وتحسابها هيا الدوا
ضاع عمرك في لقرايا مثقل دمك يارا
سفيان: والله جديات انحس في روحي ثقيل ههههه
معتصم: بالي حسيت يعني معترف بيها
سفيان: ننقني معترف
معتصم: تي اطلع يارا وفوت واستمتع بحياتك راه العمر يكمل كلا قرايا اعييه راه نهيتها حفره ورديم هيجي ماحد ضامن امتا يموت
سفيان: حسني بديت نقتنع ماتزرش عليا
معتصم: وتيلي روحك بكره نطلع انا وياك
سفيان: وين
معتصم: مكان وخلاص المهم وتي روحك بس
سفيان: خلاص تو تلقاني مزروعلك عند الباب

انا ويوسف: سلام عليكم
كلهم:وعليكم السلام
انا: خيرات يابنات شن جوكن
رحاب ورحمه: تمام شن جوك انتي
انا: حمد الله . شن جوك يا أروي وانتي يا أحلام
اروي واحلام: الحمد الله شن جوك انتي
انا:ميه ميه
سفيان: باهي كيف انا فيش حد يسأل عليا
انا: هههههه شن جوك عدا ديما تقرأ ومش معانا نسينك
معتصم: شفت شفت لقرايا كيف شوهت  سمعتك قتلك فوتها يا أخي لم تستمع لي
سفيان: هز برأسا بضحكا  . بكل يارا معيلت بيا
يوسف: ههههه بالي شفنا وجهك قبل انسينا ملامحك
معتصم: خبط ايديه ع بعضهن لاحول ولاقوة الا بالله حقيت لازم اديرلك حل
سفيان: لا مافيهش هيا نطلعو توا اخره
معتصم: هههههه لاغير اهدأ وقول هديت بس
وانت مسرع ماسخنت
يوسف: مش كويس راه قرايا وااجد اتأثر ع لدماغ
احلام: طح سعدكم بدل ماتنصحو اتظلو فيه
فكك منهم الاثنين هذوما افشل اثنين في العايله
وكملوها ايام قرايتهم كلها نوم وغياب  وطياح في الحوش
انا: بحتت في يوسف وضحكت
صار اتغيب كنت
يوسف: هههههه والله الحق . نشهد بالله كنت ديما تحت بطنيه
احلام: تي كان يدير في دراما بيش يغيب ومايمشيش الي اتحقي فيه هذا
انا: مشاء الله شيطان من هو وصغير
معتصم: كنك ياحلوما حسيتك تحكي وانتي منقهرا وكبدك دم علينا
يوسف: خهههههه جديات والله حتي انا حسيتها هكي
احلام: اصلكم قهرتوني معتصم من بدري وماسك الراجل ويزرزر فيه ويقولا اطلع وسيب لقرايا وجيت انت كملت عليه
يوسف: ههههه معتصم شورا نصائح لطياح والكساد ماحد يغلبا
انا: هههههههه
احلام: قعمزو كنكم مصبيين
يوسف: لا وين خلينا انعدو وتو انجو
اخلام: وين ماشيين
يوسف: طاق هنا بحياه شور مستشفي اتغير ع كراعها  وجاي
احلام: كنها . كنك شن في
يوسف: مافي شي كرعها بس علي سمسيما  الي خشت فيها
احلام: هييييي اين سمسيما هذا وين سمعتها
يوسف: ياااي صاح تاريتك انتي مش سمعتيها
المهم تو خلينا انعدو وتو اروي تحكيلك قصتها عارفا الموضوع