الـحب الأعـمـى

الـبـارت 28

{ الحب الأعمي }

الحلقه 28

فيصل: شنو صار
هيثم:  خلاص تم اتصلتلك وحجزتلك
فيصل: باهي ياطيري امنور انردوها لكي في عرسك
هيثم: ان شاء الله يامعلم
بس قتلك بنات كيف يصير فيهن
فيصل: تو نخليهن مع امي هنا 3 ايام ومروحين
هيثم: باهي تمام
فيصل: بس قتلك الموضوع سكرت بينا تمام
هيثم: تم
فيصل: باهي انا توا تصبح ع خير انخش انهدرز يالا امي اشويه ونركب نرقد وراي نوضا في صبح بدري
هيثم: باهي عدي
فيصل: بعد خطرها شن صار في يوسف حكيت امعاه
هيثم: تي ماتلقيتش امعاه اليوم تو نكلما توا انشوفا
فيصل: باهي اوكي
هيثم: تي خلاص لا ركبت لا ريحتنا
فيصل: ههههههه

وعدا فيصل خش للحوش وهيثم قعد في جنان ورن ع يوسف

يوسف: الوو
هيثم: يامرحبا
يوسف: عطك كرهبا تعفس عليك 
هيثم: هههه رايق شكلك ياتيس
يوسف: ههههه كنك حسدني
هيثم: شن جوك
يوسف: تمام والله انت شن اخبارك
هيثم: ميه الميه وين قاعد
يوسف: في ........
هيثم: ههههه تي عدي ياوسخ نحكي بجد وين قاعد
يوسف: تي وين قاعد يعني فوق
هيثم: باهي تواضع وانزللنا لوطا
يوسف: انت في جنان قاعد
هيثم: ان شاء الله
يوسف: كنك شن في 
هيثم: لا مافي شي غير نبي نفضفض معاك اشويه
يوسف: خلاص عطيني خمس دقايق وننزلك
هيثم: تم نرجاك
يوسف: اوكي

انا: من
يوسف:وانتي شن دخلك
انا: رفعت حاجبي . والله
يوسف: عض ع فما من تحت . يانا عليا انا من الواعره
انا: ههههه . والله من ياروحي
يوسف: هيثم يبيني قالي تعال
انا: خير ان شاء الله تو ساعه 12 ونص
يوسف: لا شي كساد بيهدرز
بعدين تكليمات هذينا خوذي عليهن بالنسبه لنا عادي جدا مرات يرنو عليا حتي 4 الفجر يقولولي انزل هدرز بالجو
انا: هههههه باهي ياعمري عدي
يوسف: مش حنطول كان نعستي وماركبتش ماترقديش ارجيني
انا: جيت بنكشخ
يوسف: ههههه انبصر كان نعستي ارقدي ياعيوني باهي بس حال الغايه ترجيني يعني
انا: ههههه باهي خلاص عدي
يوسف: قرب مني عطاني بوسا سريعا
وطلع

برمت ع شقه وماعرفتش شن اندير بعدين ذكرت لكتاب الي كنت نقرأ فيه ويوسف ماخلنيش انكملا عديت خذيتا
وقعدت نقرأ فيه لعند وين ماوصلت
قلت انضيع وقتي فيه لعند مايوسف يركب

