الـحب الأعـمـى

الـبـارت 78

{ الحب الأعمي }

الحلقه 78

واول مافتحت باب جت عيني في عينها وانصدمت
وزمطت ريقي
انا: أأميره اهلين
اميره: بأبتسامه بسيطه .أهلاً
انا: قعدت نذكر في اخر مره جتني فيها شن صار . وقعدت نرجا فيها اتهزب ولا تحكي اي كلمه زي سم كيف عادتها
اميره: في حد عندك ولا لا
انا: اها سمحيني تفضلي خشي
اميره: شكراً . وخشت
انا: قعدت نمشي وراها .وخايفه ونفكر عليش جايا .وكان يشوفها يوسف هنا شن ايدير
اميره: قعمزت . وحطت ايديها ع بعضهن .وكانت مرتبكه
انا: كيف حالك والحمد الله ع سلامتك . سمحيني كنت بنجي بس كنت مريضه وقتها و
اميره:قطعت كلامي . يوسف مخلكش اتجي وانتي من حقك مااتجيش
انا: انحرجت . لا والله مش هكي يعلم الله كنت بنجيك لكن صارلي ظرف وعرس اختي لهيت فيهن
اميره: بحتت فيا بنظره تختلف ع نظرتها من قبل . كانت نظرت وحده مكسوره ويأسا
حياه
انا: نعم
اميره: انا جايتك اليوم نبيك اتسامحيني غلطت فيك واااجد من لما جيت هنا اذيتك مع انك مادرتيلي شي
بس كان الحقد والغيره عميات ع قلبي
لدرجة اني اهملت روحي وزوجي وحوشي وشقيت بأني انخرب حوشك ومانشوفكش سعيده مع يوسف
الي ماكنش في اي سبب  يخليني اني نخرب عليكم حياتكم
حتي ان يوسف عمرا ما أذاني ولا جرحني وانا هيا الي كنت ديما نأذي فيه ونجرح فيه
انانيتي حقدي والغيره اني نشوف يوسف عايش مبسوط عماني وخلاني انسانه تانيه
لدرجة ماكنتش عندي اهميه لاي شي حتي لزوجي وحوشي كل همي انتي وبس
وفعلا في مثل يقول ياشقي بهم الناس همك من يشقا بيه
كل اهتمامي كان ع حياتك مع يوسف وماهمني شي لعند جا يوم الي واعاني وفطنت ان عندي حوش وزوج وعندي شي نحزن عليه ويهمني  
وخنقت اميره العبره وقعداً ادموعها ينزلاً اتقول شلال
انا: وجعتني ودموعها وجعني حسيتها مش هيا اميره الي من قبل الي تجبر
خلاص مسامحتك عليش تبكي
اميره: تحكي وهيا تبكي . حتي لما جيت بنخرب حوشك ربي ردا عليا كلا وخرب حوشي انا
لما شمتت بأنك انتي اجهضتي وفرحت .ع طول ربي ردها ليا وروحت لحوشي وتعثرت من دروج وطحت
ولما مشيت طلع كلا وهم وطلع عندي تشوه خلقي وصعب اني نحمل
وهذا كلا بسبب اني جيت متشمتا فيك وبكلمه منك انتي لربي لما قتيلي حسبي الله ونعم الوكيل فيك
فعلا رد كلا عليا لاني ظلمتك وتعبتك واااجد
كان ربي يمهل فيا ويبيني نشوف غلطي لكن انا ماعدلتش وقعدت نسعي في اني انخرب حوشك ونسيت ربي ونسيت ان الي اديرا في رخيص تلقه في غالي  وانسيت ان الدنيا تبرم
وكنت انخرب ونخطط انك تطلقي من يوسف ومش همني شي وكأن فيش رب يأخذ الحق
كنت شيفتك ضعيفه وطيبه وحسيت روحي اقوي منك ونقدر عليك بس انسيت ان في شي اقوي مني ومنك
انسيت ربي الي يشوف في كل شي ويقدر ع كل شي
وقادر ان في لحظه حياتي تدمر
وانا كنت مش حسبا حساب شي ومش معدلا
تكبرت وجبرت ورفست نعمة الي بين ايديا وقعدت نبحت فيك وفي يوسف والحقد عامي ع قلبي 
بس ربي مهلني فتره لكن بعدها عطاني درس يوعيني يخليني انشوف انا وين ماشيه وشن بندير
انا: كنت نسمع في اميره وفي كلام الي اتقول فيه . وجعني واااجد
مع ان كانت نيتها سيئه ليا . لكن هيا في داخلها انسانه كويسه بس مرات الحقد والغيره تعمي قلب شخص اتخليه يصرف عكس شخصيتا
لان لو اميره مش كويسه ماكنتش اعترفت بغلطها وماكنتش جت اعتذرت
اميره: مسحت دموعها . وتنهدت . حياه انا جيتك طالبه منك اتسامحيني
انا مسافر لامريكا طيارتي بعد بكره وماشيا بنعالج
مانبيش انعالج ولا نسافر وفي حد زعلان ومش مسمحني
نبي علاجي يسير منا وربي يسهل امري
ونتمنا منك اتسامحيني حتي لو كان صعب عليك وعارفا الي درتا فيك مش اشويه ومن حقك ماتسامحينيش
بس انا معش يهمني شي توا غير ربي يكتبلي نحمل
ربي جابلي مصيبه خلتني نلها في روحي ونتباعد عليك لدرجة معش يهمني شي غير اني نحمل
خذيت درس علمني ان دنيا اصغيره
انا: صاح انك عيشتيني ايام في خووف وفي مشاكل صاراً  بيني وبين يوسف وكانن كلهن بسببك
بس يا اميره الانسان يغلط ومش معصوم من غلط
والانسان الي يغلط ويعترف بغلطا هذا انسان كويس
عكس الي يغلط ومايعترفش لان مهما دار تقعد نيتا مش نظيفه
لما شخص يرتكب ذنوب وااجد ويجي يسجد لربي ويبكي ويدعي ان ربي يغفرلا وهو في نيتا بيتوب ربي يغفر ويسامحه
فاكيف نحنا البني ادم لما يجينا حد يغلط فينا ويطلب سماح وهو يبكي ومعترف بكل شي وخلاص نال عقابه وجزاء من ربي ليش مانسامحوش ونغفرو
فعلاً انا كنت شايلا منك ومش مسامحتك علي كل الي درتيه فيا .بس ربي خذا حقي خلاص
عطاك انتي درس وعرفتي روحك غلطتي . فأنا ليش توا مانسامحش
اذا كان الله بعزتا وجلالته غفوراً رحيم
معناها انا الي ولا حاجه ليش مانسامحكش 
سمحتك ومن قلبي وربي يسهل امرك ويشفيك وتروحي مجبورة الخاطر يارب
اميره: تمت تبكي اتقول سماعا خبارت مووت .
انا: نين انفجعت من بكاها . خلاص اسسس وكلي ربك عليش لبكاء
وصبيت انجيب كباية اميا