الـحب الأعـمـى

الـبـارت 47

{الحب الأعمي }

الحلقه 47

انا ويوسف: سلام عليكم
كلهم: وعليكم السلام
انا: بحتت في عمتي وبحتت فيا
سالمه: صبت باهي انا بنمشي للحوش توا تصبحو ع خير
يوسف: بحت في اما ورقالا
نحنا: قدامك الخير
يوسف: امي
سالمه: نعم
يوسف: نبيك في موضوع ماترقديش
سالمه: باهي

وطلعت ام يوسف وسلمنا ع جدتا وجده
وقعمزنا انهدرزو وكانو معانا فيصل واروي
وكانت جدت يوسف عسل بكل وطيبه

عزيزه جدت يوسف: شن ياحياه فيش شي ع طريق
انا: ههههه لا مازال
عزيزه: باهي ربي يرزقك انتي ووسيفا ونشوف اعيالكم
انا: تسلمي ان شاء الله
اروي: مازال بدري ياجديده عليها خليها تستمتع بحياتها ولحقا عليهم لعيال
عزيزه: وتستمتع عادي بس حتي بعد اتجيب اعيال تستمتع يا اروي وهيا مازال صغيره عارفتها لكن حتي اتجيبي عيال من توا اتربيهم وتكبريهم وتريحي خيير
اروي: بس توا مازال عروس مازال بدري عليها لحقا عليها المعنا والبهدلا
عزيزه: تو الي يسمعك يا اروي يقول من قبل بعد طولتي ياما صار فيك
اروي: ههههه عدا انا كبيره ياجديده وفيصل كبير مش زي حياه اصغيره مازالت
عزيزه: عدا معاك لا نأخذو لا حق لاباطل يا خيتي
اروي: ههههههه فيش قعدتالك ع وحده ياجديده
عزيزه: ههههه ربي يخليكم كلكم لبعضكم ونشوف عيالكم كلكم ياالله
اروي: ان شاء الله واتشوفي عويلة هيثم وتفرحي به
عزيزه: ان شاء الله يارب  
انا: سكتا ونبتسم ونسمع في نقاش اروي وجدت يوسف

وقعدو يهدرزو وكان جو علي مش سمح بكل وزي المضايق ورايح راق وشكلا تعبان بكل حتي ضحكتا وكلاما مش زي قبل

ونحنا انهدرزو بحت فيا يوسف وجت عيني في عينا ولان انا زعلت منا في سياره امبدري
كشخت عليه
بعدها هو ابتسم وغمزلي
زرتني الضحكا بس بيتش انبينلا

انحبا ونمووت فيه نقدرش نزعل منا ولا نشيل عليه في حاجه اتخلي فيا من اول مانشوفا بس حتي وانا زعلانه منا انسامحا ع طول ونضعف
يوسف روحي وعيوني بجد كنت انبحت فيه وهو يحكي كأني اول مره انشوفا بس ع قد ماهو قريب مني انرايف عليه ونقعد مرايفتلا واااجد نعشقا ونحس في روحي من غيرا ولا حاجه هو دنيتي كلها

فطنت لروحي سارحا في يوسف ونفكر فيه في عقلي
قلت انهدرز خير مايقولو شن الهبلا هذي الي اتقول اول مره اتشوف يوسف 😉

~~~~~~~~~~~~~~~

نزار: جا يكر في شبشبا ويحك في راسا
خيير
كلهم: خيرات
معتصم: طير ينقب عينك ياكذاب
نزار: وهو يقعمز .تي انت مازالت حي
معتصم: تو مش قالت مش راقد
نزار: تي والله جيت درت دوش وبحتت في سرير ع اساس نتكي لقيت روحي نحلم
احلام: باهي  كنت اتواصل باقي نومك تو وعيت معش حترقد في الليل
نزار: لا وين نضت ومازالت نعسان قلت خليني نوعا ناكلي شي حاجه وبعدها نرد نرقد
معتصم: يعني الي موعيتك بطنك ياكبير البطن
نزار:  والله الجوع كافر ياولدعمي
معتصم : كافر لا مسلم
نزار: باهي نضحك توا
معتصم: لا اضحك
نزار :😒
رحاب: انديرلك حاجه تاكلها
نزار: والله ياريت يعني اديري فيا معروف
رحاب: به
سفيان: يعني حال الغايه تحسبيني امعاه
رحاب: واااو مصدقتو انبصر راه
معتصم: في مواضيع هذينا فيش ابصارا
حتي انا احسبيني معاهم
رحاب: اول ما معتصم قال نبي عالطول وافقت وعدت اديرلهم في عشاء