الـحب الأعـمـى

الـبـارت 96

{ الحب الاعمي }

الحلقه 96

رحاب :مطبسا راسها. وجت بترفع راسها تنفجع من الي لقتا قدامها وماتوقعتش
هييييي
اميره: تضحك سبرايس
رحاب: كيف جيتي .مش مصدقه. وتسلم علي اميره
اميره: جيت اليوم واول ماوصلت جيت هنا .تبي خالو يزوج ومانحضرش ساد عرس خويله احلام الي فوتا عليا 
رحاب: حمد الله علي سلامتك.بس امس .هناء ماقالتش قالتلنا الفتره هذي
اميره: ماهو قتالها ماتحكيش
رحاب: اها تمام . شن دايره وين امريكا مغيرتك
اميره: سمحا ولا شينه
رحاب: لا متسمحا والله
اميره: تسلمي. وين جماعه
رحاب: كلهم في حوش جدي
اميره: ماهو قاعده غادي وسلمت عليهم وامك قالتلي انك في حوش جيت نفجأ فيك .بس نسأل علي اروي وهند وحياه وينهن
رحاب: ياحنه كنات اعميمه سالمه كلهن مش فاضيات
اروي جايبه وتعاني في ولدها وهند في بنتها وحياه ياحنه في الحمل متاعها
اميره: بصدمه. حياه حامل
رحاب: بأبتسامه. اها حامل.غريبه ماقالتهش لكي هناء ولا عمتي حليمه 
اميره: وملامح وجها تغيراً وحست بغيره. لا ماقالوهش ليا والله
رحاب: اكيد مفجأه ديرينها معناها
اميره: بأبتسامه بهتا. ممكن .وزمطت ريقها
رحاب:  باهي وانتي شن صار معاك حامل
اميره: تنهدت وملامح وجها تغيراً . لالا
رحاب: تو ان شاء الله تحملي قريب
اميره: خلاص بنطلق
رحاب: انصدمت.شنووو
اميره: الي سمعتيه بنطلق انا وعلاء
رحاب: وعليش كنكم مش كاين جوكم تمام
اميره: تبي الحق من يومنا جونا مش تمام غير انا الي كنت اندف فيها دف .بس بعد الي صار خلاص حاولنا وعلاجنا . قالي معش نقدر نبي عيال. وطلبت طلاق وهو وافق وهذا عليش روحت
رحاب: باهي ماتزعليش روحك .يجيك الي احسن منا
اميره: ندما علي كل يوم عشتا امعاه انا عارفا الي صارلي عشم من من
رحاب: سكتت وعرفتا الكلام الي تعزق فيه اميره .تقصد بيه يوسف .
اميره: صار حياه حامل
رحاب: في عقلها .نقي عدا عليك قصه انتي واختك . اها حامل
اميره: باهي . شن الي شيلتيه
رحاب: اها لا القفطان متاعي .كنت نوري فيه الحياه
اميره: اها باهي وريه ليا
رحاب: باهي تعالي نخشو جوا قبل .

