الـحب الأعـمـى

الـبـارت 100

{ الحب الأعمي }

الحلقه 100

الجمعه يوم العرس

كانو الشباب كلهم في مزرعه ديرين حفلة معتصم فيها
ومن صبح جو متاعين الديكور عشان يوتو المسرح والطاولات والديكور

ونحنا كل حد فينا في حوشا ويوتي في روحا
وكنت نوتي في روحي وجيبا كوافيره في الحوش وقاعده في شقتي
وكلمت ساره معايا
وباقي صبايا احلام ورحمه مشن مع رحاب للكوافير متاعها
وهند واروي كل وحده عدت للكوافير متاعها
وصبايا لكبار قعدن في الحوش

انا: شن بتلبسي ياساره
ساره: والله مافكرت عندي قفطانين حايره بينهن بصراحه
انا: شن الوانهن
ساره: واحد احمر وثاني ازرق ملكي
انا: باهي شكلهن
ساره: الاحمر  طويل وبسيط  ومرسوم ع جسم . وفيه فاتحه من نص فخذ ع كراع اليمين وهو كم ومن لورا مفتوح . ظهرا عند نهايه فاتحه كبيره
انا: لما قعدت ساره توصفلي في قفطانها عيوني تمن قلوب وحسيتا عجبني وتخيلت شكلها فيه
باهي والثاني
ساره: الثاني . قصير اكماما دانتيل ورقبتا من قدام وضبط عند الخصر وبعدين فيه نفخا وقصير عند الركبه يجي
انا: اها لمبوجات هذينا
ساره: اها
انا: باهي بما ان الكوافيره اشويه واتجي
شن رايك تعدي اتجيبي قفاطينك نشوفهن وبالمره نقولك شن تلبسي . لو معندكش مانع يعني
ساره: ابتسمت. ياريت . وبعدين معش تقوليلي هكي انتي نعتبر فيك زي اختي وخشيتي قلبك من اول يوم شفتك وجيتي عندنا
انا: والله نفس الاحساس يعلم ربي بمعزتك . اوقات نحس فيك كيفي وقريبه من قصتي
ساره: استغربت . وملامح وجها تغيراً . قصتك كيف يعني
انا: ابتسمت. قصتي طويله . تو نحكيها لكي في يوم من الايام
ساره: باهي ليش ماتحكيهش ليا توا بما ان مكسدات
انا: والله ماني عارفا
ساره: باهي عشان خاطري . احكيلي
انا: باهي تو نحكيلك. بس خليها بعد العرس نديرو قعده حلوه هكي ونهدرزو فيها
ساره: لا وراس يوسف. احكيلي توا
انا: ابتسمت باهي عليش الزر يعني . كنك مستعجله
ساره: هكي عشان خاطري.
انا: استغربت من ألحاح ساره علي انها بتسمع قصتي . باهي ياستي نحكيلك عند اتجي كوافيره بس كان جات وقطعتني خلاص نكملو يوم اخره
ساره: ابتسمت. وسقمت قعدتها . تمام باهي
انا: ياحنه انا كيفك هكي يعني ع حسب مانعرف انك انتي وهيثم مش قابلين بعضكم يعني ماتبوش بعضكم . صاح
ساره: هزت براسها. اها
انا: خلاص وانا ويوسف كنا كيفكم مانبوش بعضنا وازوجني يوسف وكان راقضني وجيبني عشان جدي علي حلفلا بطلاق ان يجوز بس اختارني بمزاجا لكن غصبن عنا
ساره: كانت تسمع بكل انتباه . وانسجام وحسيتها مهتما بكل حرف وكلمه نقولها وكأن بين كلامي كانت ادور علي شي هي تبي تسمعا مني
انا: كنت نحكي علي قصتي مع يوسف من اول ما أزوجنا وجميع الاحداث والقصص الي صاراً بينا سوا اتفرح او تزعل
مع التحفظ في خصوصياتي الزوجيه
ساره: كانت تبتسم في اوقات شرحي لها لاحداث اتفرح وكانت تزعل
انا: ايوا ياحنه وهذي القصه بأختصار . السبب الي خلاني نقرب من يوسف هو أحلام
عشان هكي عندها معزا خاصه في قلبي
ساره: باهي هذا حدها مافيش شي ثاني
انا: استغربت . شي ثاني زي شنو يعني
ساره: ابتسمت. لا فوتي. بس بجد حلوه قصتكم ولايقين ع بعضكم واااجد
