الـحب الأعـمـى

الـبـارت 85

{ الحب الأعمي }

الحلقه 85

ساره: وهيا تبكي . عطيني منوم اي شي مش قادره نرقد الله يربحك
ممرضه: حاظر اشويه ونجيك
ساره: قعدت اتهز ع سرير . باهي نرجا فيك
صالحه: اتبحت في ساره كيف اتهز وتبكي وزي الي قاعده في صارع وزي الي خايفا من شي

ممرضه: دكتور ساره حالتها تعبانه اشويه وقالتلي تبي منوم اي شي عشان ترقد شن نعطيها
دكتور: تنهد. تو نمشي نشوفها

خش دكتور وشاف حالة ساره قرب شور سريرها

دكتور: شن ياساره كنك
ساره: بنرقد بس مش قادره يادكتور.عطيني اي شي يسعدني اني نرقد 
دكتور: سكت اشويه وحك جبهتا.باهي تمام
التفت ع ممرضه. عطيها نفس مهدئ بس في وريد  
ممرضه: تمام

وطلع دكتور وممرضه ضربت ابره لساره في وريد
وبدأت تأخذ مفعولها وراحت ساره في نووم 

~~~~~~~~~~~~~~~~~~~~~~~~~~~~
رن رقم عصومي وناضت رحاب ع صوت موبايل
رحاب: الو . عصومي. فنصت اعيونها  شنوووو
رحمه: كانت واعيا وحالا النت . كنك
رحاب:الوو عصومي تسمع فيا عصومي
رحمه: كنا عصومي
رحاب: تحاول اتعاود ع معتصم .مش عارفا قالي راه نحنا
في مستشفي وقعد صوتا يقطع معش سمعت شي
وتوا ها خارج تغطيه قعد
رحمه: مستشفت شنو هذي .حي علينا زعمك صيرتلهم حاجه
رحاب: صبت من سرير وقعدت تمشي في دار . حي عليا
اقطع نومي حتي انا .ياريتني قعدت واعيا عند اطمنت ان وصل
رحمه: باهي تخافيش ان شاء الله خير الي عصومي رن عليك اكيد فيش شي خطير مرات
رحاب: مشكله هو دزلي مسج ان طالع ويقدرش يحكي معايا جنب نزار وقالي بعد نوصل كان حصلت وقت نفضا فيه تو نكلمك. وتوا يقولي في مستشفي اوووف ياربي
رحمه: باهي رني ع نزار
رحاب: شن انقولا نزار انرن عليه
رحمه: قوليلا ها وصلتُ ولا مازال دير روحك تسألي عليه
رحاب: عنجد هذي باينا اني نكذب .وبعدين هو ماقالش لهلي انظني
رحمه: مستحيل اكيد نزار كلم يابابا ياماما وقاللهم ماشي شرق عنجد يمشي بدون مايقول
رحاب:اصلاً فجأه طلعو انا عصومي صبح رن فجعني وقالي ماشي يعني نزار امتا لحق قالها لهلي
رحمه: تو ننزل نشوف ماما ونشوف تعرف ولا لا 
رحاب: ارجي تو ننزل معاك 

ونزلاً رحاب ورحمه لامهن

رحمه ورحاب: صباح الخير
فتحيه: صباح النور بالي نضتن ياعرايس ظهر توا
رحاب: عدا انا غبت اليوم عشان نأخذ راحتي في نوم
فتحيه: هذا عليش مابيتش انوعيكن حتي انا
رحمه:وين بابا
فتحيه: عدا العمل من صبح باتك .عليش تبي منا حاجه
رحمه: لاشي نسأل عادي
فتحيه : هابا عليك انتي ياسوسا ماتسألي الا وانتي تبيلك شي حاجه
رحاب: تي نزار وسفيان وين من امس شفتهمش
فتحيه: سفيان يقرا في دارا انا بروحي مانشوف فيه
ونزار من امس بايت في مزرعه قال هو و أصحابا
رحاب: بحتت في رحمه. اها باهي
امتا مروح
فتحيه: والله ماني عارفا ماقالش
رحاب: قعدت اتحك في شعرها  بتعجب .
فتحيه: كنك زي الهبل اتحكي في شعرك
رحاب: ماشي ياماما ماشي. اوووف
وطلعت من مطبخ ركبت لدارها
فتحيه: كنها هذي من صبح قالبا وجها
رحمه: تاكل في جبنه.اها مش عارف اكيد جتها حالتها
فتحيه: ربي يصبرني عليكم وخلاص  تعبتوني بسلامتكم
كل واحد هما من جيها
رحمه: وهيا اتحط لقمة في فمها. ماعدا انا صاح وحيده الي مطيعا
فتحيه: انتي ساد غير خطبتك هذي الي زرقتلي في نص
رحمه: وقفت مضغ لقمة الي في فمها . عليش منكش راضيا عليها خطبتي انتي
فتحيه: لا وكني مانرضا .بس العرب بعد امتحاناتك طالبين يجو يديرو دفع وبيان وبعدها بست شهور العرس
رحمه: كلام هذا قديم من اول ماخطبو
فتحيه: لا ياحنه هذي مالهش اسبوع جا عصام لباتك في مكتب و حكالا
رحمه: فنصت اعيونها. وشرقت في وكال . وقعدت اتكح
فتحيه: بسم الله .اشربي اميا هاكي
رحمه: شربت اميا . وحطت كبايه جنبها.شن قالتلي امتا جا لبابا وليش حكيتوليش
فتحيه: باتك قالي ماتحكيلهش عشان تلهش ع قرايتها وتركز فيها وبعد الامتحانات يحكيلك
رحمه: ابتسمت. يعني عصام بيجي ايدير حاجه رسميه
فتحيه: بأستغراب. اها كنك
رحمه: ضحكت . نجك ليا يا احلا ام في دنيا
وعدت اتبوس ع راس امها
فتحيه: تي بلاش اهبال كنك انكلبتي
رحمه: انحبك والله انحبكم كلكم . ووووواااو
فتحيه: طيح سعدك عليك عياط
رحمه: طلعت تجري من مطبخ وركبت فوق
فتحيه: تعالي هنا يامكلوبه فهميني عليش سعاده هذي كلها هابا منك انتي
ابتسمت و هزت براسها ع هبال رحمه
وقعدت اتضم في طاوله