الـحب الأعـمـى

الـبـارت 97

{ الحب الأعمي }

الحلقه 97

منذر: هيا ياهند
هند: هيا نلبس ، الايشارب متاعي
منذر: خش للدار . لقا بنتا ع سرير . رقده
طبس عليها. وقعد يبوس فيها .
هند: تبحت في منذر في انعكاس لمرايه ، مش كويس اتبوسها  راه .مازلت اصغيره
منذر: يشم في بنتها.فكينا من كلام الدكاتره .
هند: بعد تمرض اقعد عيط بعدها باهي
منذر: ان شاء الله من حيصيرلها شي. وصبا وقرب من هند
حضنها من لورا
هند: ابتسمت. ها توا دوري انا
منذر: وانتي كويس ولا مش كويس حتي هو
هند: ههههه لا كويس
منذر: والله كان قعدتي اليوم وخليتيها بكره تمشي لهلك .هيثم يبي يجي اشويه اخره
هند: والله
منذر: والله
هند: نحسابهم اليوم مش جين مازال
منذر: لا هيثم انبدري كلم في صبح . كنت مع امي . وجدتي كلمت امي قالتلها تجي يبن ايديرن عشاء لهم
هند: قصدك اسبوع بيديرو
منذر: لالا قالتلها عشاء.هكي عشان تعرف العروس عليهم وبيلمو العيالا .بدون ماتلبس عربي .
هند: اها. اصلاً ماحد قال ان ديرين اسبوع لان هيثم اختصر كل شي لاتفريش شقه لا اسبوع لاشي حتي سياق شالا منا غادي
منذر: تباعد ع هند واتكا ع سرير. ماهو قصه لان انزر عليها زر هذا عليش قعد بيدير عرس وخلاص المهم يجيبها
تي تعرفي ان يوم زفه قبل مش خاش
هند: سلحت الايشارب. وقعمزت جنب منذر . وفنصت عيونها. احلف
منذر: اقسم بالله . قبل مش خاش. وصل عند الباب وقاللنا هيا قولولها تطلعلي .اشويه يوسف خذه ع جنب شكلا وقعد يحكي هو وياه
هند: والله حسيت  في شي اصلا خش علينا يضحك بس مش ابتسامة هيثم الي بعد يكون فرحان . وبسرعه بسرعه مابش حتي يقعد وحتي تصوير مصوراتيه بعد عدا قعد رقيالها قالت ماخذيتش الا كم سوره للعروس وحدها وصورتين بس لها هي والعريس
منذر: متكي. ويبحت تحت . ويلعب بصوبعا ع ورد الي في بطانيه. والله جدي ماكنش يزرا ان شاء الله تو مع الايام بالك يتعود عليها ويحبها
هند: والله ان شاء الله. هكي شكلها هكي ابنيه كويسه وطيبه حسيتها
منذر: والله ان شاء الله. وحتي معتصم مرقيها ليا موضوعا
هند: ابتسمت. هيييي عصومي دار دور في عرس بعد خش
منذر: عارفا هذا مايتحشمش بكل والصبايا بعد يشوفهن يقعدن عيونا قلوب
هند:ههههه لا بس والله مابحت لكن زاط في رقص هى واحلام والفرقه ولعتا بالاغاني
منذر: هههه الفرخ هذا مايتحشمش بكل ماهو قتلك
هند: والله ربي يفرحا وان شاء الله جدي علي يوافق . عليه
منذر: رفع راسا وبحت في هند . ان شاء الله ، وانتي كنك سلحتي الايشارب
هند: خلاص بنقعد وتو تشيلني بعدين في ليل . ونبات غادي
منذر: باهي تمام
هند: بالي قتلي جاي وساكت وماتحكيش
منذر: والله قصصكن انتن الصبايا واجدات وانا مانفهم فيهن
هند: لا حاجه زي هذي احكيها مره تانيه
منذر: كر هند من يدها. وقربها شورا . باهي تعالي نحكيلك ع حاجات اخره
هند. البنت يامنذر
مندر: راقده بلاش اسبل
هند: باهي اطلق يدي .
منذر: كر هند بالقوه وقرب منها و .......... رحو في خبر كانا