نزل يوسف ولقا هيثم مقعمز جنب حوض السباحه
ع كراسي

طلع يوسف سبسي ولعا وجا شور هيثم

يوسف: اووي
هيثم: هلا
يوسف: وهو يقعمز ع كرسي مقابل هيثم
كنك يا .... مكلمني شن في
هيثم: تي كنك يا.... اتقول اول مره انكلمك عليش تركيب هذا كلا
يوسف: اصلا مش من عوايدك
هيثم: باهي انا غلطان لان كلمتك ع اساس قلت نحكي معاك
يوسف: باهي تو فكني من دراما واحكي شن في شغلتني
هيثم: تي مافي شي غير بنقولك انت شن جوك
يوسف: بحت في هيثم بنص عين . والله مكلمني ع هذي
هيثم: هههههه انبصر يارا وانت رايح عصبي
يوسف: ماهو انت بتقعد اتحنط هكي ماشور شي راه
هيثم: لا والله جد مكلمك انا فكرت هكي وقلبتها في عقلي وان شاء الله ناوي بنكمل نص ديني
يوسف: اووووو وين ع تطورات هذينا
ومن الي امها داعيا عليها هذي
هيثم: هيا انا انعجبت بيها بس مازال ماحكيتش في الموضوع لحد الا لك انت ومعتصم يعلم بيه
يوسف: باهي وين ومن هيا
هيثم: طربلسيه هيا وخوها صاحبي واجد
يوسف: باهي تمام كويس وحكيت لخوها ولا مازال
هيثم: لا مازال مادويت لحد قتلك ونبي لعند ماحلت جدتهم تحسن اشويه بعدها نحكيلا في موضوع
يوسف: اها قصدك هذا الي جدتا دارت عملية قلب مفتوح
هيثم: ايوا هو هذا
يوسف: باهي ان شاء الله كل شي ع بركه
هيثم: ان شاء الله
يوسف: بالي درت خطوه في عمرك مسقما
هيثم: ههههه . باهي قولي انت شن اخبارك . وغمزلا
يوسف: تمام والله
هيثم: شن امور مع حياه
يوسف: حياه عطتني حياه من جديد
هيثم: يعني امورك سالكا امعاه وطلعت فكرة الطلاق
يوسف: طلاق شنو
تي انسيتا بكل ومانبيش نذكرا مش عارف وقتها عقلي وين كان وقت الي قلت بنطلق
عارف فعلا يا هيثم
عسي ان تكره شيئاً وهو خيراً لكم
انا كنت كره حياه في بدايه ومش طيقها بس تو نموت فيها
نستني حب أميره وكأنا اميره هذي ماحبيتهش يوم كأن حياه هيا اول حب ليا
انا اميره نكرهش في الاخير بنت عمتي تقعد بس معش انحبها كيف قبل يعني كيفها كيف خواتها كأن فيش بيني وبينها حب كان ولا شي
هيثم: قتلك من الاول يقولو فيها يقول المرأ تنسيها مرأ
مافيش يايوسف دبينا القلب هذا ينبض وانت كل مره اتحب ممكن صاح الواحد يحب من قلبا وبعد يصير لفراق يصعب عليه بس مايقولش انا مستحيل حنحب بعد الشخص هذا او مستحيل انعيش بلاه
كلام هذا كلام فاضي
فيش حد مايعيشش بعد حد ومافيش حد مايحبش بعد حبا الاول
القلب هذا متقلب دبينا في ناس تهتم بيه وتعطف عليه وتحبا فا من طبيعي حيحب من جديد
وانت هذا الي صارلك ع اثر انك مقهور من تسيبت اميره لك لانها باعتك وجرحاتك ع اثر انها قعدت بعيده ومش زي قبل
فاحياه خذت مكانها لقيتها هيا الي جنبك ومهتما بيك فا من طبيعي انك اتحب او حتي تحمل مشاعر اتجاها
يوسف: وفعلا هذا الي صارلي حياه نستني ان في اميره قبلها
وتو القلب مافيهش الا حياه وبس واميره ماضي وحتي تذكير نبيش نذكرا
هيثم: ابتسم. وخبط ع كراع يوسف  وهذا الصح ياولد خويا
والبعيد ع عين بعيد عالقلب 
يوسف: ايوا الله ههههه
هيثم: باهي بعد اني طمنت عليك توكل اركب لمراتك
يوسف: وهو يمشي في يدا ع شعرا
تم تبيش شي انت
هيثم: لا ياطيري اربح
يوسف: تصبح ع خير
هيثم: قدامك الخير وسلملنا ع حياه
يوسف: يوصل