الـحب الأعـمـى

الـبـارت 87

{ الحب الاعمي }

الحلقه 87

معتصم:خلاص يارا نفختهن وانت من اول ماطلعنا من بيضاء ماسكتش اتقول زامط راديو
نزار:توا ياتافه تلقا واحد كيفي يغيرلك في جوك قاعد نحكي معاك عشان ماتنعسش وتكسد بس الحق عليا
معتصم :ع اساس يعني المشكله ياريت غير تحكي في حاجه عليها الفايده كملتها ليا ذكريات وتذكر فيا بحاجات انا مش عارف وين كنت فيهن .ناسي امهن  تي امس انا مش مذكر شن كليت وانت قاعد اذكر فيا في سنة الف تسعمايه وديناصور 😒
نزار: خزيه خساره مافي ذكريات بيني وبينك ازح والله خطرن عليا بس انت الي فيكش جو . الله الله عليك ايام
معتصم: تي شن قصتك انت اليوم فكها ليا بريزت روتانا زمان الي عالقها ليا هذي من صبح ربي وكملتها ليا ذكريات
نزار : والله ايام ياعصومي خطرن عليا سببها شفت صورتي انا وياك امس ونحنا صغار الي حطها ع فيس قعدت نضحك غير انت مدمدر كنت وذكرت طفولتنا ومرهقتنا الي مش قاعده بكل والله رايفت عليهن
معتصم: ماتقوليش صورة الي ماسك حنك حولي وديرا ديروحا مسدس
نزار : ايوا هيا هذي 
معتصم: حي ع ام العار احذفها ازح وحطلنا صورة ونحنا عازقين طارحات وجو مش متشردين
نزار: والله فيها جو
معتصم: تي تعرف نذكر الصوره هذي بعد صورها عمي جاني كف من امي مافهمتش كيف عطاتا ليا
نزار: ههههه وعليش
معتصم: ع لبسا الي لطعتها بالطبيخه الي في حنك متاع الحولي
نزار: ههههه عمتي سالمه ديما كفوفها واتيات بذات ع دبش بعد يتلبز
معتصم: اقسم بالله كف هذكي عند توا مازلت انحس بطعمت تشلفيطا متاعا علي وجهي من كثر ماوجعني
نزار: هههههه ريتك اهو ذكرت حاجه
معتصم: لابديت نندمج في موضوع وشكلي انا الي بنعلق بريزت روتانا زمان
نزار : هههه شكلك هكي ،بس الله الله عليك ايام اسماح
معتصم: تي ياما حتقول الله الله كل ماتمر سنه حتقول ع سنه الي قبلها الله الله عليك ايام
نزار: والله جد ايام يمشن بسرعه ودنيا  تغير ونحنا نكبرو ونقعدو سامطين
معتصم: باهي نحنا فينا جو وعندنا ذكريات ننقنا الي مزاط خوك سفيان ذكرياتا كلهن مع شيتات واوراق ازح
نزار: تي انت زقبلا زقبا شينه ع لقرايا
معتصم: لا انا العيل هذا وراه لعند يايسيب لقرايا يا ايتخرج بسرعه
نزار: ننقنا غليظ بالجو انا بروحي امزط امي كلما نحتاجا نلقه يقرأ ومش فاضي والله ذكرياتي معاك انت اكثر منا هو الي داير روحا خويا وعيشين في نفس الحوش
معتصم: ننقنا موضوعا موضوع لازم نديرولا حل
نزار: تو نروح انتلا بكف انا عارف
معتصم: لاياواعر وسع بالك واهدأ ،بس قولي توا شن امورك مع بنت عمتك
نزار:تمام والله جو تمام
معتصم: ماتبش ادير شي ولاشن وضعك معاها
نزار: والله بجديات البنت خشت عقلي وخاطري وكان شهور هذينا مشن ع خير في بالي اندير حاجه رسمي بس توا مانبيش نربط روحي مازلت مش واتي انحس في روحي
معتصم: باهي ان شاء الله خير ياطيري
نزار: غير نفرح بيك وبعدها انا ساهل ولاشن رايك انت. وغمز نزار للمعتصم
معتصم: اوكي تو تلعب في دور العقلا ع اساس
نزار:  يصير مني ولا لا
معتصم: مسح بيدا علي وجه .تعرف انت اليوم شكلك طلعت بدون ماتغ.... صاح
نزار: ههههه صاح كيف عرفتها
معتصم: حسيت اصلاً
نزار: بالي وصلنا حسيت بنغازي تبعدت المره هذي
معتصم : لاهيا بنغازي في مكانهابس جو ذكريات الي درتا لنا والدراما متاع ايام زمان خلت الطريق طويله و ممله
نزار: ماهو كان مسجل ماخربش راه حليت اغاني وغيرت جوك بس قلت نهدرزلك بيش ماتنعسش ونلهيك
معتصم: كان سكتت ارجلك .غير نكدت عليا وخلاص وذكرتني بالكف الي كنت ناسيه
نزار: خزيه خساره فيك الخير علي الي  يرافقك مره ثانيه يامسخ
معتصم: كان رفقتك هكي محلا فراقك بالجو 
نزار: فتح  نزار روشن السياره وهو يحكي . ننقنك تافه .  بحت الجو بدأ يصقع صاح
معتصم: خلاص ماعد جايك غير صقع توا وبطاطين والجو السمح
نزار : شتاء ننقنا عليك جو فيه
وصلو نزار ومعتصم ع عصر لبنغازي وكان معتصم مشغول ع رحاب المريضه وماصدق امتا يوصلو عشان يشوفها