وخشن رحاب واميره ورتها القفطان . وقعدت سكنا لرحاب وتقصقص فيها ورحاب متمزطا منها لان عرفتها عندها الغيرا والمكر

~~~~~~~~~~~~~~~~~~~~~~~~~

مر باقي اليوم مافيش اي احداث غير ان ركبو المسرح ودارو الطاولات والكراسي
ونفس جو صالات الافراح نقالنه في جنان
وكان كل شي مرتب وحلو
وجت الفرقه والمعازيم بدو بالشويه اشويه يجو ويتعباً الطاولات

انا: تعالي اركبيلي فوق انتي وبنات
هدي: باهي

وركبت هدي هيا وهاجر وفاطمه ركبلي في شقتي

انا: عديت نفتح في باب
ياهلا ياهلا وسلمت عليهن وخششتهن
فاطمه: يانا عليا عليك تعب كلا الحمل هذا
انا: بكل والله عدا انتي خلاص مشيتي كم شهر كويس مازللك ثلاث شهور
مش انا الي مزلت وقاعده في شهر الثاني مازلت
هاجر: ربي يعينكن وتجيبن علي خير وسلامه
انا وفاطمه: اميين
هدي: حبه وانا مافيش ان شاء الله عقبالك ياهويدا ولا اي حاجه
انا: هههههه عطك الخير ان شاء الله ياحنه تجوزي ونفتكو منك وتحملي وتجيبي
هدي: اصلاً عندي لكي اخبار حلوات
انا: شنو
هدي: حددت عرسي
انا: والله
هدي: والله
انا: امتا
هدي: بين العيدين
انا: يانا عليا واخيراً مبروووك ياحنه
هدي: الله يبارك فيك
فاطمه: بالي حددتا .عند نشف ريقنا بنفتكو منها قريب
هاجر: بعدك خلاص رمضان ان شاء الله وانتن طيبات مازال عليه شهر
انا: اها ان شاء الله يخش علينا بالخير والصحه والسلامه يارب
البنات: اميين يارب
انا: باهي باتي شن صار في عمليتا
هدي: خلاص ياحنه الاسبوع الجاي مسافر .لم فلوس للأوتيل بيقعدو فيه ومصاريف متاعهم وماشي
انا: هو ومن
هدي: ومن غير موسي ياحنه
انا: ومراتا بيشيلها
هدي: لالا بيحطها عند هلا
انا: باهي احسن تفتكي منا فترة الي اتوتي في دبشك
هدي: حتي انا قلتها ع اقل عيسي ارحم منا بشويه
فاطمه: هما  الاثنين مافي الخرا خيرا بس ع اقل عيسي اهون
هاجر: ايوا صدقتي كيف بعضهم
انا: مش مشكله ع اقل قدام الناس عندنا خوت وعزوا حتي لو طبعهم ومعاملتهم صعبه
واهو كل وحده فينا ازوجت وربي عوضها برجالها 
ونسينا خوتنا ومعنتنا معاهم
بنات: ايو الله صدقتي
هدي: راه مش ناسيا الي قتيلي عليه يومتها السبب الي خلاكي تردي في قرارك .عرفتيه .وغمزتلي
انا: باهي تو مش وقتا ياحيوانه
هدي: انذكر فيك مش متجوزه عند ماتقوليه ليا
انا: خلاص
فاطمه: شنو
هاجر: خزيه قولن ونحنا زي الاطرش في زفه مخليتنا
انا: فكني منها هذي.قوللي انحطلكن شنو تشربنا
بنات: نشربو شنو هيا البسي عبيتك وخلينا ننزلو
انا: لا ياحناتي انزلاً وحدكن انا ماننزلش الا لما يجي ينزلني يوسف
هدي: خبر شنو هذا
فاطمه: نسمعو ونسلمو
انا: خزيه والله نحكيلكن بجد
هدي: تي هذي انا عارفا دينها. هابا عليها بيش عدا يزرها ويديرلها كم وسام ع رقبتها الصايعا
انا:ههههه والله عقلك فاضي باهي .ياحناتي يوسف خايف عليا ننزل من دروج عشان الحمل فينزل فيا هو
هدي: يانا عليا وخلاص
فاطمه: اسملا عليا نركب وننزل مايعدل بكل
هاجر: ياهكي رجالا يابلاش
انا: خزيه نقن عليا ايوا
بنات: لا قل اعوذ برب الفلق ربي يسعدكم ويهنيكم
انا: ان شاء الله اجمعين
هدي: باهي خلاص ننزلو نحنا كان ماهضا وانتي لحقي علينا
فاطمه: اها اصلا ركبنا نحسبوك بتنزلي معانا وقعدتنا سامطه وهو العرس لوطا
انا: خلاص تو نلحقكن نرن ع يوسف
هاجر: تمام هيا يابنات
انا: في معازيم واجد جو
هاجر: لالا تقريباً العايله متاعكم مانعرفش بس حسيت انهم مش برانيه لان يخشو للحوش ومصبيات
هدي: اها نحنا المعازيم الاولين وفي طاولتين بس شكلا جرانكم
انا: باهي تمام . منظري سمح
هدي: يجننن بكل
فاطمه: يهبل.
هاجر: حلو بكل غير خذتنا الدوا معش حكينالك عليه طالعا الله اكبر
انا: باهي
بنات: خلاص نتلاقو لوطا هيا باي
انا: اوكي