الـحب الأعـمـى

الـبـارت 90

{ الحب الاعمي }

الحلقه 90

هدي: فنصت عيونها. حياااااه
اجديده : حطت يدها علي قلبها .يانا عليا
هدي: جت عندي .وقعدت تخبط فيا علي اخدودي . حيااه الله يربحك نوضي
اجديده : لقت كباية اميا ع كوميديني . مدتها لهدي
هدي: بخت اميه ع وجهي
انا: فتحت عيوني . وكنت نشرف في هدي مغبشا ونحس في دنيا تبرم
هدي: حياه كنك بسم الله
اجديده : جت ومسكت يدي . بسم الله قل اعوذ برب الفلق . اكييد اعوينا اول امس في العرس
انا: رفعت روحي وقعمزت . وحطيت ايديا ع راسي . لالا ليا كم يوم انحس بيها الدوخا هذي
هدي: بالك حامل
انا: بحتت في هدي . لالا مستحيل
هدي: بتكشيخا وعليش مستحيل
انا: متأكده اني مش حامل .تو بتعرفي اكثر مني
اجديده : وعليش ياأمي متأكده بالك حامل صاح دبينا اتجيك الدوخا لها كم يوم
انا: تنهدت .يا أمي الله يربحك ماتعلقيش في كلام هدي لاني حامل لاشي صدقيني انا عارفا روحي
اجديده: باهي يا حنه بعد متأكده خلاص معناها عندك سكر ولاضغط نزلات الي اتصيرلك هل الدوخا
انا: ممكن اها
هدي: لاسكر لاضغط اكييد من زعل بس
انا: فنصت في هدي علي اجديده. متاع اسكتي
هدي: عليش اتفنصي فيا اجديده مش برانيه لازم تعرف بعد انك وخذا قرارك
انا: هدي
اجديده : شن نعرف احكي ياحياه وشن قرار الي وخذتيه
انا: شي يا اأمي انتي عرفتيها هذي ديما غالي عليها الكلام  الزايد
هدي: لا مش كلام زايد. حياه يا أمي تبي تطلق
اجديده: شنووو
أنا: الحق عليا الي حكيتلك اصلاً
اجديده: وعليش تبي تطلقي كنك يوسف دارلك شي
. انا عرفتها من اول ماخشيتي بشنطتك واخره كبيره عرفتا في شي .
انا: تنهدت. يا أمي انا تعبت وماتسألونيش ع سبب لاني مش حنحكي بس انا خلاص معش نقدر انتحمل بنعيش متريحا
اجديده: والله يابنيتي كان عليا نبيكن كلكن تكونن متريحات بس انتي عليش بتطلقي مش يوسف كويس معاك ويعامل فيك كويس وهلا كويسين معاك عليش بتطلقي كان سبب عادي مرات تبقا غير زعلا في وقتها بس
وبعدها تو ينحلن الامور وترضو وتردو لبعضكم
انا: لا يا اجديده مش زعلا ساهلا بالنسبه ليا خلاص فكرت كويس
هدي: غير توا بس وخذتك الحمقا منا ورقيلك منا تو بعدين تندمي عليه قرارك هذا
انا: مش حنندم انا متأكده . وراضيا نطلق ونعيش في ظلم خوتي ولا نرد مره اخره ليوسف
اجديده: تنهدت .شكلا حاجه كبيره الي مخليتك تسكري راسك
هدي: عليش شفتيه خانك مع وحده
انا: لا
هدي: باهي ضربك سبك
انا: لا
هدي: باهي ها شن الي يخليك تحرجي يعني كان السببين هذينا مافيش واحد منهن دارهن معناها شي تافه
انا: صاح معاك الحق حاجه تافها وانا بنطلق عليها
انا مش متريحا مع نبيه خلاص
اجديده: والله ماعندي مانقولك غير ربي يهدي سرك ويصلح حالك . توا انتي فكري بس وبعدين ساهل كان جا يوسف وحكا مع باتك ولعيال وقتها قوليلهم انتي شن تبي
انا: ان شاء الله
هدي: رقالها. خلاص تو تريحتي هكي
انا: انتي كنك ادافعي عليه
هدي: ماندفعش ع حد بس انتي تبيش تعطي سب واضح بيش نعرفو من غلطان ونحكمو الحق معاك ولا معاه
انا: مصيرك تعرفي كل شي في وقتا
اجديده: خلاص ياهويدا ماتكثريش عليها. خليها تويح توا وتفكر علي مهلها وبعدين ساهل
انا: اها خلوني نكمل باقي صلاتي ونرقدلي اشويه
انحس في راسي يوجع فيا من الخبطه
اجديده: باهي ياحنه تريحي . وهيا يا هدي نطلعو
هدي: هيا