انا: حسيت من نظره ساره ان صارلها خيبت أمل وكأنها كانت ادور علي شي في قصتي بس مالقتش وماوصلتلش
ساره: تنهدت وبأبتسامه حزينه. ربي يسعدك بجد ويكمل عليك
انا: امين . عشان هكي حكيتلك ونبيك لو انتي وهيثم مش قريبين لبعضكم تقدري تحاولي انك تقربي منا وتخليه يميل شورك
ساره: ساكتا
انا: ممكن في بدايه تلقيها صعبه بس مع الوقت حتعرفي تصرفي . بس بنسألك انتي اتحبي هيثم
يعني عندك قبول له
ساره: درتلي حركه بفمها . بمعنا عادي
انا: يعني عادي
ساره: اها
انا: يعني عندك قبول له
ساره: مشت يدها ع شعرها. تعرفي ياحياه مايهمنيش عادي . غيابه وحضوره كيف بعضهن عندي
انا: والله
ساره: سكتت
انا: تنهدت. وحسيت ان ساره كلام الي تقول فيه عكس الي في داخلها . باهي ع اقل حاولي
ساره: ان شاء الله خير
انا: ههههه ماتقوليش هكي وتودي عليا بأستهزاء .بس حاولي
ساره: حاظر
انا: عرفت ان ساره كانت تمشي فيا بالكلام . باهي انتي مش حتحكيلي قصتك
ساره: انفجعت. قصة شنو
انا: قصتك كيف كان شعورك وشن شعورك وهكي يعني
ساره: تحاول تهرب من سؤالي. تو يجي يوم وممكن نحكيلك
انا: يعني ماتبيش توا
ساره: هزت براسها . بمعنا لا
انا: بس تعرفي احلا حاجه انك سجلتي وبديتي عشان تقري وتكوني نفسك بروا عليك
ساره: لان اهم شي للمرأ وسلاحها الوحيد الي قويها هو الشهاده متاعها.
انا: فعلاً معك الحق . هذا اكبر سلاح تقدري تملكيه بأرادتك انتي وهو الي يخليك قوي
حتي لو ازوجتي ومااشتغلتيش ب شهادتك يكفي اتكون عندك وفي اي وقت تحتاجيها تلقيها
ساره: بذات توا نحنا في عصر العلم والتكنولوجيا والتطور . يحتاج ان المرأ تكون متعلمه ومثقه عشان تربي اجيال كويسه الي هما عيالها ولازم تكون متعلمه عشان تقدر اترد علي كل اسئلتهم وتقدر تواكب عقليتهم
انا: صاح صدقتي. وانتي مشاء الله عليك عجبتيني بعد هيثم قال اليوسف يومتها ان بيسجلك في جامعه لانك انتي طلبتي هكي
ساره: اها وبارك الله فيه يوسف ماقصرش بجد
انا: لاعادي مافيهش حاجه
ساره: . بحتت في مكتبه . بعدين بحتت فيا . انتي تقري في كتب
انا: بحتت في مكتبه. اها نقرأ بس هذينا كتب يوسف مش متاعي . وانا بديت مؤخراً في قرايت الكتب
ساره: اها . تمام
انا: وانتي
ساره: عشقي الكتب . نحبهن وااجد . ولما نحب نعيش في مكان غير الي يعيشا فيه نقرأ كتب منها انتعلم ثقافات عن بلدان اخره ونكتسب خبره لغويه ونزود روحي بمعلومات واوقات واجد نأخذ عبره او حكمه
ع حسب الكتاب و الروايه الي نقرها وع شنو تحكي
يعني لكتاب بالنسبه ليا حياه وهي الي تثقف الشخص واجد وطبعاً الشي هذا من بعد كتاب الله
الي هو بروحا علم كبير من معارفه
انا: ونعم بالله . صاح كلامك . ومشاء الله عليك . شكلك هاديه ويحوي علي انك هكي كيوت
بس انتي بجد انسانه مثقفه صاح وراقيه في كلامك
وعشان هكي حبيتك تخشي قلب بسرعه
ساره: ابتسمت. تسلمي حبيبتي . وانتي والله مفس الشي بالنسبه ليا
انا: باهي بما ان اليوم اولك مناسبه . عدي جيبي قفاطينك ونختار معاك . ونقررو شن تلبسي
ساره: تمام تو ننزل ونجيبهن
انا: خلاص علي مانزلتي .انرن ع كوافيره نشوفها ليش تأخرت
ساره: تمام