{ الحب الاعمي }
الحلقه 89
يوسف:خذا الشنطه وصل عند الباب بيطلع
انا:يوسف
يوسف: بحت فيا نعم
انا: عطيني موبايلي
يوسف: مش لازم هنا ثلاث ايام ومروح ومش شفتيهم هلك امس في عرس، خلاص تحملي
انا:صبيت من سرير ،يعني شنو
يوسف:يعني مش حنعطيه لكي
انا: اها يعني بتحبسني صاح
يوسف:افهميها كيف ماتبي ، بس مش حتطلعي من الحوش هذا انتي
انا:تمام عدي سافر ولما اترد حتشوف بعينك شن حيصير
يوسف: شن قصدك
انا:رديت للسرير متاعي .لاشي عدي انت توا
يوسف : اوووف وتنهد . المشكله مانبيش نتعامل معاك بطريقه هذي بس انتي جبرتيني طالب منك ترجيني بس عند انروح مرات يطلع مش ولدي
انا: حطيت ايدايا ع وذاني وسكرت وذاني . خلاص عدي مانبيش نسمع منك شي عدي بس
يوسف: بحت فيا اشويه . اوكي ماشي انا .وطلع من دار وسمعتا طبق باب الحوش
انا: نزلن دموعي كيف شلال ونهرت من لبكا .وقعدت نرجا بالدقيقه امتا اتجي ساعه 11عشان نعرف كيف نصرف ونطلع من الشقه
~~~~~~~~~~~~~~~~~~~~~~~~~~
هيثم : صباح الخير
إكرام :صباح النور .شني خلاص بتطلع توا
هيثم : اها طالع توا للمطار ويوسف قاعد يرجا فيا في سياره
إكرام : باهي رد بالك ع روحك وطمني بعد قريب تطلع طيارتك
هيثم : حاظر من عيوني
إكرام: تسلم عيونك
هيثم: خلاص انتي عدي ارقدي وتريحي وانا قبل مانطلع اندزلك مسج ولما نوصل غادي نعلق نت ونحكي معاك تمام
إكرام: باهي تمام دفي روحك انت بس
هيثم : ابتسم ماشي هيا باي توا
إكرام : اوكي
وسكر هيثم وهو مبسوط ان كلم إكرام قبل مايسافر
بحت في وقت جا بيرن ع ساره بس لقا الوقت بدري دز مسج
( صباح الخيير .سمحيني كان ازعجتك بس انا مسافر كم يوم في موضوع ضروري عندي ولما نروح ان شاء الله انمر عليكم ولو احتجتي شي قولو لموسي وصيتا عليكم امس واليوم حيجيكم معتصم ولد خويا يعطيك حاجات .سلميلي ع عمتي وردي بالك علي روحك )
دز مسج وخذا شنطه وطلع هيثم ليوسف وركب السياره وعدو للمطار
~~~~~~~~~~~~~~~~~~~~~~~
اروي: ناضت وتحس في بطنها ليا ، بحتت جنبها ع سرير
فيصل : راقد وحاط يدا علي وجه
اروي : اتهز في فيصل . فيصل فيصل
فيصل : همممم
اروي: حطا يدها علي بطنها نوض انظني بنجيب بطني بكل
فيصل : ناض فتح عيونا .ومط من سرير كنها توجع فيك بطنك
اروي: اها ليا بكل
فيصل: نزل من سرير . باهي هيا واتي روحك علي ماخذيت البنات لأمي هيا بسرعه
اروي : صبت تلبس في العبايا امتاعها وكانت اموتيا شنطة البيبي خذتها وطلعت من دار
نزل فيصل يجري من دروج بالبنات الحوش هلا وتلقا مع باتا وأما عند الدروج لبسين وطالعين
سالمه:كنك بسم الله نازل تجري
فيصل: اروي شكلها بتجيب
سالمه: باهي ربي ينوضها ع خير وسلامه
فيصل: البنات خليهن عندك
سالمه: باهي انت توا عدي بس وماعليك فيهن البنات
وخذت سالمه البنات وخششتهن للحوش
وركب فيصل وتلقا مع اروي بتطلع من باب الشقه
خذها ونزل بيها
أنت تقرأ
الـحب الأعـمـى
Romansaطبعآ هياا روايةة منقولهه مش انا اللي كتبتها بس هيا عجبتني وحبيت انزلها ع الوات باد❤
