الـحب الأعـمـى

بـاقـي الـبـارت 100

( الحب الاعمي )

الحلقه 100
الجزء الثاني

سالمه: اسكت لازم نديرو هكي ع عين . وراكم مش حتخشو الا ع اغنية اسماء الله الحسني
معتصم: شن الجو هذا ياسلوما اتقول خشين صوفيين
مش عرسان . الله يربحك خليه ع اغنيه الي خاش عليها

معتصم: تو نعقلو ياسلوما . ادعيلي انتي بس. وحب ع راس اما
سالمه: ربي يسعدك ويهنيك . ونزل دموعها
فتحيه: قعدت تبكي ع رحاب
معتصم: شن الدرما هذي جيبيلهن سنكرس يا احلام الله يربحك
احلام: عدا خلن لعيال يخشو فرحانين عليش هالبكا وهما تو يسكنو جنبكم مش متبعدين عليكم
رحاب: مسكه باقتها. ومبتسمه . وكانت بدمع
معتصم: اووووو تبي تبكي حتي هذي . هيا صقدوني خلوني نخش الله يربحكم
وقلنا للفرقه تحل الاغنيه متاع اسماء الله الخسني لان كان راي سالمه ومعتصم مابش يرفض طلبها

وخش هو ورحاب . وانصدمو المعازيم كلهم ان العريس هو الي خاش بالعروسه
وكاين منظرهم حلو بكل مع بعضهم
وعصومي كاينا الفرحه مش سيعتا ان خذا حب حياتا
ورحاب كلنت فرحانه وتشير لصحباتها وللناس الي تعرفهم

ركبو ع مسرح وبدات مصوراتيه تصور فيهم

معتصم: يعلق ع مصوراتيه . مافيش لقطه اقرب من هكي يعني
مصوراتيه : ابتسمت
رحاب:  فنصت عيونها عصووومي 
معتصم: هذي تبي ادير الجو كلا قدام الناس يابطه
تحسبيني قتالها هكي بالصاح بصاره هازي عليها.
رحاب: يعني تحشمت انت
معتصم: مهما كان نبي حركات هذينا بينا بس . وغمز لرحاب
رحاب: باهي ريح روحك يا انت
معتصم: باهي يا انتي تو نريح روحي توا

وقعدت مصوراتيه اتصور فيهم
وبدات الفرقه اتغني
وقعدنا نحنا انصفقو معاها وخشت احلام مع سالمه ترقص وخشت فتحيه
وركبنا صورنا مع معتصم ورحاب

هناء: ركبت للمسرح. وكاين معتصم ورحاب مقعمزين . ومطبس معتصم يحكي مع رحاب

معتصم: ها جيتنا السماطه.
رحاب: رسمه ابتسامه ع وجها. باهي سمعاتك عيب
هناء: وقف عند معتصم . ومدت يدها. الف مبرووك
معتصم: مد يدا . وطبس لوطا  وحط يدا ع بطمه متاع الجاكه . الله يبارك فيك 
هناء: رقتالها من لقطة معتصم . ان ماعبرهش . ومدت يدها رحاب . مبروووك
رحاب: ابتسمت. مجامله الله يبارك فيك

ونزلت هناء. ومعش شفنها بكل اختفت

انا: هيا تبو تقصو التورته
معتصم: اها هيا
وصبو معتصم ورحاب للطاوله الي عليها التورتا
وحلينالهم اغنيه الي كان معتصم يبيها
وكانت العمر دياب وقعد معتصم
يسمط ع رحاب ويقرب التورتا من فمها ويبعد فيها من عليها
رحاب: معش وخذتها يا انت
معتصم: والله اخر مره يابطتي هيا
رحاب: فتحت فمها . وحط معتصم اتورتا في فمها

وكلو بعضهم التورتا وشربو العصير
وكانن الاجواء هذينا ع اغنية عمرو دياب

‎والله وهتجمعنا الحياه�كان حلم غالي�افرح يا قلبي وعيش معاه�احلي الليالي
‎والليله حبيبي الليله ليلة عمرنا�الليله دي اجمل ليله في حياتي انا
‎عايز تحس بفرحتي�خليك مكاني�هعيش معاه الي حلمت بيه�مش حد تاني
‎والليله حبيبي الليله ليلة عمرنا�الليله دي اجمل ليله في حياتي انا
‎والليله حبيبي الليله ليلة عمرنا�الليله دي اجمل ليله في حياتي انا